2016 年 3 月尾新開業嘅「北菓樓」火速成為旅客到札幌必到之地！亦是大家食買首選第一位！而北菓樓另一個重點就落喺從開業就一直人龍不絕嘅 2 樓 cafe 啦！雖然超人氣，但 Cafe 嘅座位不多，只有大約 12 張桌。...
2016 年 3 月尾新開業嘅「北菓樓」火速成為旅客到札幌必到之地！亦是大家食買首選第一位！而北菓樓另一個重點就落喺從開業就一直人龍不絕嘅 2 樓 cafe 啦！雖然超人氣，但 Cafe 嘅座位不多，只有大約 12 張桌。簡潔明亮嘅裝潢風格，配合座位嘅前後方都有直達天花板嘅書櫃，近六千本藏書真係可以隨意選擇邊食邊讀，書卷味慢慢滲出，令大家不忘呢度嘅前身就係圖書館。
而 cafe 中嘅食物當然都以雪糕、蛋糕等甜點作為主打，當中限量供應嘅款式，例如法式多士很多時喺中午就已經賣光，另外為咗照顧同行男士嘅需要，更有鹹食供應，意粉、蛋包飯等都有，咁就唔怕唔飽肚啦！
6 千多本藏書中，除了有北海道旅遊書籍，當然少不了有安藤忠雄嘅建築設計書籍啦。
在 Cafe 後面，洗手間嘅對面有展覽廳，展出札幌地圖模型及北海道廳立圖書館的歷史演變，不要錯過！
浪漫嘅白色鋼琴，可惜只作欣嘗，識彈都唔好摸呀。
士多啤梨芭菲
除咗白色紅牆裝潢，兩邊都有格子窗戶滲入自然光。
