|
土佐たたき道場 詳細介紹 高知縣，面向太平洋，每年都有大量鰹魚隨「黑潮」（日本暖流）向北遊，所以向來盛產鰹魚！當地人除將鰹魚製作刺身、風乾煙薰製成柴魚片，仲有特色名物「鰹魚半敲燒」－－用大火將鰹魚表面略微烤熟，搭配洋葱、薑、蒜及鹽等佐食。而高知縣土佐，正正就係「鰹魚半敲燒」嘅發源地，當然要去埋全日本第一個教人落手落腳燒鰹魚嘅學堂「土佐たたき道場」，拜師學藝！ 工序嚟講，非常簡單：新鮮捕獲嘅鰹魚，早已有專人幫你插埋上燒烤叉，只須連叉帶肉放在火爐，猛火燒個三兩分鐘即成，切埋片就可以即刻品嘗！當然都有些少技巧嘅：乾稻草火焰極熱，但老師父話千祈唔可以「離火」，以免影響魚質鮮味，同學們焗住頂硬上，惟有齊齊下跪 BBQ！唔緊要，咪當拜見師父囉！  火勢大，現場氣溫急增，參加者大多選擇蹲下降降溫！  鰹魚塊已預先切成厚片並插在鐵叉上。  表面烤得焦黑，但內部保持生冷才美味。  藁焼き龍馬膳，連鰹魚半敲燒體驗，2,000 日圓。  土佐たたき道場 地址：高知市仁井田 201-2 電話：+81 (0) 88-847-3255 價錢：約 2,000 日圓（連定食） |
