Chocolate Boutique

在 Chocolate Boutique，有多種熱帶水果造的朱古力，榴槤雪榚是熱賣之一，據講，榴槤雪糕用 D15 榴槤做，因其肉厚味濃，而雪糕底是某著名而大眾化品牌的呍呢嗱雪糕，榴槤和雪糕的分量比例是 400 克比 1,000 克。雪糕裏有不少榴槤肉粒，香滑好美味！

熱榴槤咖啡雖是即沖，但榴槤味和咖啡味好香濃又夠滑，醒大家一個貼士：1 包即溶榴槤咖啡粉，加入 150 毫升熱水，味道最理想。有一款榴槤朱古力是用榴槤肉做餡，9 粒裝 30 馬幣（HK$75），每粒要 HK$8.3！矜貴！