韓國向來都是盛產海鮮的地方，每次收睇韓國綜藝，看見主持嘉賓大啖大啖食，食到嘩嘩聲都不禁令人羨慕！然而，韓國食海鮮不一定要去到濟州、江原道、釜山一帶，在首爾市內一樣可以食到滋味的海鮮大餐，而且價錢合理，最貴都是港幣$360左右。
同場加映: 【快閃旅行團】超人氣花魁體驗 記者試玩！專人化妝整髮+攝影修圖
首爾市中心教大站有一間「潛水員家 」(잠수부네)，店內提供巨型貝類鍋，入面有齊扇貝、青口、海螺等貝類海鮮，另外，亦可以加配螃蟹令湯底更鮮甜美味。至於配料則有傳統的韓式配料，如魚糕串、餃子等，兩款食材吸盡湯頭精華，啖啖都是幸福味道。如果不想錯過濃郁的湯底，還可以加配刀削麵！
不過，貝類鍋非店內皇牌，店內皇牌是「海鮮拼盤」。同樣以貝類海鮮為主，但拼盤有齊扇貝刺身、蒸扇貝、海螺刺身、海菠蘿刺身、魷魚刺身、蒸大蝦、鮑魚刺身、螄蚶、鋼纖海鞘等，聽完都流晒口水。海鮮拼盤菜單還會根據當造季節而有所變更，因為老闆覺得應讓客人吃到最鮮味的海鮮。此外，如果喜歡魚刺身的，也可以加錢追加。
據悉，店內的海鮮每天都是由各個城市當日運送而來，所以只會出售當日的份量，賣完就無，賣不完也不會隔夜。另外，店內提供無經過冷藏的海鮮，所有海鮮都是從水缸直接撈起即煮即食，好似在香港食流水蝦一樣。
「潛水員家 」性價比極高，貝類鍋分為大、中、小，定價50,000至60,000韓圜（約港幣$302至$363)。至於海鮮拼盤更平，同樣分為大、中、小，定價40,000至60,000韓圜（約港幣$242至$363)！而現時韓國已經全面開關，下次去旅行記得Bookmark定一餐去食海鮮鍋啦！
潛水員家 (잠수부네)
營業時間：16:00-01:00 (星期一至五)、16:00-12:00(星期六及日)
地址：서울 서초구 서초대로53길 7 효성빌딩 지하1층
交通方法：首爾地鐵2或3號線教大站(교대역) 4號出口步行約3分鐘
IG:https://www.instagram.com/jamsooboo.21/
資料來源：IG@jamsoobu.20
↓立即睇打卡熱點／地道隱世美食／必買手信等！↓
↓精選50間咖啡店（附評分）！即睇詳細介紹↓
utravel相關活動
發表回應