最近,多個國家相繼開關,令不少港人也蠢蠢欲動開始計劃去旅行,其中一對情侶更付諸行動,男友私自為女友買了暑假前往西班牙的機票。可惜,明明情侶去旅行是開心事卻變成了二人分手的導火線!
女友向 IG愛情平台「couple.murmur」投稿,大呻與男友理材觀念大不同。女友表示出身於小康之家,讀大學時已經沒有問屋企人拎錢,學費都是靠多份兼職賺回來。相反,男友一直有屋企人支持,父母會每月給萬元作零用錢,畢業後也不用養家,但男友一直對錢都很斤斤計較。
一直以來食飯都是AA制,就連生日禮物都會計較價錢,例如送他500蚊生日禮物,就會在女友生日買回一份差不多價錢的生日禮物。如果差一大段距離,就會講自己買的會貴多幾多。有時食飯叫多一個甜品,都會要求女友自己付錢。即使女友明白未結婚前要財政獨立,但每次計清計楚都令她覺得很辛苦,不過,有時又明白男友對錢會緊張一點。
每對情侶爭吵或分手也有導火線,而今次導火線就是旅遊。有一天,男友突然告訴女友訂了7月的西班牙機票,而且連同女友的份一齊買,然後,叫女友負責酒店費用,而事前根本完全無問過對方想不想去。女友聽到後,告知男友只想儲些錢才去旅行 ,不過,男友說:「兩年咩都儲夠啦!」女友只好直接說要養家無錢,之後,男友便很大反應連街上周圍的人都聽到「即係你想我畀埋酒店錢,然後你咩錢都唔出就去玩啦,咁你同啲港女有咩分別!」
女友只能好聲好氣說不是不想去,而是無錢去,建議他找其他朋友去!但再次令男友發火,指責女友話買了機票後才說,而事實上是男友私自先買機票,後來,女友覺得超級過份,反擊「依家我都冇話要去,你自己買機票仲話我,過唔過份呀!」嬲到一走了之。
事後,男友有向女友道歉,解釋只想和她去旅行,因為已經兩年無去!但這不是結局,在哄回女友期間,男友再次提起旅行話酒店錢可以他先出,遲一點再還給他!總結以上,女友質疑應否繼續和男友再一起,一來當眾責備讓她很失禮,二來拍拖以來都一直儲不到錢。
不少網民看完分享後,紛紛叫女友「砍纜」,無謂浪費時間在在一個斤斤計較的人身上。他們說:「兩個人相處錢銀野計到咁盡,其實會好辛苦,同埋而家係佢想去旅行,唔係你想去」、「唔識站喺你角度諗野,斤斤計較,走吧」、「錢真係可以睇清一個人」、「睇見都辛苦 再唔走以後有排你受」、「佢有錢都咁計較,好明顯係父母都係咁,佢先會學咗,所以分手啦,捱到結婚,有咁既老爺奶奶你只會更辛苦」。
授權轉載:IG@Couplemurmur
↓透過發佈帖文賺取收入!立即參加!↓
↓立即睇打卡熱點/地道美食/住宿指南等!↓