2021.11.04
不少港人正考慮移居海外，網上亦有各類有關移民的討論，例如衣食住行及求職的問題，生怕自己不適應海外生活。珀斯9則分享10點移民海外生活好與壞處讓大家參考。
立即看看移民海外生活的10個利弊：
1. 工作時間較香港短
因為外國交稅重過香港，工作時間越多交稅越多，分分鐘想做咗幾粒鐘，多幾個鐘嘅錢，交稅後同無做多幾粒鐘嘅收入係無乜分別，所以啲外國人會覺得做又36唔做又36。
2. 未必找到文職工作
因為移民，如果想搵返之前香港嘅工作崗位未必咁如意（除咗某啲職業如醫生、護士、廚師、髮型師等可以唔多受環境改變影響）其他文職工作嘅，海外多數會請返自己本地人先，之後先會再考慮吓我哋呢啲移民嘅人，無種族歧視，係呃人，只係有啲國家嘅本地外國人唔會做到出面，除非你自己本身個做CV都好堅，講英文講到似本地人無乜分別，咪會優先考慮lor。要識得放下自己身段。
3. 勞動市場易搵工，福利保障亦較好
大多數啲外國人唔鍾意勞動工作，怕辛苦，如果我哋啲移民嘅朋友仔唔介意放下身段，唔怕辛苦大多數可以搵到工作，而且薪水都好吸引。同時係外國佢哋對啲有危險嘅工作，啲公司會好注重員工保險及工作安全問題。尤其地盤、礦場、喺路工作等等。
4. 外國時薪比香港高
所謂叫咗有返啲叫生活嘅係，如以香港為例嘅最低時薪只可能夠買一杯星巴克咖啡，係外國嘅最低時薪就大多數買杯星巴克咖啡後仲有錢袋。
5. 日常生活開支或成最高消費項目
對移民嘅人嚟講，香港唔係最高消費嘅項目或嘅物品，喺外國往往係變咗最高消費項目，有啲講都未必信。例如通渠、冼冷氣、屋企維修、女仔剪頭髮吹頭髮做型以頭髮長度來收费、某啲食物（如咸蛋、皮旦、海味、零食）等等。
6. 住屋較大
住嘅地方係比香港啲屋大好多，但另一面，香港嘅公共交通係無敵，係外國生活唔可以冇車，冇車就如同無咗對腳，到到去唔到。
7. 外國年假較多
係外國年假係比香港多，但反轉佢哋啲公眾假期無香港咁多。
8. 醫療系統比香港遜色
好多人永遠都覺得外國月亮係圓啲，呢啲係錯嘅。珀斯9個人覺得香港啲醫療係世界上數一數二，效率快同專業好多。
9. 教育與香港無大差異
小朋友教育咪同香港無乜分別，想小朋友讀好啲學校咪同香港一樣，有錢咪比佢哋讀私校，咪大多數同香港一樣跟住址校網，簡單一句，有錢住貴區咪入啲貴區嘅公立學校。
10. 儲錢比香港易，全因無夜生活
喺外國如果生活慳啲，儲錢係比香港容易，因為生活冇香港咁多姿多采，夜生活更加唔係好多。
授權轉載：珀斯9
↓【限時搶】大派便利妥3合1檢測盒！↓↓
↓ 使用簡單快捷，一次檢驗3種病毒！↓![]()
↓ 使用簡單快捷，一次檢驗3種病毒！↓
↓【限時搶】卡樂B松露味薯片 ！↓↓
↓ 獨特松露香味，入口即感受到松露嘅濃郁芬芳！↓![]()
↓ 獨特松露香味，入口即感受到松露嘅濃郁芬芳！↓
