掛住首爾掃貨爆買的日子?咁就要 Mark 低這個位於汝矣島的全新商場--現代首爾(더현대 서울)。
號稱首爾最大的商場,現代首爾一開幕即刻贏盡話題,吸引不少人慕名前往打卡兼購物。第一點當然係因為佔地夠大,商場設地下 6 層、樓上 6 層,面積足足有近 97 萬平方呎,即係相等於 13 個足球場大!除此之外,商場建築亦打破傳統商場的概念,以購物療法(Retail therapy)為定位,場內有成 49 % 的面積作為休憩空間,除了在 5 樓設置空中花園 Sound Forest,種植了大量綠色植物和 30 棵樹木;在地下 1 樓亦設 12 米高的人工瀑布,舒適的環境行得舒適,掃貨之後仲可以坐低休息,又可以打下卡過過癮。
商場內亦設各式各樣的商舖、食店和文化設施,當中話題度最高的就是位於商場 6 樓的複合文化空間 ATL.1 和 Culture House 1985,首輪登場的先有 Andy Warhol 的作品回顧展《Beginning Seoul》。在購物方面,商場引入 Amazon Web Services 技術,設有無人商店「Uncommon Store」,全自動買走心頭好,全新的購物模式討論度極高;當然商場亦不乏國際奢華時裝、化粧品牌,好似 Prada、Gucci、Burberry 等。同時又有年輕人喜愛的不同品牌,好似 H&M 旗下品牌 ARKET 首次在亞洲開設分店,極簡的設計一直有不少捧場客。另外又有英國護理品牌 Bamford、Nike Sport Plus 、韓國最大二手網站 번개장터 推出首間波鞋實體店 BGZT Lab 等,絕對是爆買人士的天堂。
至於想一嘗美食,商場更引入過百間食肆品牌,單係地下一層的美食廣場 Tasty Seoul 就有 90 間食肆,餐飲選擇多得誇張!除了人氣 IG 排隊咖啡店 Taylor Coffee、Butler Coffee、Camel Coffee,又有以自家烘焙麵包出名的 Café Layered、美國蛋料理專門店 Eggslut 等;另外喜歡傳統口味,又有廣藏市場綠豆煎餅老店 박가네 빈대떡、豬手名店 그믐족발。此外商場更把美食卡車搬入商場,提供不同的小食、飲品,相當搞鬼。
【info】
現代首爾(더현대 서울 The Hyundai Seoul)
營業時間:10:30am - 8:30pm
地址:首爾永登浦區汝矣島路 108(서울특별시 영등포구 여의대로 108)
交通:地鐵 5 或 9 號線汝矣島站 4 號出口,步行 10 分鐘即達
↓ 請您免費飛轉日/韓/泰!↓
↓立即睇打卡熱點/地道隱世美食/必買手信等!↓