情人節又嚟啦！大家諗好點同另一半慶祝未呢？今次就為大家精選了6大情大節慶祝拍拖好去處，包括cafe、餐廳、情人節影相專區、離島遊等。雖然疫情令大家唔能夠出國旅行，但都可以係香港俾啲心思，同另一半一齊慶祝2月14日情人節！
1. 中環下午茶 X Dear Lilly
夜晚冇得係餐廳食飯慶祝，但可以同另一半來個high tea！中環的Dear Lilly是以情書、首飾盒為主題的頂樓玻璃屋，酒吧內擺放了填滿花朵的復古水瓶、情書和古董裝飾品等。餐廳亦設戶外座位，室內室外都望到海景。餐廳佈置浪漫，部份食物更以花為主題，提供下午餐，滿足一班浪漫、喜歡影靚相的女朋友！
2. 泰國曼谷人氣餐廳 X Cafe Lady Nara
泰國曼谷人氣餐廳Lady Nara最近於香港尖沙咀開分店，餐廳設計以夢幻粉紅色為主，有圓拱窗口可以望到海景，配搭菱形鏡牆，還有打卡專用的藤造鞦韆。食物方面，餐廳推出香港店限定茶式龍蝦冬蔭意粉，亦有各款大受女生歡近的特色甜品，如玫瑰奶茶流心蛋糕、泰式奶茶Tiramisu等，各位可以同另一半享受一個甜蜜的情人節午餐。
3. 愉景灣 X Love Is All Around影相專區
於情人節期間，愉景灣以主題「Love Is All Around」設置了一系列的情人節裝飾，當中包括於愉景北商場的浪漫粉紅熱氣球裝置、愉景北海濱的心鎖長廊等，讓情侶一齊打卡影靚相！影完靚相，大家仲可以同另一半到愉景灣的cafe或歐陸特色餐廳high tea！
4. 葵芳新都會廣場夢幻影相專區
如果想同另一半去打卡影相，就一定要去葵芳新都會廣場。新年及情人節期間，商場各處設置了「新春幸福蜜語」為主題的打卡位，當中包括全新的「愛的情書」大型裝置、「愛語星光隧道」及「夢幻粉紅花海」，最適合情人們來打卡影相！
5. 坪洲一日離島遊
如果你同另一半都想過一個寧靜、能夠放鬆心情的情人節，坪洲離島遊一定可以滿足你！坪洲勝在寧靜，是個遠離繁囂的一個離島。島上有路程較短、易行的登山行山徑，登上山頂後可遠眺離島一望無際的海景。除此之外，小島上有隱世小店、懷舊士多、咖啡店、餐廳，足夠大家過一個簡單而平淡的情人節。
6. 大欖千島湖清景台
喜歡戶外活動的情侶，行山是個不錯的活動。大欖千島湖位於元朗大棠，大家可以沿大棠山道步行至麥理浩徑第十段往千島湖清景台。在千島湖清景台可以腑瞰整個大欖涌水塘的景色，及千島湖全貌，如果天氣好更可以留低睇日落，適合喜歡浪漫的情侶到此一遊。
↓立即分享旅行打卡靚相↓
↓ 大辣蝦米辣椒油 / 麻辣紅油辣醬！↓
utravel
發表回應