返工帶飯1年可慳1.4萬夠一家人去台灣旅行 網民反諷：睇怕未去過街市買餸

不少打工仔會帶飯返工。近日有公務員港爸在Facebook專頁「公務員secrets」分享慳錢心得，表示帶飯返工一年可以慳到1.4萬元，聲稱夠一家四口去台灣4天遊；亦可用慳到的錢投資，預計每年有5%回報率，小富由儉幾年後就可以有一筆小資金。不過這個方法掀起網民熱議，有人反諷港爸「睇怕未去過街市買餸」，表示買餸煮飯都要成本，又批評每年5%回報率太離地。

近日有港爸在Facebook專頁「公務員secrets」投稿分享帶飯返工慳錢大法，表示在商業區食午餐，平均每餐起碼60元。一個月午餐就要花1,200元。如改為帶飯，每年可慳1.4萬，已夠一家四口去台灣4天遊。除了慳錢，帶飯亦會更健康，充滿愛及家的感覺。港爸又分享如用所慳的錢作投資，假設每年有5%回報率，幾年後就可累積到一筆小資金。 

▼按圖詳看全文▼

點擊圖片放大

不過網民就批評這方法相當離地。不但沒有考慮到買餸成本，反諷「睇怕未去過街市買餸」，表示「煮好少少都過200蚊一餐」。亦有網民狠批投資有賺有蝕，難以確保每年有5%回報率；不過亦有網民幫口表示自救會煮較健康。

▼按圖詳看網民留言▼ 

點擊圖片放大

來源：公務員secrets