不少朋友都說若果可以出關，唔使遠，近近哋去台灣已好心滿意足！所以不停 bookmark 特色酒店，幻想隨時可以起行！大毅老爺行旅就是 Bookmark list 其中一員，酒店位於台中新、舊城區交界，離草悟道、勤美術館、國家美術館只係數步之遙。建築外觀是正正方方夾雜菱形窗框，門外仲有藝術家崔永嬿的雕塑創作《HULA、金色螺旋槳、金球》，齋睇地理位置同外觀，已知酒店走玩味藝術路綫。
170 間客房中，必住頂層的星光客房，全白簡約設計，空間感十足，特大不規則菱形玻璃窗設計，打卡至啱，最正係夜晚可以倚在窗邊睇星。其他客房一樣夠 art like，黑色綫條由房門延伸至電視及牆身，如地鐵路線圖，仔細睇才發現原來是個「中」字。連衣架都係專人訂造，幾何圖案設計呼應外觀主題。唔止房間，酒店的公共空間一樣藝文處處。大堂有藝術家朱芳毅創作的《象形台中》，17 個陶瓷燒分別是代表台中不同景點的象形圖案。另一邊是崔永嬿創作的雕像《金蛋》，似是同住
utravel
發表回應