去新加坡要食咖央多、海南雞之餘，其實仲可以 hea 吓啲靚裝 cafe，例如呢間由中醫院古迹改建而成的 cafe。店內用紅燈籠、百子櫃、針灸小銅人嚟布置，配埋工業風嘅枱椅，裝潢復古又型格。店主之一 Franck 是法國人，所以 menu 都好法式，輕食中加入咗唔少法蘭西元素。
*文中價錢已折算成港元，SG$1 約兌 5.7 港元
牛車水的食店何其多，最具人氣的不得不提這間古迹 cafe，前身是新加坡首間中醫院，建於 1952 年，由一班志願醫師為貧苦大眾提供義診，後來活化改建成 My Awesome Café，仍然保留住「中華醫院」的舊有外觀。店內的紅燈籠、百子櫃、針灸小銅人、舞獅擺設………還有五、六十年代的舊家具，都是店主四出搜尋回來的，每個角落都滲出中式元素，混合工業風的枱椅，裝潢復古又型格，隨手一影都是打卡位。
Cafe 主打健康輕食如沙律、三文治、platters，值得一提，這裏的麵包全於店內新鮮烘焙，像漢堡用的 brioche，很鬆軟好吃。店主之一 Franck 是法國人，所以 menu 也加入法國元素，必試 Le Picnic，法國長棍麵包 baguette 和法式鴨肉醬（duck rillettes）以「過大禮」用的木製食盒盛載，造型好搞鬼。學法式地道食法，先用手掰開麵包，外皮酥脆，內層香軟，再搽上滿滿的濃郁鴨肉醬，入口嫩滑不膩，如果加杯紅酒，就 parfait 喇。（法文 perfect 咁解！）
Telok Ayer Street 有不少古迹建築，要找 My Awesome Café 記得認住門口的「中華醫院」墨寶。
部分高腳枱原來由中醫院的木門改造，有成百年歷史㗎。
選址在中醫院古迹，店主為了「bring things from the past」，經常在東南亞找尋不同的中式裝飾擺設回來布置 cafe。
店內擺放針灸銅人、中秋燈籠作裝飾。
設於古迹內的最大限制是不可生火，所以 cafe 主力製沙律、三文治，也自設餅房焗麵包。
Drinkable Idea 以燈泡形玻璃瓶盛載，店主教路，飲用前要先搖一搖，再打開手機的電筒功能放在瓶底，打卡效果最佳。
加入奇亞籽的椰子水，內有大量椰肉，健康之餘，清甜清暑，約 54 港元。
點個 Le Picnic，除了鴨肉醬，也有黑毛豬肉腸、芝士可選，配長法包同吃，約 200 港元。
Bacon Platter 的餡全是芝士、煙肉，份量超多，一定要跟朋友開心 share，約 222 港元。
Brioche Toasts 搽上紅菜頭醬、羊奶芝士，上面放上整個牛油果，食落最健康，約 108 港元。
Awesome Tonic 用薑黃、蜜糖、薑調製，味道酸酸甜甜，就像峇里的草藥飲品「Jamu」，約 46 港元。
info
My Awesome Café
地址︰202 Telok Ayer Street, Singapore
電話︰+65 6222 2007
營業時間︰星期一至五 8:45am - 12mn，星期六及日 8am - 12mn
網址︰www.myawesomecafe.com/
交通︰由 MRT Telok Ayer 站步行約3分鐘
↓逢星期三大派壽司郎現金券！↓
↓賺「加碼」U Fun，免費換領現金券及禮品↓
utravel
發表回應