方東昇狂爆金句幽默遊遍4國 率先睇金句全集！ 「著跑鞋可以跑步，著咩識飛呢？」

「金句王」方東昇繼主持《世界零距離》和《長命百二歲》之後，再推出全新旅遊資訊專題節目《這麼遠，那麼近》，遊遍泰國、重慶、美國及巴基斯坦，繼續幽默大爆金句，探討各地交通情況和相關設施。節目將8月31日起一連十集，每集半小時，於翡翠台播出。當中充滿精警金句及「爛gag」，如「著跑鞋可以跑步，著爬山鞋可以爬山，著咩識飛呢？「雀仔」識飛。」同時，繼之前為企鵝改名，今次幫巴基斯坦的馬改名為「巴基東昇」，非常搞笑。現在為大家送上金句全集，感受一下方東昇的幽默。

點擊圖片放大

+3

+2

泰國金句篇：

點擊圖片放大

+4

+3

1. 「唔塞車、唔撞車、唔加車費果陣，你未必關心交通的事，到你留意的時候，通常都係『出咗事』。」
2. 「世界上最長嘅車，係咩嘢車？世界上最長車係塞車」
3. 「成日諷刺人又要威又要戴頭盔，其實戴咗頭盔先有命去威。」
4. 「搭車要戴安全帽，流汗總比流血好。」
5. 「頭先我合格原因係呢個唔係自動波，我係「被動波」，靠仙人指路。
6.  「我哋嘅泰文太普通，溝通始終要靠呢座『橋』，泰國華僑。」
7. 「鹹魚可以翻生，交通工具可以復翻叮，曼谷嘅船可能係其中一個例子。」
8. 「宜家令一個明星（榴槤）無咗星味，真係委屈咗榴槤。」

重慶金句篇：

點擊圖片放大

+3

+2

1.   「唔走尋常路，過江靠『索道』」
2.   「人山人海只為上演『人軌情未了』」
3.  「爭住捉「軌」（路軌）有無諗過住入「軌」屋」
4.   「呢條長命樓梯，真係長命百二歲都未行得掂。」
5.  「要先跨過心口關口，先可以跨過扶梯口。」
6.    「對於我哋『又要威又怕坐電梯』嘅人嚟講，兩分半已經夠長！」
7.  「電梯唔只有扶手，仲有人『扶著你走』」
8.  「呢條（長江索道）就係『過江龍』，等緊過江嘅人龍。」
9.    「將索道塑造成『月老紅線』，千里姻緣一『索』牽。」
10. 「有啲車主覺得『斜』不能勝正，平放架車比較好」
11.   「睇落唔單只車主幸福，連車都好幸福，天荒地老流連在摩天輪。」
12.  「呢個幾星期喺重慶行咗好多橋，告別「橋都」，送返條橋畀幫過我哋嘅重慶朋友，『Thank You』」

美國金句篇：

點擊圖片放大

+3

+2

1. 「獨自去carpool，惟有收告票交罰款」
2. 「太空人一小步，人類一大步，我哋架車學咗太空人一小步，一小步。」
3. 「著跑鞋可以跑步，著爬山鞋可以爬山，著咩識飛呢？『雀仔』識飛。」
4. 「想做『鳥人』除咗等風再起時，仲要『大師』扶持。」
5.   「人可以離地，但唔可以太離地。」

巴基斯坦金句篇：

點擊圖片放大

+6

+5

1. 「嚟到巴基斯坦，周圍都係『巴基之聲』」
2. 「除咗傳統『驢動力』，仲有『馬力』，呢邊『捱騾仔』，果邊『曬駱駝』」
3.   「馬路有限，司機嘅牢騷無限。」
4. 「巴基斯坦坐車，你會發覺世界最大嘅空間，唔係進步空間，係車嘅空間！」
5.    「佢哋（驢）勞碌命，日日捱驢仔，佢哋係敬業樂業嘅打工仔。」
6. 「勞碌命總好過無命」
7. 「睇唔穿係魔術，睇唔明就係藝術」
8.  「夕陽無限好，夕陽行業嘅員工就唔多好」

《這麼遠，那麼近》翡翠台

播出日期：2020年8月31日 至9月11日（逢星期一至五） 
播出時間：22:30 （每集半小時）

來源:《這麼遠，那麼近》

• 內地水果假冒日本進口貨現簡體字標籤 水果專家教分辨真假日本香印提子/白桃