去花蓮打卡，唔止得貨櫃 Starbucks，仲有山姆先生咖啡館同雪雲城堡。前者勁似哈比村，不規則曲綫設計，感覺超現實又夢幻，猶如小精靈國度。後者是民宿，入住一晚就可以瘋狂影相打卡。事關民宿建築、設計同中世紀古堡無異，仲有綠草迷宮。室內家具更是古董，同博物館一樣咁多嘢睇。Bookmark 定，遲啲約埋閨密去花蓮打卡啦！
*文中價錢已兌換成港元，1 港元約兌 TWD 3.9
山姆先生咖啡館正門位置最多人影相。
精靈之家 山姆先生咖啡館
花蓮超人氣打卡 cafe「山姆先生咖啡館」，由 3 棟建築物組成，紅、綠、藍三色建築夠搶眼。外形如童話小屋，不規則的曲綫設計，感覺超現實又夢幻，猶如小精靈國度。Cafe 門口高度只有約 1.6 米，令人聯想到哈比人之家。室內設計一樣「好唔花蓮」，大理石牆身，教堂的彩色玻璃，一系列復古家具，如施了魔法帶你到 19 世紀，突然覺得食客們同 cafe 好有違和感。到來的客人似乎以打卡為主，但講到食，卻又唔算失禮。必食係山姆包，餡料為醃製山豬肉，配上鳳林的剝皮辣椒，啖啖肉 juicy 惹味又香口。每日限量 100 個，下午 1 時便已售罄。飲品方面有咖啡、氣泡飲品、沙冰及冷泡茶。
牆身、掛畫、家具都如古時西方人家大宅，扮古代名媛一流。
掛畫唔係大師作品，反而係同間屋唔太搭調的油畫。
Cafe 後門有以石堆砌出來的假煙囪。
寵物之家都好童話 feel。
場內 2 間大理石房是 gallery，不定期有展覽。
氣泡飲品海洋檸檬（前）及檸檸柚香，各 22 港元。
超抵食的山姆包，有原味及辣味，每個 6 港元。
info
山姆先生咖啡館
地址：花蓮縣壽豐鄉樹湖 20 號
電話：+886 (0)3 865 6518
營業時間：11am - 5pm（星期四休息）
Facebook：Mr. Sam - 山姆先生咖啡館
交通：市中心乘搭的士約 30 分鐘
花蓮雪雲城堡 做一晚城主
山姆先生 cafe 爆紅，連帶離它只有 10 分鐘車程的雪雲城堡都紅埋一份。兩棟建築為同一主人－－藝術家蔡雪雲。從台北移居花蓮，蓋好雪雲城堡打算自住，被朋友一句：「你間屋其實是公主的城堡」而有所啟發，決定將之變成民宿。相對山姆先生 cafe 的熱鬧，被 2 米高鐵閘遮擋的雪雲城堡就隱密性十足。廚房、餐廳、客房內真古董隨處可見，有點像博物館。最驚喜是古董唔係得個睇字，大部分都仲係 work。廚房內的 50 年代雪櫃載滿牛奶、乳酪，過半百歲的火爐可煮食，連起居室的壁爐都有排煙管如常運作。住在這裏，會見到 Jane Austen 嗎？
唔少人問：「唔入住民宿可唔可以去參觀？」答案是「No」，皆因裏面所有雕塑、家具、燈飾等都係真古董，如 19 世紀鐵獅子裝飾、花飾浮雕等，店主不希望人流太多，也不想騷擾到住客。
迷宮般的小路，其中一間小屋同山姆先生有點異曲同工。
總覺得廚房係會出現灰姑娘。
尖塔及石磚外牆有點歐洲氣息，大門的窗框石雕、女神石像都從外國購入。
50 年代的木製雪櫃。
民宿分為 5 個房型，圖為艾莉莎雙人房。
info
雪雲城堡
地址：花蓮縣鳳林鎮榮開路 90 號
電話：+886 (0)905 157 722
房價：每晚 1,410 港元起
交通：市中心乘搭的士約 40 分鐘
↓ 純黑咖啡、冷萃黑咖啡！讓您感受馥郁濃香！↓
↓ 大辣蝦米辣椒油 / 麻辣紅油辣醬！↓
utravel
發表回應