在英國生活首先考慮搵工、住屋，如果資金不多會否很難落腳？居英港人梁芷靈曾到英國讀碩士，做過BBC後又去環遊世界，由只識煮公仔麵變成廚師背遊世界460日後，帶著幾千港元重返英國一步步實現開餐廳的夢想，更在Facebook專頁「廚職背遊 梁芷靈 backpacooking」日常分享英國創業及英國生活經驗！
英國讀碩士又做過BBC
在香港新聞系畢業， 之後成為一位導演，2014年到英國讀工商管理碩士。然後廚師背遊世界460日，靠在德國做廚師賺旅費， 每日支出預算只有HK$200，遊歷過53個國家、168個城市。當年留學英國時，在倫敦的市場顧問公司及BBC工作過，應徵文職的難度比較高，搵工時間亦較長 ，寄CV到上班相隔幾個月。因為大公司人力資源部回覆需時，而且審核過程嚴謹。
由只識煮公仔麵變廚師
在英國留學時積蓄有限，每日只有HK$100開支預算解決三餐、交通、衫褲鞋襪等一切生活開支，於是硬著頭皮上YouTube學煮飯，最初只識煮公仔麵。
然後到德國森林度假村，因為要賺背遊旅費，正式成為一名廚師，第一次將煮飯的興趣變成職業，發現非常享受和熱愛，做德國廚師的經驗讓我非常希望可以在歐洲開一間餐廳。
於是回到英國，未正式可以做餐廳老闆之前，就選擇做廚師，一方面可以賺錢維持生計，另一方面可以繼續提升廚藝。第一份工作是廚房雜工，時薪只有當時英國最低工資$8.21英鎊（約81港幣），負責洗碗、倒垃圾、搬貨、倒萬年油等大量粗重工夫。本來想先租屋，但很多英國業主要求出示工作證明，才願意放租，加上積蓄很少，所以答應做這份廚房雜工。
廚房工唔難搵
由網上搵工，寄CV 到正式上班不足一星期，面試第二日就可以上班了。但現時受疫情打擊，英國失業率將會大幅上升，搵工難度應該會大大提高。另外在英國做廚師的人工絕對比在香港的人工少一大截，約莫只有一半，比英國最低工資高一點。
開小食檔累積經驗開餐廳
一直儲備資金準備日後開餐廳，所以決定先開小食檔，累積更多經驗，再挑戰開餐廳。開小食檔雖然固定成本（Fixed Cost） 較少，租金較彈性，但體力勞動就大很多。每次開檔，都要在一塊空地上由零開始，撐起檔攤。再將工作枱、電磁爐、食材等所有工由家中逐一搬去市集。我無車牌，亦無車，只能用手推車，就如小蟻搬家搬去市集，至少行5至6次。
重回英國後住劍橋郡
現住在英格蘭東部劍橋郡一個叫 Ely（伊利）的小鎮，生活節奏慢、人情味濃厚、風景優美、人口密度低。住屋約400呎，一房一廳，分上下兩層，月租$535英鎊連市政稅$126英鎊為$661英鎊（約$6520港幣），與女朋友居住。
▼點圖放大與女朋友兩人的每月使費▼
三餐自己煮，一個月偶爾一兩次外出食飯約$320英鎊，交通方面一人巴士月費，另一人步行上班約$100英鎊，娛樂包括假日背遊歐洲各國或其他英國城市約$125英鎊，雜費如水費、電費約$40英鎊，加上房租總計每月支出約＄1261英鎊（約$12430港幣）。
單位並沒有包電器、傢俬。因為積蓄和收入不多，傢俬以簡單為主，主要在二手店購買，或由英國朋友、鄰居送贈；家裡甚至沒有買床或洗衣機，衣服以手洗為主。
英國簡單生活得到快樂及自由
與香港最大分別就是不能常常見家人和朋友，而且收入少一截，每日三餐都要自己煮。全年都沒有去過戲院睇戲，亦不會 Shopping，將消費娛樂變成去河邊看鴨仔、船仔，或者去公園野餐睇書等免費娛樂，也有另一種快樂和滿足，不時會跟英國朋友喝杯啤酒、聊聊天，背遊其他英國城市或歐洲國家。開支亦比香港少得多，而且居住環境舒服、又大又靚。私人空間十分充裕。鄰居，甚至街上陌生人都會對你點頭微笑，甚至聊聊天就變熟做了好朋友。體驗到即使賺錢少了，但更快樂和自由。
但好掛住壽司、打邊爐
因為非常鐘意食壽司、打邊爐，雖然英國越來越多亞洲餐廳選擇，但要食這兩款菜式對生活預算來說都比較貴。唯有入鄉隨俗，食英國時令食材，偶爾幾個月才自己在家中製作一次壽司卷過癮。
從未試過在英國受到歧視，除非你...
幸運地由留學、工作，直至現在開小食檔做老闆，都從來未遇過歧視問題。英國鄰居、同事、同學都很有人情味。其實互相尊重最重要。遇過最接近的一個「歧視」故事，是一個中國留學生在宿舍大堂大吵大鬧，斥管理處及室友歧視她。原來是因為中國留學生已經有兩星期沒有清洗自己用過的碗碟，堆積滿洗手盤並發霉。管理處勸她清理，否則罰款，於是中國留學生就大吵大鬧說自己被歧視。
其實，世界沒有任何一個地方只有好處，沒有壞處。既然自己決定移居英國生活，就應該盡努力適應不同的文化。
近日有計劃移居英國的朋友，可到她的「廚職背遊 梁芷靈 backpacooking」Facebook專頁了解更多英國生活及創業的經驗！
↓賺「加碼」U Fun，免費換領現金券及禮品↓
utravel
發表回應