5歲以下英國揀學校 英國Nursery/Infant School係乜?

香港家庭移民英國自然要考慮子女升學讀書問題，英國讀幼兒園使唔使學費？如果父母要工作，又有冇託兒服務？Nursery、Infant School、Wrap Around又係乜？以下有居英港媽「港媽 • 講英」淺談英國的幼兒園及託兒服務。

• 英國中學/小學校制一覽 易申請獎學金? 一條龍點揀好?

在英國的校制中，幼兒學習屬Key Stage 1階段，3歲入學讀Nursery（即香港理解的幼兒園），之後升Reception、year 1 and 2，再考試入讀Primary School（小學）。

Nursery在英國是要俾錢的，另外亦有部分State School（按校網收生的免費政府學校）的Infant School（類似幼兒園）可以有政府資助每位學生每星期15小時的free child care（免費兒童託管服務），即星期一至五每日上堂3小時。（小編按：英國5歲才需強制入學，所以可按需要決定選擇報讀Nursery或Infant School與否。）

因為只返半日學，如果父母都要返工，邊個照顧小朋友？在香港的話就有工人姐姐、公公婆婆、爺爺嫲嫲，至於英國就有「wrap around」（類似託兒服務）。即如果小朋友返下午班，那你可在早上返工前放小朋友係學校（或託兒中心），有專人和小朋友玩，食茶點、睇電視、做勞作、食午餐，直至下午上堂時間。放學又有專人照顧小朋友直至下午5:30pm左右，等你放工接佢。（是的，多數人5pm就放工）

至於費用？如果合資格，就可以政府資助，全免。每日更有新鮮牛奶飲同生果食。

• 英國生活費大公開！ 居英港人分享住屋+交通+飲食+雜費真實個案

授權轉載：Facebook@港媽 • 講英