香港家庭移民英國自然要考慮子女升學讀書問題，英國中學、小學有邊幾類？校制係點？有冇得考獎學金？最受歡迎的Grammar school係乜？想升學一條龍要報咩school？除了找升學agent，不妨聽聽在英港人的分享，以下有居英港媽「港媽 • 講英」分享英國學校種類的主要分別及揀學校的考慮和建議。
小編：英國5歲才需強制入學，5歲前幼童可按需要決定選擇報讀Nursery或Infant School等類似幼兒園的學校與否，詳情請看下一篇。
英國校制
Key Stage 1
首先簡單講講英國校制。英國5歲才需強制入學（Early Years階段），之前可以報讀Nursery或Infant School等類似幼兒園的學校，之後升Reception、year 1 and 2，這樣就完成Key Stage 1，考個評分試就上Primary School（可理解為香港的小學）。
Key Stage 2
Primary School或Junior School可以理解為香港的小學，由year 3到year 6。到year 6考個評分試叫Key Stage 2就升上Secondary School（中學）。
Key Stage 3
Secondary School即香港了解為的中學，由year 7到year 11。Year 9時會考個評分試叫Key Stage 3。之後就是year 10同year 11時讀兩年的GCSE，即香港認知的會考。Year 10會考個mock exam（模擬考試），成績會用來報6th Form攞offer。最後係year 11 Summer term（夏季學期）時考真的試，考大概共10-12科。8月左右就考試放榜，攞住份成績就去確認之前已收到offer的6th form。
6th Form/A-level years
6th Form或A-level years即香港認知的預科，由year 12到year 13，私校就鍾意叫lower sixth 和upper sixth。第一年多數揀4科讀，第二年就退選1科只讀3科。第一年的考試很重要，因為成績會當成預計A-level成績用來報大學拎offer。Year 13 Easter 左右就考個真的A-level試，夏季放榜，攞住成績去確認大學學位，或用clearing（候補錄取）。
英國學校種類
英國學校大概分3類：
State School: 政府學校唔洗錢，跟校網收生，成績同學生質素可以好參差。
Independent School: 私校，即係要交學費，同埋多數要考試收生，成績同學生背景普遍中上。多數私校會offer scholarship（獎學金），可以25%，50%或100%，但當然要考試。
Grammar School: 唔洗錢（State School的其中一種），可以有私校成績，但要考試收生，學生同教學質素有保證。
點考慮報咩school？邊種學校英倫文化重/考入牛津、劍橋機會大/最易收生？
Independent School
Independent School多數都是歷史悠久的學院，有著深深的英倫文化。學生可認識更多英式禮儀和傳統，以及參加校內好多State School未必提供的到的英式活動，例如polo（馬球），加入海/陸/空軍，chapel choir（宗教合唱團）。另外，同學的背景普遍中上。即係可能去同學仔生日party，場地外面會泊了幾架法拉利。如果想貴子弟擁有一個很英倫的洗禮，有一班中上背景的同學仔而又負擔得起的話，Independent School會是一個好選擇。
Grammar School
Grammar School學術性比較高，不是有錢有地址就入到，成績和校網同樣是收生的考慮。Grammar School學生成績方面有保障，但背景就可以很不同。入oxbridge（按：牛津大學和劍橋大學）機會稍高於私校，因為政府曾鼓勵大學多收非私校生（會影響對大學的資助）。另外學校未必近屋企，所以要預管接送或學生自己搭巴士（還有機會要轉車）。
State School
State School泛指由當地機構或直接由政府資助的學校，Grammar School亦是State School的其中一類。State School按校網收生，即你住在學校catchment（校網覆蓋範圍）就99%入到。那1個%就是如果你地址位於catchment邊界，而你的心儀學校亦是很多家長的心儀學校，學校就會優先考慮住得最近的學生，之後再向外收生，所以有機會入唔到。換句話說，如果你很想入某間學校，住在學校隔壁就最保證。State School收生視乎邊個住得近D，唔係邊個識得最多語言、樂器、字母、數字。所以，學生質素會參差，但不代表沒有好學校。當然如果想考Grammar School亦同時要操成績。大家可以參考政府的學校考察報告OFSTED report，列為「outstanding」為最top。
▼點圖放大看學校分別▼
想一條龍升學要報咩school？
多數私校就一條龍服務，由小學上到預科，如果唔係點賺你錢。Grammar school會有一條龍，亦都有一舊舊，即只辦小學或只辦中學，驚死唔玩死D父母同學生，考完7+（小學入學試）再考11+（中學入學試）。State School就大部份係Infant School、Primary School同Secondary School連6th form分開哂，隔幾年就換一次校服，正呀。
港媽的忠告：
每類學校都各有千秋同自己文化。有些教育agent為咗生意只說Grammar School同State School如何差，私校是最好。但從小朋友的性格同喜好出發比較重要。如小朋友性格好動喜歡室外，不妨考慮一間有forest school的學校。當然小女只是師奶仔一個，唔係專業，以上只是當年還年少時的經驗所談。
授權轉載：Facebook@港媽 • 講英
↓立即睇打卡熱點／地道隱世美食／必買手信等！↓
↓精選50間咖啡店（附評分）！即睇詳細介紹↓
utravel
發表回應