必去！又食又拎香川縣四大名物見學

2019.12.11

提起香川縣，首先一定係諗起三年一度的瀨戶內海大地藝術祭，今年好多朋友都去咗，仲逐個島咁去睇展品打卡！雖然今屆藝術祭已收爐，但其實香川縣仲有好多好嘢玩！除咗可以 island hopping 外、仲有金刀比羅宮等名勝，而高松更加係香港人至愛嘅烏冬之城！加上香川縣臨近海邊，水質一流空氣又好，係唔少日本傳統名物嘅出產地，今次就為大家介紹四個香川縣必去的名物體驗工作坊，等你感受一下食得落肚嘅藝術啦！

親手整彈牙Q感烏冬

對旅客來講，高松市最出名就係讚岐烏冬，當地人話烏冬對佢地來講只係 fast food，所以唔好食就一定做唔住，所以生存得到的都有質素保證！如果想將呢種彈牙感覺帶回香港，一定要試下親手做！中野烏龍麵學校提供手擀烏冬體驗，由揉麵粉、擀麵、踩麵以至切麵都可親身試做，完成後還可將自己做的烏冬帶回家慢慢食，或者即場食添，又食又拎，烏冬迷必去！

要整到彈牙好吃的烏冬，揉麵力度要剛剛好，一點都不易，咪見老師輕輕鬆鬆，其實是日子有功！

中野烏龍麵學校
琴平校地址：仲多度郡琴平町796
高松校地址：成合町8番地 761-8081 高松市

電話：+81 (0) 877-75-0001

收費：每人 1500 日圓、二人起計，烏冬製作體驗約 50 分鐘

網址：http://www.nakanoya.net/

日式橄欖園體驗

別以為橄欖只是地中海限定產物，香川縣小豆島的海島氣候溫暖，就好適合橄欖樹生長！井上誠耕園在島上種橄欖已種到第三代，仲有自己的橄欖油化妝品牌。今年秋季收成期更推出摘橄欖與搾油工場見學，可以親手摘橄欖！雖然收成期只到11月尾，但一年四季仍然可參加「橄欖油調配體驗」或「橄欖浸泡油體驗」，以調配不同口味的個人專屬橄欖油，完成後還可以一嚐橄欖味 gelato 呢！

橄欖油調配體驗會先嚐一下不同國家製造的橄欖油，試完之後就可以把自己喜歡的幾種橄欖油混合在一起，製造獨有的橄欖油！

橄欖浸泡油體驗可以不同乾果和香草製作浸泡油，賣相精美！

地址：小豆郡小豆島町蒲生61-4

電話：+81 (0) 879-75-1133

收費：橄欖油調配體驗 1760日圓、橄欖浸泡油體驗 1711 日圓，需預約

網址：https://www.inoueseikoen.co.jp

無料！日式醬油廠見學

豉油由細食到大，但其製作過程，真係無研究！小豆島水質清澈，造的醬油在日本國內亦非常有名，ヤマロク醤油以日本傳統方法製作醬油，旅客可以在此免費參加醬油廠見學，而且無需預約，最適合喜歡即興的朋友！係呢度你可以感受到日本人如何用心製作看似平凡的日用醬料，由用料、發酵等過程都有專人講解．完成後更可以在旁邊的やまろく茶屋吃醬油燒日本年糕，細味醬油香氣。