又到秋天喇!秋天最好就梗係去日本睇紅葉啦,今年搞搞新意,去北海道嚟個秋葉深度遊,兼品嚐當地美食再浸溫泉,由內至外玩盡北之大地,感受當地的塵世美!
北海道係日本最早可欣賞到紅葉嘅地方,特別係大雪山地區嘅紅葉,最早到10月中旬就可以看到,漫山遍野都係不同層次嘅紅葉,真係睇到好感動呀!如想去北海道其他地區,札幌嘅定山溪溫泉都係一個唔錯嘅選擇,嗰度10月中旬至下旬迎接紅葉季節;而南北海道地區則到11月初就可以賞楓。
北海道唔單止風景優美,當地的食材都特別鮮甜,不論係蔬菜、水果,都特別美味,當地人鍾意喺蒸薯仔上加上鹽醃生魚、牛油,熱辣辣、香噴噴,係秋冬嘅最佳食品。鍾意食甜品嘅女士,千其唔好錯過以當地水果製成嘅甜品或蛋糕,唔單止賣相靚,入口仲會感受到非一般嘅幸福。
至於鍾意食魚嘅朋友,秋冬去到北海道必食三文魚,因為呢個時期正值三文魚嘅當造期,魚質特別肥美!除咗日本三文魚鍋值得一試外,以大大塊鐵板蒸燒而成嘅Chan Chan燒都唔可以錯過,配合特製嘅味噌醬汁,將魚嘅鮮味帶入另一個境界!另外,三文魚魚籽同樣吸引,配合北海道產嘅新米,包括:Yumepirika、Oborotsuki、Nanatsuboshi、fukkurinko同吃,以米飯嘅清氣襯批魚籽嘅惹味,係絕佳嘅味覺享受,更可以比較不同品牌嘅米味。
體驗過北海道嘅自然風光,又品嚐過當造美食,係時候去能溫暖心身的溫泉,盡情放鬆一下。一邊賞楓一邊浸露天溫泉絕對係最高享受,既可溫暖身體又能令到肌膚滑溜,不同地區嘅溫泉更有不同功效!快啲趁住秋冬季,向北海道出發啦!
↓ 【您去玩我找數】勁送$1000旅行資助金💰↓↓
↓ 領取資助金,用$0去玩不是夢~↓
↓ 領取資助金,用$0去玩不是夢~↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓