愉景灣「夏日滿FUN」除咗多打卡位,仲有咩玩?咁就唔好錯過週末限定嘅「紅鶴嘉年華」喇!只要有「活動證」在手,就可以玩齊多項週末限定精彩活動!大白灣沙灘有「瘋狂泡泡派對」、「繽紛棉花糖」同「滋味爆谷」專車,有得食有得玩;借埋「『滿FUN』水泡」,游水曬太陽又得、打卡呃like亦得!去埋愉景北商場換領大小朋友都愛嘅「百變扭氣球」同「繽紛彩繪」。點樣換 ? 只要喺D’Deck、愉景廣場、愉景北商場或愉景灣酒店餐飲消費每滿港幣$180,出示餐廳即日收據正本,就可以喺碼頭旁邊「免費交通服務台」或者愉景北商場嘅活動攤位換領「活動證」一張#,一家大細都可以盡情食盡情玩啦!
#每張收據最多可換取3張「活動證」
【必拍】「紅鶴海灘嘉年華」‧借用「滿FUN」水泡
每逢週末大白灣沙灘上就會出現大大細細多隻鮮艷搶眼嘅flamingo,喺巨型flamingo上面享受日光浴夠晒chill!憑「活動證」可以借用「『滿FUN』水泡」一個,有多款造型比你揀,一於來個別開生面的開心下水禮!
借用「『滿FUN』水泡」小貼士:借用時間係兩小時(由攞水泡開始計),記得借用之前要先去「免費交通服務台」登記同繳交港幣$100按金,歸還水泡之後按金會全數退回。
登記及領回按金辦公時間:12pm – 6:30pm
地點:免費交通服務台
借用及歸還水泡時間:12pm – 6pm
地點:大白灣沙灘
【必玩】週末「瘋狂泡泡派對」
於活動期間每逢週末,大白灣沙灘會舉辦瘋狂泡泡派對,只要有「活動證」即可參加,一於在豐盈幼細的泡沬裡盡情暢玩及盡情影靚相啦。玩之前記得留意活動安全守則,同埋聽從現場工作人員的指示喔,安全第一呢!
開放時間:2pm – 6pm
高度限制:基於安全理由,只限身高90厘米或以上人士參加
注意事項:泡泡池會定時清潔及換泡,清潔期間會暫停開放(約15分鐘)。請留意現場告示
【必吃】「繽紛棉花糖」‧「滋味爆谷」專車
游水、日光浴及泡泡派對後,若加上甜點就更完美!咁就唔好錯過週末限定嘅「繽紛棉花糖」同埋「滋味爆谷」啦!憑「活動證」可換領香甜美食各一份,大人細路都鐘意,與摯愛同來邊玩邊吃,甜蜜滋味滿分!
開放時間:12pm – 6pm
【必玩】全港最大沙灘遊樂場
帶恐龍仔嚟到大白灣沙灘一定要去沙灘遊樂場,呢度除咗有全港獨有嘅飛天吊索,仲有多款由北歐、美國進口嘅特色遊樂設施,小朋友可以大玩特玩、盡情放電!
遊樂場開放時間:全日開放
飛天吊索開放時間:8am – 8pm
【小朋友摯愛】繽紛氣球及彩繪
愉景北商場亦以紅鶴為主題,廣場中央擺放著充滿玩味的型格紅鶴裝飾;週末期間商場仲特別安排「百變扭氣球」及「繽紛彩繪」攤位,憑「活動證」即可換領同參加,為小朋友的暑假增添歡樂及色彩。
活動攤位開放時間:12pm – 6pm
今個仲夏,一於約埋親朋好友一齊嚟愉景灣「夏日滿FUN」大派對,喺七彩海邊小屋、沙灘椅同各式flamingo裝飾盡情影靚相之餘 ; 識玩當然換埋「活動證」玩盡週末限定的精彩活動啦!
「愉景灣夏日滿FUN」
日期:即日起至9月1日
開放時間:全日開放
「愉景灣夏日滿FUN」週末嘉年華
日期:即日起至8月25日(逢星期六及日)
時間:中午12時至下午6時
Source : 愉景灣
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道美食/住宿指南等!↓