講到享受美食,就算喺香港去極具人氣嘅餐廳都有機會「中伏」,何況出外旅行?尤其係一家大細出遊,梗係要做足準備功夫,手執最強嘅地道美食資訊,咁就可以避免「食物中伏」啦!除咗熱門嘅意法美日泰菜之外,今次為大家介紹俄羅斯、北歐及地中海等地嘅抵食地道菜式,一於齊齊吃到這世界邊端啦!
1/俄羅斯
世上著名嘅戰鬥民族,佢哋有乜美食推介?就係布林餅(Blinis)、羅宋湯(Borshch)、餃子(Pelmeni)、伏特加(Voka)及卡瓦斯(Kvas)嘞,仲有價格昂貴嘅魚子醬㖭!喺戰鬥國度食餐飯,絶對豐儉由人,唔使用劍嘅~
2/希臘
希臘料理以地中海飲食風格為主,亦係全世界最健康嘅飲食配搭之一。食材方面會使用大量橄欖油,蔬菜, 香料,穀類,美酒以及各種肉類,大家可以在地品嚐最地道嘅希臘優格及希臘沙拉,仲有烤魚、魷魚圈等海鮮呢!
3/伊朗
伊朗嘅波斯烤羊排、石榴雞、羊腦湯、駱駝肉及酸奶等都係地道惹味嘅菜式,尤其羊腦湯及駱駝肉更加係難得一嚐;而當地嘅魚子醬亦係首屈一指嘅極品,一場嚟到,起碼都要豪食一次啦。
4/丹麥
北歐除咗有傢俬,丹麥仲有著名美食呢!包括:醃漬鯡魚(marinerede sild)、丹麥煎肉丸(Frikadeller)、米布甸(Ris a la mande)等,由前菜、主菜至甜品都有齊。
5/摩洛哥
北非國家都好似神秘女郎一樣令人著迷~唔知當地嘅菜式係咪都帶著神秘色彩呢?即時為你揭開謎底~當地嘅地道菜式包括:塔吉鍋及Couscous米飯,仲有必試嘅焦香烤肉串(Kebab)及口味清新嘅薄荷茶,辛香滋味令人一試難忘。
6/土耳其
土耳其嘅烤全羊有啲似像中式嘅八寶鴨,都係掏空放入唔同材料,土耳其版本就有果仁、米及乾果等,係招待貴賓或宴會嘅特色菜之一,土耳其嘅地道菜式著重加入大量香料烹調,果然不負「香料之國」嘅美譽,別錯過呷一口土耳其咖啡及大啖吃質感軟綿嘅雪糕喔!
7/克羅地亞
克羅地亞係前南斯拉夫嘅一部份,歷史上跟威尼斯帝國及奧地利、匈牙利帝國關係密切,喺當地經常可以食到意大利風味嘅美食。當地以合時嘅新鮮食材入饌,無論農產品或阿德里亞海(AdriaticSea)嘅海產都極具水準。著名嘅地道食材仲包括:Istria嘅橄欖油、黑松露和白松露,Slavonian嘅KulenSausage,(當地出產嘅莎樂美腸),Pag嘅羊肉和羊奶芝士,Ston嘅生蠔及Drnis嘅火腿都係食家至愛。
8/愛爾蘭
所謂一日之計在於晨,先食個愛爾蘭早餐醒醒神先啦!愛爾蘭傳統早餐包括:愛爾蘭香腸、煙肉、雞蛋、薯仔、愛爾蘭豆、白辣椒,以及都柏林芝士等多種選擇,極豪華!加埋杯愛爾蘭咖啡就更提神;別錯過著名嘅愛爾蘭燉肉及海鮮喔!
環遊世界抵價歎美食貼士:
去旅行想食到盡?識揀就梗係揀阿聯酋航空啦,先由香港飛往杜拜機場,於等候轉機期間揾間提供地道美食嘅餐廳休息吓同埋歎吓美食先;若選擇喺杜拜及阿拉伯國家玩幾日,就可以品嚐更多中東特色美食啦。轉機後,又可以喺目的地再大快朵頤,一張機票食到兩個或以上國家嘅地道菜式,勁著數!
Sources : Emirates
↓透過發佈帖文賺取收入!立即參加!↓
↓立即睇打卡熱點/地道美食/住宿指南等!↓