人均$50吃到飽！ 澳門下環街市熟食中心掃街攻略

澳門美食雖然眾多，不過著名的已被介紹過很多次，相信大家也吃過很多次。其實澳門街市都有很多隱藏地道美食，而且價廉物美，質素不比其他餐廳差。今次U Travel小編帶大家到澳門下環街市的熟食中心掃街，用$100就可以食到牛雜麵、煲仔飯、豆腐花、紅豆餅，主食甜品一次過食晒！如果還不夠飽，更可以食埋街市內有名的夾餅及香蕉仔，下次去澳門快閃就來一個大滿足的地道美食遊！

澳門下環街市位於李加祿街，距離澳門市中心大約十分鐘車程，較遠離人煙。上到2樓就是熟食中心的所在地！

下環街市熟食中心有近30多間食肆，環境衛生寬闊，座位數目多，就連熟食中心外也有位置坐下用餐。找好位置坐下，就準備掃街啦！

牛雜佬美食
牛雜麵（$22）

牛雜佬美食大排長龍，最著名當然是牛雜麵。老闆手法純熟，三兩下手勢便弄好牛雜麵，熱哄哄的遞給食客。

牛雜麵足料，牛腸牛肺都有齊，食落口感彈牙煙韌，麵質亦有咬口。$22這個價錢，這樣大碗，在香港難以找到！

源進瓦煲美食
肉餅牛肋骨煲（$33）

街市內走一轉都看到不少人吃煲仔飯。部分煲仔飯雖然一早煮好，但有用爐保溫，保證能吃到熱辣辣煲仔飯。

冬菇肉餅味道香濃，牛肋骨肉質十分軟腍，而且整個煲底都是飯焦，值得一試！平時在香港想吃煲仔飯都要大排長龍，而且價錢貴一倍，這裡就提供一個平價選擇。

吳廷記
紅豆餅x2（$18，每件$9）、紅豆冰（$15）

吃過兩款主食，是時候買飲品解渴及品嚐甜品。吳廷記的紅豆餅及紅豆冰也是熟食中心內的人氣小食。紅豆餅熱到燙手，拉開一半是滿滿的紅豆餡，口感軟糯，味道香甜。記得趁熱食！

紅豆冰正常份量，足以解渴。

寬記豆腐花
熱豆腐花（大、$12）

最後不要錯過蔗糖及淡奶特製的豆腐花，香滑豆腐花有淡淡的奶香味，有冷熱及大中小尺寸，可因應飽肚程度選擇喜好份量。

總計牛雜麵$22、肉餅牛肋骨煲$33、兩件紅豆餅$18、一杯紅豆冰$15及一碗熱豆腐花（大）$12，有齊兩個主食、小食、飲品及甜品，二人份量剛剛好$100，人均只需$50就可以食飽！

覺得還不夠地道，還不夠飽？再推介多幾款下環街市熟食中心的美食，食埋一定大滿足！

泉記咖啡美食
奶茶（$11）、奶醬多（$11）、豬扒包（$19）

澳門豬扒包在下環街市都食到，配埋奶醬多及奶茶，簡直是下午茶最佳之選！豬扒包炸得剛剛好，不會太油膩，麵包亦脆口。奶醬多亦不過不失，惟有點過甜，味道亦和香港茶餐廳吃到的奶醬多相差無幾。奶茶方面則頗香滑。

明記美食
夾餅（$17）、香蕉仔（$16）

再推介明記另外兩款美食：夾餅及香蕉仔。小檔的小食都是即叫即製，夾餅烤到剛剛好外脆內軟，配上花生醬、牛油等，超大份令人食唔停口！

店舖更有賣創新的香蕉仔，香蕉仔跟雞蛋仔口感相似，除了外型是小小香蕉型，味道也是有香蕉加雞蛋的味道，十分特別。

所有美食合共$174，每人埋單$86，$100有找就可以飽足全日，大家下次有機會去澳門快閃，記得到下環街市熟食中心發掘美食！

營業時間：7am-8pm
地址：澳門李加祿街下環街街市大樓2樓

延伸閱讀：
澳門周末快閃遊行程推介 任食生蠔自助餐/狂電派/VR體驗
澳門4大人氣茶飲店推介！ 木糠布丁奶茶/低芝奶蓋/天然鮮果茶

即 like & follow U Travel Facebook / U Travel IG / 旅遊快搜 Facebook 專頁，緊貼世界各地最新旅遊情報！用WeChat掃一掃下面QR Code，follow埋U Travel精選內容！