想真正了解一個地方嘅歷史文化及日常生活,除咗去博物館之外,就係參加當地舉行嘅節慶及時令活動嘞!喺新年之始,各大熱門旅遊勝地嘅節慶活動時間表已經出爐!今年春夏,一於跟住世界各地嘅節慶活動去旅行,全情投入當地嘅節日氣氛玩盡佢啦!
2月法國芒通檸檬節
相傳夏娃喺法國芒通(Menton)種下世界上第一棵檸檬樹,自此芒通就成為歐洲著名嘅檸檬出產地,更於每年2月舉行檸檬節,吸引各地遊客前來欣賞,以當地檸檬製作嘅展品。藍天白雲配上鮮艷檸檬黃,真係行到邊都係影相位呀!
info
活動日期:2019年2月16日至3月3日
網址:https://www.fete-du-citron.com/
3至5月荷蘭鬱金香花展
每年3至5月,荷蘭庫肯霍夫花園都會舉行世界上最大嘅鬱金香花展,過千種花卉包括:鬱金香、水仙花、百合、風信子及各類球莖花卉種滿戶外花園!園區內嘅流水淙淙小路與不同主題嘅小花園完美結合,令整個景致構成一幅色彩斑斕嘅圖畫,讓你猶如置身童話世界,企喺任何一個位影相都一樣咁靚!
info
活動日期:2019年3月21日至5月19日
網址:https://keukenhof.nl/en/
4月瑞士索洛圖恩啤酒節
4月份喺瑞士索洛圖恩舉行嘅啤酒節(Biertage)係當地每年一度嘅盛事,超過20間啤酒廠獲邀參加,畀你一次過品嚐多款「歐洲啤」嘅風味!每一款啤酒都由唔同成份及配方釀製,由清新爽口至濃郁麥香嘅口味都應有盡有,一於大口大口飲住啤酒,同朋友及當地人一齊慶祝及了解瑞士嘅啤酒文化啦!
info
活動日期:2019年4月25日至27日
網址:http://www.biertage.ch/2017/seiten/biertage-solothurn.php
6月意大利美食美酒節
6月份喺意大利ARTUSIANA小城區將會舉行為期9日嘅美食美酒節。呢個節慶活動係集合當地美食及文化嘅節日,活動更致力提倡環保及食物多樣性嘅概念,包括採用大量有機食材。除咗品嚐美酒佳餚,現場仲有展覽及精彩嘅表演活動,簡直就係一個大型嘅嘉年華會,氣氛熱鬧,一家大細都啱玩!
info
活動日期:2019年6月22日至30日
網址:http://www.festartusiana.it/
7月愛丁堡舉行爵士音樂節
除咗品嚐美酒佳餚,鍾意爵士樂嘅朋友記得要訂定7月嘅機票!喺今年7月,愛丁堡將會舉行爵士音樂節,呢度雲集全球高水準嘅爵士樂手嚟到現場演出,真係機會難逢,令樂迷們大飽耳福之餘,仲可以與志同道合嘅朋友交流音樂心得,簡直係爵士樂迷嘅年度盛事!
info
活動日期:2019年7月12日至21日
網址:http://www.edinburghjazzfestival.com/
8月德國葡萄酒節
你無睇錯喎~係呀,今次係去德國飲葡萄酒呀!除咗啤酒,德國釀製嘅葡萄酒亦聞名於世。如果你喺仲夏歐遊,就要把握機會喺8月份參加德國漢堡嘅葡萄酒節St. Pauli Wine Feast,到時可以品嚐來自Nahe、Rheinhessen及Pflaz等德國著名葡萄酒產區嘅佳釀,在地品嚐德國葡萄酒嘅風味。
info
活動日期:2019年8月22日至25日
網址:https://spielbudenplatz.eu/erleben/events/winzerfest
預訂機票著數貼士:
去歐洲最怕搭長途機,唔想連續十幾小時被困機艙?建議選搭阿聯酋航空,先飛杜拜再轉飛歐洲,識玩嘅就梗係喺杜拜玩番三幾日先再去歐洲目的地啦,一張機票玩盡多個旅遊熱點,超著數喔!阿聯酋航空喺2018年10月新增愛丁堡航線,畀你更方便、更快捷去勻歐洲春夏嘅節慶活動!
↓ 請您免費飛轉日/韓/泰!↓
↓立即睇打卡熱點/地道隱世美食/必買手信等!↓