旅行時美食當前,少不免大吃大喝,但返到香港見到腰間多了幾吋肥肉點算好?日本綜藝節目《世界一受けたい授業》就介紹最新5秒腹肌操,實測連續做兩星期,無需節食都可以減5cm腰圍,更可鍛練肌肉提升新陳代謝率,之後去旅行再食就不易肥喇。
延伸閱讀:日本搞笑煎蛋/麵包造型坐臥用品! 太陽蛋毛毯陪你過冬
做5秒腹肌操時要注意以下三點:
1. 想像要壓扁空的鐵罐般用力向壓腹部。
2. 做運動時可嘗試講鼓勵說話,如「加油呀!要練到腹肌!」,有助集中精神練肌肉。
3. 要做「逆腹式呼吸」,吸氣時收肚,呼氣時放鬆小腹。
第一組動作
雙腿張開至肩膊寬度,曲膝身體微微向前傾,右手握拳放在胸前,左手垂下指地。
吸氣,身體向左扭,左手順勢指向上。
保持姿勢,用5秒緩緩吸氣。
重覆10次為一組,每日做三組。
第二組動作
先站直,拇指按在肚臍左右約3cm,邊輕按邊吸氣。
再用5秒時間,逐秒逐秒呼氣,最後一下用較長時間呼氣,用腹部力量推回拇指。呼氣時想像自己在吹氣球即可。
每日做3次。
第三組動作
平躺在地上,雙手握拳放在頸後,右腳放在左腳腳尖上。
用5秒時間,逐秒呼氣,每秒左右腳交替提腳向上。
腳到頂點時吸一口氣。
再逐秒呼氣,每秒左右腳交替慢慢放下腿。
做運動時想像腹部放了一碗熱湯,要保持平穩不讓湯倒瀉慢慢提腿。
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓