萬分期待聖誕節來臨,今年嘅聖誕假期連元旦日,更是難得嘅係成功申請3日大假,就可連放11日假期,去旅行,當然首選歐遊啦!歐洲嘅聖誕節日氣氛濃厚,於漫天飄雪下與摯愛閒逛聖誕市集,絕對是一生難忘嘅浪漫回憶;盡情享用節日限定的傳統美酒佳餚,定能讓你大飽口福。仲可以選購當地特色節日紀念品,一家大細也能盡興。今個聖誕,仲邊有唔去歐洲嘅理由?
1/最傳統:德國紐倫堡
聖誕市集源自德國,而紐倫堡聖誕市集更加係歐洲最古老、最傳統及最大型嘅聖誕市集。呢個市集原本係為咗慶祝聖嬰誕生而舉辦嘅活動。因此,市集選址就喺聖母教堂前,古老教堂與聖誕市集營造出濃厚嘅節慶氣氛令呢度成為打卡及selfie熱點。紐倫堡聖誕市集必備德國傳統嘅節日美食,到此一遊,必嚐用「聖誕襪杯子」裝嘅Glühwein(熱葡萄酒)及剛好烤好嘅德國香腸呢!
Info
日期: 2018年11月30日至12月24日
地址:Hauptmarkt, 90402 Nürnberg
查詢:http://www.christkindlesmarkt.de/en/welcome-to-the-nuremberg-christkindlesmarkt-1.3848321
2/歐洲第一:法國史特拉斯堡
呢個歷史悠久嘅聖誕市集,更被旅遊達人追捧為「歐洲第一」,政府每年都會喺克萊柏廣場(Place Kléber)設置30公尺高的巨無霸聖誕樹。史特拉斯堡處於德法邊界,聖誕市集設有超過300間小木屋商店,除咗出售美酒佳餚及工藝品,仲可以喺廣場溜冰,讓小朋友體驗戶外溜冰嘅樂趣;坐喺河邊餐廳用餐更係浪漫至極。而史特拉斯堡聖誕市集嘅廣場附近仲有好多被列為世界遺產嘅建築物,嚟逛市集,仲可以順道遊覽古蹟呢!
Info
日期:2018年11月23日至12月30日
地址:Place Broglie | Cathedral Square, Strasbourg, France
查詢:https://noel.strasbourg.eu/
3/聖誕玩具之城:捷克-布拉格
布拉格嘅聖誕巿集喺舊城廣場(Old Town Square)同埋溫徹拉斯廣場(Wenceslas Square),以哥德式泰恩教堂為背景,喺街上閒逛已能感受到濃濃嘅聖誕氣氛!選擇喺聖誕節當天或跨年夜到此一遊,仲有機會體驗跨年煙火表演等特別活動呢!布拉格聖誕市集嘅攤位都係由小木屋所構成,外型別緻可愛。每到聖誕節,呢度就會變成一座大型嘅玩具城,聖誕攤販嘅推車裡賣嘅都係當地手工玻璃與木製玩具、香氛蠟燭、手工精細嘅刺繡等,邊飲杯暖暖嘅水果紅酒,邊享受購物樂,真係人生一大樂事!
Info
日期:2018年12月1日至2019年1月6日
地址:Old Town Square and Wenceslas Square
查詢:https://www.pragueexperience.com/
4/必吃地道美食:比利時布魯塞爾
布魯塞爾嘅聖誕市集只有短短10幾年歷史,走進古城凹凸不平嘅鵝卵石街道上,已能感受強烈節日氣氛,超過200個小木屋攤位畀你盡情shopping,除咗大量嘅聖誕用品之外,一路挑選有趣可愛嘅商品,一路品嚐比利時鬆餅、焦糖蘋果等美食真係一樂也,喺市中心仲設有溜冰場,驚喜度破表!
Info
日期:2018年11月30日至2019年1月6日
地址:Grand Place 8, 1000 Bruxelles
查詢:https://www.brussels.be/winter-wonders
5/聖誕倒數進行中:奧地利維也納
其實維也納市區內有非常多規模大大小小嘅聖誕市集,喺市政府廣場前嘅聖誕市集就最具氣氛。每年11月,市政政廳廣場(Rathausplatz)大樓鐘樓上都會掛上一個電子螢幕,為聖誕節進行倒數;過百間小木屋攤位滿載聖誕美食、傳統手工藝禮品、聖誕裝飾等,千祈咪錯過飲番杯香噴噴嘅熱果汁酒 Gluhwein ,一邊啜飲、一邊喺市集閒逛。想同摯愛及家人渡過難忘嘅聖誕假期,就係咁簡單!
Info
日期:2018年11月18日至12月23日
地址:Friedrich-Schmidt-Platz 1, 1010 Wien
查詢:https://www.austria.info/uk/things-to-do/skiing-and-winter/christmas-markets/christmas-markets-in-vienna
6/超過100棵閃亮聖誕樹等住你:瑞士巴塞爾
由超過100棵閃亮聖誕樹與接近200間小木屋攤販打造嘅巴塞爾聖誕市集,亦係全瑞士最大最亮麗嘅聖誕市集。呢度有熱騰騰嘅煎餅、傳統口味嘅薑餅、瑞士熱巧克力,仲有瑞士地道嘅聖誕麵包Grittibanz呢!市集內嘅佈置既具規模又充滿童趣,喜歡shopping嘅你,喺市集內就好似玩緊尋寶遊戲咁,市集商戶出售嘅毛衣、聖誕玩具,以及具宗教味道嘅木雕等質量極佳,處處都充滿驚喜!
Info
日期:2018年11月22日至12月23日
地址:Barfüsserplatz和Münsterplatz廣場
查詢:https://www.basel.com/en/Media/Packages/Christmas-in-Basel
7/獨特聖誕木偶:只在西班牙巴塞隆納
喺西班牙巴塞隆納大教堂前嘅聖誕市集至今已經超過兩百年歷史,除咗新年時為咗祈福嘅巫婆人偶,聖誕裝飾之中最有具特色嘅就係Tió de Nadal木偶和Caganers,兩者均被視為帶來好運嘅小物。當地嘅小朋友喺聖誕夜時會邊唱歌,仲會用棍敲打Tió de Nadal,Nadal就會實現小孩嘅願望,就係送佢哋鍾意嘅禮物嘞;而Caganers係就會做出「便便動作」嘅人偶,象徵以天然肥料為來年帶嚟豐收,所以就能夠成功晉身成為幸運木偶嘞。
Info
日期:11月下旬至12月23日
地址: Avingunda de la Catedral
查詢:https://barcelonalowdown.com/christmas-markets-barcelona/
8/聖誕遊樂園:英國伯明罕
市集裡除咗美食和漂亮嘅裝飾品,竟然仲有遊樂設施!包括:旋轉木馬及摩天輪,大人細路都喜歡,簡直係聖誕樂園。於美食方面則走德國風,市集內有德國香腸、啤酒,也有熱乎乎嘅聖誕特色熱紅酒;由於伯明罕聖誕市集喺購物中心附近,大可以喺日間購物血拼後,晚上再去聖誕市集遊覽呢!
Info
日期:2018年11月15日至12月23日
地址:Victoria Square, New Street
查詢:https://www.thebfcm.co.uk/
9/shopping精必到朝聖地:德國科隆
德國科隆最著名嘅就係世界第三高嘅教堂科隆大教堂(Kölner Dom),仲有超過7個市集分佈喺城市四周,面積大得驚人,呢度就梗係shopping精嘅尋寶聖地啦,出售嘅聖誕節日裝飾琳琅滿目,羊駝毛衣更加係必買之選,一定能滿足你嘅購物慾望!喺哥德式科隆大教堂前嘅聖誕廣場,每一年都會豎立一棵高大嘅聖誕樹,呢棵屹立喺萊茵河畔最大嘅聖誕樹,就成為大熱影相位,記住影多啲靚相留念呀!
Info
日期:2018年11月26日至12月23日
地址:Domkloster 4, 50667 Köln
查詢:https://www.cologne.de/events/christmas-markets
10/最奇趣:丹麥哥本哈根Tivoli聖誕市集
哥本哈根嘅Tivoli樂園係世界上最古老嘅遊樂園之一,樂園內除咗有安徒生同埋歐洲主題嘅景點,仲竟然會有中式及日式嘅遊樂設施,十分有趣!走進園內,除咗睇到好多丹麥手作玩具之外,美食方面一定不能錯過肉桂蘋果批和一杯暖笠笠嘅節日紅酒;晚上仲有巡遊及表演,又奇趣,又熱鬧呢!
Info
日期:2018年11月17日至12月31日
地址:Tivoli A/S Vesterbrogade 3 1630 København V
查詢:https://www.tivoligardens.com/en/saesoner/jul
遊覽聖誕市集小貼士:
‧冬季衣服都會較厚重,加上喺聖誕市集中尋寶,隨時一喼去,幾喼返,於選擇航空公司時請注意行李重量限制。其實只要透過阿聯酋航空網站預訂機票,就會提醒你行李嘅限額資訊;亦可以透過「行李限額計算器」查詢你航班嘅行李限額,非常方便。
‧歐洲城市都有規模大小不同嘅聖誕市集,有啲市集喺11月中已經開始,直到聖誕節前幾天結束,要逛聖誕市集必須喺聖誕節之前到訪呢!
‧要留意市集遊樂設施嘅開放時間,例如:旋轉木馬或滑雪場,未必與市集同時間開放;於晚上逛市集,由於燈飾亮起,氣氛會比較浪漫,所以相對地人流比較多。
‧有啲大城市有好幾個聖誕市集,各有特色,例如:以最古老聞名、攤位數量最多取勝、聖誕樹最高、最浪漫嘅聖誕市集等,可按喜好選擇,每個攤檔嘅貨品很少重複,逛唔同聖誕市集,就會有唔同嘅驚喜等住你。
‧攤檔大部分標價清晰,不宜跟檔主講價,請記得帶備足夠現金;另外拍照之前也向檔主示意,市集人流很多,請小心財物。
Source : Emirates
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道隱世美食/必買手信等!↓