澳門美食多到數不完!除了街頭小食之外,經典嘅地道葡菜及中國各地名菜都一樣出色。澳門星際酒店踏入12週年,酒店推出一系列飲食優惠,重頭戲之一有由蔡瀾與米芝蓮二星餐廳「風味居」中餐行政總廚聯手設計嘅「四川古菜」限定菜式、榮獲米芝蓮及美國CNN Travel等國際品牌推薦嘅「品味坊」帶嚟一系列傳統又正宗嘅葡萄牙美饌!即睇有咩好食!
蔡瀾X風味居 復刻正宗四川古菜
四川菜不只是辣得令人頭皮發麻的麻辣火鍋!要探索四川菜的另一個世界,大家可以去到澳門星際酒店旗下、被評為米芝蓮二星食府嘅「風味居」。酒店特別請來著名美食家蔡瀾先生與酒店中餐行政總廚陳植強師傅聯手呈獻「四川古菜」限定菜式,推出坊間絕無僅有嘅四川古老菜式。以麻而不辣配精緻手工菜式,將失傳的古菜菜式重現於人前,一改四川菜非辣不可的形象。
以廚藝提升食材味道
期間限定嘅多道菜式,全是傳統嘅功夫菜。蔡瀾話,古四川菜唔會用到鮑蔘翅肚等貴價食材,全靠師傅廚藝為簡單嘅食材昇華。好似豬肝,係普通家庭都會用到嘅食材。喺古菜中一道極考功夫嘅「香蓀肝膏湯」,就能展現當中嘅精髓。大廚將豬肝錘成蓉,用紗布隔走纖維後以蛋清同蒸,質感如絲般細滑,令人一試難忘。
同樣以豬肝入饌嘅「肝油遼參」,先將豬肝扣煮多個小時後再加入遼參燜煮,令香濃嘅肝油滲入遼參。
另一經典古菜菜式「回鍋肉甜燒白」,是個又鹹又甜嘅甜菜。所用到嘅食材只是五花肉、糯米、紅豆蓉及蓮子。先將五花肉用十多種香料調味後,捲入紅豆蓉及蓮子,以糖煮熟糯米再將所有食材蒸煮,整個烹調過程需要超過5小時。軟糯香甜的糯米夾雜帶香料味嘅五花肉,味道層次豐富。
蕎麥麵拌拐肉
拐肉即是將豬膝關節周圍的肉,肥多瘦肉少,口感極富彈性。配以紅油與蕎麥麵同食,麻香十足!想一試其滋味,快啲嚟澳門星際酒店試啦!
Info
期間限定四川古菜
日期:即日至11月30日
地址:澳門友誼大馬路澳門星際酒店5樓風味居
電話:+(853)8290 8668
營業時間:11am-11pm
品味坊 正宗地道葡國菜
你搵緊正宗葡萄牙菜?介紹你去榮獲米芝蓮及美國CNN Travel等國際品牌推薦嘅「品味坊」,試吓由被譽為葡菜專家的餐飲行政經理陳繼祖師傅,設計出一個集經典葡國菜於一身嘅特別菜單。
「無花果沙律拌馬介休球」馬介休球炸得香口惹味,加上清新嘅無花果沙律,味道層次分明。
「欖油蕃茄焗鱈魚」肉質嫩滑無比的鱈魚,配酸味醒胃的蕃茄醬汁,大廚以橄欖油調味,令鱈魚更香滑,令人回味無窮。
Info
期間限定葡萄牙美饌
日期: 即日至11月30日
地址:澳門友誼大馬路澳門星際酒店16樓品味坊
電話:+(853)8290 8688
營業時間:12pm-10pm
只此一晚 淮揚之夜
中菜愛好者注意!獲得多年《港澳最佳食府指南》推薦嘅「蘇浙滙」,以全新華麗面貌登場。更喺11月8日舉行只此一晚嘅「淮揚之夜」,大廚將江南菜之大成,以傳統烹飪技巧,帶來品味獨特、精緻的擺盤,定必令你耳目一新!
Info
淮揚之夜
日期: 11月8日
地址:澳門友誼大馬路澳門星際酒店6樓蘇浙滙
電話:+(853)8290 8638
營業時間:12pm-10pm
↓透過發佈帖文賺取收入!立即參加!↓
↓立即睇打卡熱點/地道美食/住宿指南等!↓