澳門簡直係香港人嘅熱門旅遊勝地,來回方便快捷,又係時候同家人朋友去玩吓嘞。最近澳門有乜嘢新搞作呢?嚟緊嘅焦點就係「2018澳門美食年」及「太陽城集團第65屆澳門格蘭披治大賽車」嘞,記住喺10月13及14日嚟太古城中心嘅「感受澳門無限式嘉年華」路展活動,攞到第一手美食活動資訊之外,玩遊戲又有奬品,影相上傳上IG仲隨時獲得單程船票買一送一優惠;玩賽車game仲有機會得到11月舉辦嘅「太陽城集團第65屆澳門格蘭披治大賽車」入場券2張,即時起行啦!
名人與星級陣容揭開序幕
喺10月13日嘅「感受澳門無限式嘉年華」路展開幕典禮,唔只有森美擔任司儀,仲有馬國明、麥美恩、曹永廉和賽車手唐逸謙為大家介紹澳門最新景點、活動盛事及美食文化。澳門歌手古卓文與一眾小朋友及澳門旅遊吉祥物「麥麥」勁歌熱舞,澳門網絡新媒體「微辣」嘅兩位藝人,豪Dee及加蔥、Artem Ansheles (俄仔)與馬國明、麥美恩合作,做埋戲劇介紹澳門節日盛事,同現場觀眾進行互動遊戲,打成一片,各位粉絲記住把握機會親親偶像啦!
船票買一送一優惠
今次路展共分成兩個展區,地下展區(近APITA)展出澳門格蘭披治三級方程式賽車及房車,畀一眾賽車迷近距離觀賞Dream Car,率先感受賽事氣氛。大家只需於指定時間喺展區拍照、完成所需步驟並上傳到社交平台,即可獲贈「金光飛航」澳門單程船票買一送一優惠,名額有限,先到先得。
玩互動遊戲~豐富奬品等住你
Game迷有福了!喺二樓中橋展區有最新嘅「Cooking Mama來煮飯吧!」澳門特別版,畀你親身嘗試烹調葡菜,好玩滿Fun!仲有一家大細都啱玩嘅「感受澳門盛事式」AR互動game;至於「挑戰東望洋跑道」遊戲,勝出者更可以得到11月舉辦嘅「太陽城集團第65屆澳門格蘭披治大賽車」入場券2張;而「澳門光影單車」就可以燃亮燈飾。一於邊玩邊攞奬品,大派澳門地道小食、特色紀念品外,仲有今屆澳門賽車入場票等住你,快啲join啦!
澳門大激賞激筍澳門住宿優惠
適逢2018澳門美食年及澳門格蘭披治大賽盛事, 6間香港旅行社指定分行,包括:香港中國旅行社、康泰旅行社、東瀛遊、油蔴地旅遊、信德旅遊及新星旅遊將會同步澳門優惠套票,酒店package低至每位$479起,真心超值。
「感受澳門無限式嘉年華」路展詳情:https://www.facebook.com/ExperienceMacao/
資料提供:澳門特別行政區政府旅遊局
↓透過發佈帖文賺取收入!立即參加!↓
↓立即睇打卡熱點/地道隱世美食/必買手信等!↓