去旅行要搵路、揾交通、搵餐廳,手機每日都會用到好多電,再加埋要打卡放相上ig,可能唔使半日手機已經冇電。會帶定尿袋出外的朋友就唔使擔心呢個問題,不過冇尿袋嘅朋友喺外地又點算好呢?依家去日本嘅朋友唔使驚!因為Lawson現在都開始提供充電器外借服務,在限時內還回便利店,就只需極平價錢充電。咁去日本玩又唔記得帶尿袋嘅朋友就唔使擔心啦!
充電器外借服務「ChargeSPOT Stand」喺10月2日開始於Lawson便利店推行,在東京新宿、涉谷區嘅6間Lawson提供服務。店鋪內有不同大小嘅充電座,搭載不同數量嘅充電器。大家如果想借用尿袋,就可以先從手機download「ChargeSPOT 」應用程式,再掃描充電座上的QR Code即可使用。借用1小時內只須108yen,最多可借用48小時。如果使用多過1小時,只須多付108yen。換言之,借用兩日都只須200円左右,十分抵。
借用尿袋時,要先付2,139yen的按金。如果48小時內不能還卻,按金不會退回,不過尿袋以後就可以自用。尿袋可以在第2間Lawson還卻。
目前提供充電器外借服務的Lawson便利店包括:涉谷道玄坂上店、涉谷櫻丘町南店、惠比壽プライムスクエア店、代代木西参道店、東新宿明治通店、都營東新宿駅前店。雖然只得6間,不過Lawson預計直至明年2月將服務擴大至東京都內100間店鋪,並希望進一步擴展至名古屋及大阪等1,000間店鋪。
來源:マイナビニュース
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓