新加坡除咗適合親子遊之外,每年一度嘅「一級方程式大賽車」亦係令人注目嘅盛事。
今年新加坡嘅「Formula 1 Singapore Grand Prix新加坡大獎賽」今已踏入第11年,會喺9月14至的16日舉行,屆時唔只有精采刺激嘅賽事,大賽舉行期間仲會有唔少重量級嘅表演同活動,即刻睇下今屆大賽嘅三大注目位!
注目焦點(1) 賽車飛馳鬧市好震撼
提起Singapore Grand Prix新加坡大獎賽,呢條F1賽道可謂大有來頭,搵來德國賽道設計師Hermonn Tilke操刀設計,响Marina Bay沿岸,規劃咗一條街道賽道,成為F1新加坡站固有嘅舉辦場地。整條比賽賽道之起點及終點分別位於濱海灣花園同新加坡摩天觀景輪附近,沿途貫穿新加坡繁鬧市區,包括金融中心、濱海灣區、商業區及市政廳等地。更特別嘅係新加坡F1賽站係全球首推夜間比賽嘅地區,亮起璀燦燈光嘅高樓大廈及各大新加坡地標,成為比賽場地背景!由於新加坡不少五星級酒店門口亦為賽道範圍,大家可以安坐酒店餐廳、酒吧甚至Hea住响房間內觀賞大賽車呼嘯而過,一邊欣賞賽事、一邊上網打卡,即時同朋友分享。
注目焦點(2) 超重量國際巨星齊助慶
除咗賽車迷值得嚟新加坡觀賽,身為樂迷一樣不能錯過。喺9月14日至16日大賽舉行三日期間,於濱海灣街道賽場地,會請嚟唔同嘅國際級音樂人表演。9月14日有周杰倫、9月15日係英國樂隊Oasis主音Liam Gallagher及美國搖滾勁旅The Killers,仲有日本當紅著名組合Sekai No Owari。9月16日則有來自荷蘭之世界冠軍DJ Martin Garrix、美國唱作歌手Dua Lipa,以及英國著名組合Simply Red等助慶,表演陣容已夠矚目,就算只係陪朋友嚟睇賽車亦有大把節目。
注目焦點(3) 周邊節目超吸引!
除咗賽道範圍,大賽期間新加坡唔同地區都會推出各種嚮應F1大賽車之活動,部分更會喺整個九月舉行,例如聖淘沙舉辦多年嘅Sentosa Sandsation會特別推出MARVEL Edition沙雕展覽,烏節路、牛車水、市政廳等新加坡各大景點及博物館亦喺在呢段期間增設更多有睇頭的活動和展覽,全國各大商場會推出唔同嘅優惠、酒吧及餐廳又推出嘅特飲和特色美食,睇賽車之餘仲有好多節目可以玩。由香港直飛三個鐘頭到新加坡,參與一年一度嘅盛事真係難能可貴,玩多幾日都可以好充實同盡興。
「Formula 1 2018 Singapore Airlines Singapore Grand Prix 2018 F1新加坡航空公司新加坡大獎賽」詳情:
今年賽事一如過往,共分三天舉行9月14日至16日舉行,頭兩日(14至15日)分別有3階段嘅自由練習,15號則會進行排位賽,9月16日大賽會正式上演。
即刻去https://tickets.singaporegp.sg/ 預訂門票啦!
以上資料由Singapore GP和新加坡旅遊局提供。
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓