放暑假啦,炎炎夏日去海灘當然是不二之選!想為小朋友加添新意思,嚟愉景灣就可以盡情放電!由7月21日至8月12日,超巨型恐龍歷險樂園同多個充氣遊戲,將連續23日於愉景灣大白灣沙灘同大家見面,最啱一家大細嚟玩轉暑假!憑遊戲劵*仲可以參加Q版運動會,畀小朋友大展身手,全日開心又滿Fun!
*遊戲券換領詳情,請查閱https://www.facebook.com/VisitDiscoveryBay/
細路放電無限Loop
Check Point 1:必玩小恐龍滑水梯
今年「愉景灣夏日滿Fun」率先以小恐龍滑水梯打頭陣,由三條環繞嘅滑水梯組成,最高達4.8米,小朋友既可以大玩刺激滑水梯之餘,更可以在恐龍歷險樂園內盡情跳躍奔跑,一齊與恐龍對戰!
Check Point 2:水上「放電」派對 + 動物電船仔
小朋友想一嘗迎著海風駕駛的樂趣,有色彩繽紛的手搖小艇及造型可愛的動物電動小船兩款遊戲畀你揀,全程亦有工作人員照顧,玩得安全又放心!
Check Point 3:親子挑戰區:巨型滾輪水上飄
巨型滾輪絕對可以考驗你同小朋友合拍度!點樣令巨型滾輪前進,要靠你同小朋友一齊合作,考驗平衡力同反應!
Q版運動會
Check Point 4:變身神射手#
要將籃球射入充氣籃架內唔係易事!小神射手們一齊挑戰身手,睇吓邊個眼界最精準!
Check Point 5:棒球小子#
要準確將飄動中嘅棒球打入洞,除咗講求眼界同力度、仲要動動腦筋運用小朋友嘅判斷力,絕對係鬥智鬥力!
Check Point 6:小小足球員#
小朋友如果經過世界盃熱潮後,對足球感興趣,可以喺呢度測試下小朋友嘅足球天分,仲可以同朋友仔較量較量!
Check Point 7:激玩沙灘兒童遊樂場
俾小朋友盡情放電嘅沙灘遊樂場,就喺充氣遊戲區旁邊!小朋友玩盡恐龍歷險樂園後可以再嚟到遊樂場繼續大玩特玩!嚟自北歐及美國嘅玩樂設施與別不同,一定畀到你新鮮感,好似全港獨有嘅飛天吊索、七彩繩網陣連滑梯、Supernova「風火輪」、仲有特色鞦韆,都屬十級好玩之作,小朋友一定樂而忘返!
降溫設施陪住你!
大白灣沙灘準備多項貼心消暑降溫設施,好似有巨型水霧裝置,幫你即時降溫!另亦設有大型帳篷同沙灘椅等休閒設施免費提供大家使用,大小朋友玩累了可以隨時休息,充電後再玩過!
週末呈獻:「繽Fun‧童享」嘉年華@愉景北商場
仲未玩夠?咁就唔好錯過週末限定嘅「繽Fun‧童享」嘉年華喇!活動期間的每個週末,愉景北商場將設置多個攤位遊戲,家長同小朋友可以一齊挑戰高近6米嘅「至激射門」;亦可以同地鼠鬥快鬥準,睇吓邊個避得過你嘅突襲!同場仲有百變扭氣球#及繽紛彩繪#兩個攤位,好動好靜嘅小朋友都啱玩!
Check Point 8:至激射門
測試腳力時間又到!要將足球踢到高達6米嘅標靶上,你又踢得幾高?
Check Point 9:決戰地鼠
到底地鼠快還是你眼明手快?就要喺呢度同佢一較高下!
Check Point 10:繽紛彩繪#
繪畫師為小朋友畫上喜愛的圖案,讓每張笑臉笑得更可愛!
Check Point 11:百變扭氣球#
無論小朋友鍾情動物造型抑或其他得意物件,造型千變萬化的氣球總有你嘅心水選擇!
愉景灣夏日滿Fun
日期:2018年7月21至8月12日
開放時間及地點:上午 11至下午6時@大白灣沙灘及愉景北商場 (愉景北商場僅限週末開放)
活動包括:
大白灣沙灘-小恐龍滑水梯、滾輪水上飄、手搖小艇、動物電動小船、Q版運動會#
愉景北商場-至激射門、決戰地鼠、百變扭氣球#、繽紛彩繪#
#溫馨提示:
凡於D'Deck、愉景廣場、愉景北商場或愉景灣酒店單一餐飲消費每滿港幣120元,出示即日收據正本,即可換領遊戲券乙張。憑券可到大白灣沙灘參加「Q版運動會」各遊戲乙次。推廣期內,憑券於週末更可到愉景北商場換領百變扭氣球及繽紛彩繪乙次。遊戲券換領詳情,請查閱https://www.facebook.com/VisitDiscoveryBay/
資料由客戶提供
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓