平時東京自由行去台場,不外乎看高達、打卡和購物。今次介紹台場 アクアシティ Aqua City最新的Weber Park 燒烤樂園,主打「體驗型BBQ」,簡單講即自己燒自己食。夾啱日落時間到訪,更可一邊觀賞日落海景一邊燒烤,菜單主食份量十足,但人均消費只不過$ 5400日元(約$ 384港幣),絕對試得過!
餐牌有三款主菜選擇,每款都有4碟菜色,分別是Japanese Traditional(日式) 、American Classic (美式)及European Classic(歐式)。
前菜製作相當簡單,放入烤爐一陣就有脆卜卜的 Nachos醫肚。
不止燒烤,醃肉都自己搞掂,簡單落橄欖油、鹽、胡椒等就完成。
醃好後放上燒烤爐上。注意各款食物的燒烤時間不同。
如果燒雞肉或魚類,先燒皮的一面較好。
蓋上蓋子,然後睇住靚景等食。
再按指示開蓋燒另一面。
光看已知烤爐火力一流。
即使食客自己動手燒,但餐廳指示充足,主廚拍心口話燒烤新手保證零失敗。
燒烤最怕網上黏附燒焦的食物,今次無職員幫你換網,自己動手用專用的擦清理,不用換網。
除了前菜及主食,套餐更包甜品。
另外,可以單點其他菜色及兒童餐。至於飲品方面,只附$ 1000日元(約$ 71港幣)就可以有無酒精飲品放題,$ 2200日元(約$ 157港幣)酒精飲品放題。
食飽,坐多一陣睇彩虹大橋的美景。
溫馨提示,記得預先店鋪的網站預約以免客滿,餐廳備有中文版網站,不懂日文亦可以預約成功。
Weber Park 燒烤樂園
地址:東京都港区台場1-7-1 アクアシティお台場屋上
營業時間:11時~22時 (11時~15時/17時~22時の2部制)
【搶先送❗】Rollink可摺疊行李箱🧳!↓
↓ 全球最薄!免費成為全港首批用家 ↓
↓ 全球最薄!免費成為全港首批用家 ↓
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓