暑假又到啦!打工仔就算無假放都會想出遊吓,散心同避暑。短遊嚟講好多人都會揀澳門,去得澳門多數人都會諗起賭場同葡國餐,其實本土澳門特色,又點止呢兩樣?想帶味蕾嚟一趟深度澳門遊,就一定唔可以錯過兩大餐廳-「風味居」及「品味坊」。佢哋會喺暑假推出特色時令菜色,帶嚟獨一無二嘅澳門菜,食過先叫真正體驗本土澳門。
夏日當造水果Crossover八大菜系
本土澳門嘅飲食文化,中菜向來都係佔重要地位。連續兩年獲得米芝蓮二星餐廳「風味居」就係當中代表,佢哋將湘川菜嘅「香」、「辛」、「麻」、「辣」引入,喺炎炎夏日之下刺激味蕾,令人食慾大增。為確保菜式保留地道原味,仲邀請到嚟自四川、湖南、山西嘅大廚加入團隊。
嚟到7、8月,澳門星際酒店三間食府─「風味居」、「丹桂軒」同「珍味館」,嚴選中國八大菜系的獨特風味及當地嘅水果,炮製出時令菜色。原來以水果入饌最講究當造期,食材同調味料配搭非常重要,例如7月當造嘅湖南山梨肉質爽甜,最適合平衡燜骨的辛辣。如果想試到咁清新開胃嘅水果美饌,就一定要把握機會啦!
兩大本土星級名廚 為「澳門菜」注入生命力
近年「澳門菜」推陳出新,將中西菜式融會貫通,土生土長嘅本土廚師功不可沒。從事飲食業超過25年,人稱強哥嘅陳植強師傅,正係其中之一,依家係澳門星際酒店行政中餐總廚,喺佢領導下嘅「風味居」屢獲米芝蓮榮譽。為咗增進廚藝仲曾經同團隊用一年時間遊歷中國各省,品嚐唔同嘅菜系,並且將其引入澳門,以精妙嘅烹飪手法,駕馭新穎食材同時展現地道風味,絕對係澳門中菜嘅代表人物。
至於「澳葡」風格菜式方面嘅創新,就一定要數陳繼祖Joe哥啦!佢入行超過30年,現為澳門星際酒店行政經理,最擅長研製歐陸風格菜色。佢嘅葡式海鮮飯就被CNN Travel列為十大澳門必吃美食之一。Joe哥近年仲將歐美新鮮食材引入,再配合唔同嘅風格,製作出一道道創新時尚嘅「澳葡」菜式。
風味居
地址︰澳門星際酒店5樓
電話︰+853 8290 8668
品味坊
地址︰澳門星際酒店16樓
電話︰+853 8290 8688
資料來源:澳門星際酒店
↓ 請您免費飛轉日/韓/泰!↓
↓立即睇打卡熱點/地道美食/住宿指南等!↓