去旅行,梗係同最愛嘅屋企人一齊去先夠開心啦!但正所謂十隻手指有長短,出發前同你家人一齊玩呢個心理測驗,就Check到你哋去邊度先最啱你哋性格啦!仲有埋旅遊熱點同航班推介,方便你玩完即約即plan即起行!
1/你鍾唔鍾意參加文學、電影或有關藝術嘅活動?
鍾意(答第2題)
唔鍾意(答第3題)
2/你鍾意邊一類題材嘅書?
愛情小品(答第5題)
科幻冒險(答第4題)
唔鍾意睇書(答第6題)
3/你係唔係經常自己一個食飯?
係(答第7題)
唔係(答第6題)
4/一星期同屋企人、朋友或同事有幾多次聚會?
0至2次(答第8題)
3次或以上(答第9題)
5/你會唔會覺得街上向你求助或鼓勵募捐嘅人都係騙子?
係(答第9題)
唔係(答第11題)
6/你住喺大廈,定係村屋?
大廈(答第10題)
村屋(答第8題)
7/你鍾唔鍾意睇搞笑節目?
鍾意(答第13題)
唔鍾意(答第9題)
8/同朋友相處或工作開會嗰陣,會唔會經常被問到對事情嘅睇法?
會(答第11題)
唔會(答第13題)
9/你會唔會經常OT?
唔會(答第10題)
偶然(答第13題)
經常(答第11題)
10/你有冇經常遲到?
係(答第11條)
唔係(答第14題)
11/你有冇試過同父母或兄弟姊妹鬧交?
有(答第14題)
冇(B型旅行者)
12/放假獨自喺屋企會唔會覺得好悶?
會(答第13題)
唔會(答第14題)
13/會唔會將屋企後備匙放响男/女朋友屋企?
會(C型旅行者)
唔會(D型旅行者)
14/如果同屋企人相處時出現尷尬情況,會唔會搞搞氣氛以緩和一下?
會(E型旅行者)
唔會(A型旅行者)
A型:博學型
鍾意參觀博物館、睇歌劇或欣賞當地藝術表演,亦鍾意行書店、去café,感受當地大街小巷氣息同風土人情,你同屋企人都係充滿藝術氣息嘅旅行伴侶。
建議旅遊點:英國、法國。歐洲藝術氣息濃厚,除咗博物館,仲有唔少歷史悠久嘅教堂、古堡同名勝古跡,一定可以滿足博學型嘅你!不妨同家人一齊搵返套美國百老匯歌劇欣賞吓、齊齊嚟個深度遊,為你一家創造特別回憶。
B型:美食家
鍾意美食,周遊列國期間亦會周圍試當地出名美饌,品嚐當地食材。你一家對旅程中嘅食物同餐廳有要求,亦鍾意到當地市場、農場、酒莊等地方物色地道美食,甚至會參加當地烹飪課程,學習相關飲食知識。
建議旅遊點:泰國、法國、意大利等美食之都,著名黑松露、生蠔、紅酒、香檳、血鴨、咖啡、意粉、薄餅都好地道,精緻法國餐飲盛宴亦令人十分嚮往。泰國當地亦有好多烹飪課程讓遊客參加,咁就可以同爹地媽咪齊齊逛地道市場,一齊落廚學返幾味!
C型:玩樂型
你呢家大唔透嘅大朋友,對主題樂園刺激遊戲樂此不疲,機動遊戲可以玩足一日,又鍾意到訪同動漫、電影有關嘅旅遊景點。鍾意古怪或者有特色嘅商場或景點,絕對係位精力充沛嘅好動寶寶。
建議旅遊點:美國一定係玩樂型旅伴嘅天堂!有好多著名電影同卡通人物嘅主題樂園,機動遊戲設計刺激瘋狂,亦有受歡迎嘅英雄動漫人物。杜拜嘅IMG冒險世界係全球最大嘅室內主題公園,位於阿聯酋購物中心嘅杜拜滑雪場同game迷必到嘅Hub Zero,都必定係成班兄弟姊妹玩到飽嘅最佳選擇,由早玩到晚絕對無問題!
D型:自然派
你熱愛大自然,鍾意研究同欣賞野生生態,出行必去動物園、水族館或者參加觀賞生態local tour。陽光海灘同自然美景嘅休閒舒適啱曬你。
建議旅遊點:如果帶住畢生奉獻咗畀你嘅父母去旅行,其實美國、非洲、南非同北歐等地都係理想旅遊地點。好似南法薰衣草田、鄉郊美景都令人一見難忘;美國黃石公園、非洲動物大遷徙、南非國家野生動物園都令人大開眼界。仲有位於智利聖地牙哥嘅森林公園,同聖基督峰,都係舒適又難得一見嘅自然美景,一定畀到佢哋難忘嘅經歷。
E型:Shopping精
為了購物,可以去到幾盡?若果你同屋企人都係shopping精,行到腳軟、腰痛、肚餓都唔會放棄購物機會,誓要買到商場關門最後一刻,咁就要搵個八成時間都係shopping嘅旅程!
建議旅遊點:講到shopping,歐洲各地都是熱門地點,時尚服飾、品味家品同藝術品都可主攻法國、意大利等地,包保滿載而歸。如果你一屋˹潮精˼的話,更可趁時裝週或新品發佈會後直飛當地,就可快人一步買入心頭好!
實用貼士:
到歐、美、非洲等地,最緊要識揀夠多航線嘅航空公司,阿聯酋航空設有超過150個航點,每日有4班航機由香港出發直飛杜拜,以杜拜作為飛往各地嘅中轉站。旅客亦都可以先飛中東停留幾日,然後繼續飛往歐洲、非洲及南美等地。另外,阿聯酋航空依家仲增設由杜拜直航至倫敦斯坦斯特德機場(London Stansted)航線;7月5日起增設由杜拜直航至智利聖地牙哥航線;10月1日起增設杜拜至愛丁堡航線,幫你同家人更方便快捷踏遍全球,隨時起行!
Source:Emirates
↓ 請您免費飛轉日/韓/泰!↓
↓立即睇打卡熱點/地道美食/住宿指南等!↓