即日至6月17日,香港會議展覽中心就會舉行「第32屆香港國際旅遊展」,澳門旅遊局搵嚟3間旅行社,包括香港中國旅行社、信德旅遊及東瀛遊,特別推出各式各樣嘅吃喝玩樂大優惠,等大家可以係短暫嘅假期之中,都可以好好享受吓澳門作為“聯合國教科文組織-創意城市美食之都”嘅魅力!
會場限定優惠 精彩節目話你知
適逢「2018 澳門美食年」,澳門旅遊局就用咗「感受澳門美食式」做主題,接待處變身成時尚酒吧吧檯,牆上以酒瓶和唔同食材作裝飾,配上中央巨形LED電視牆及霓虹燈點綴,感覺好chill。大家仲可以玩盡澳門美食互動遊戲,現場舉辦兩場旅遊講座,話你知有咩澳門美食、暑假活動及同下半年精彩節日盛事等等旅遊新情報,記得拎埋小冊子同紀念品,千祈唔好錯過!而今次最為矚目嘅,就一定係會~場~限~定~優~惠~!無錯!只係親臨會場先有嘅優惠!包括多份酒店套票同一天體驗套票,當中最令人「激動」嘅,都可以話係以下呢幾個:
酒店住宿︰
東瀛遊:澳門皇家葡萄餚自助午餐+澳門旅遊塔觀光廊門票+香港來回澳門船票$299/位 (每日首20名)
香港中國旅行社︰澳門十六浦索菲特大酒店+香港來回澳門船票$599起/位 (首60套)
信德旅遊︰澳門百老匯酒店+香港來回澳門船票$498起/位 (每日限40套)
玩樂︰
信德旅遊:《幪面超人大集結特展》澳門站門票+銀河美食券$88起/位
香港中國旅行社:《西遊記》門票+澳門銀河運財套餐券+香港來回澳門船票$379起/位 (首90套)
東瀛遊:《冒險王國》1天套票+香港來回澳門船票$439起/位
美食自助餐
香港中國旅行社:澳門美高梅酒店盛事餐廳自助餐+澳門4G上網卡+香港至澳門經濟來回船票 自助午餐$419起/位﹔自助晚餐$609起/位 (90套)
東瀛遊:澳門JW萬豪酒店自助午餐+香港至澳門經濟來回船票$419起/位
信德旅遊:澳門旅遊塔套票下午茶$398起/位﹔自助餐$488起/位 (100套)
澳門特色美食 做埋文青逛文創小店
澳門緊係唔止大三巴、觀音像咁簡單!嚟到關前街文創活化區,你可以揾到藝廊、概念店、文創小店,周圍都有唔少藝術擺設,好有氣氛。大家係影相打卡嘅同時,仲可以去區內嘅餐廳café飲杯野傾吓偈,一日文青就係咁樣煉成!
行到攰要醫醫肚,澳門有唔少傳統美食、街頭小食同土生葡菜,必定滿足你胃口!澳門嘅水蟹粥的確唔惹少,咁多年嚟其他地方點都做唔返個神髓,隻隻超巨大肉蟹加埋鮮甜多羔嘅粥底,超Yummy!另外梗係唔少得各款土生葡菜,好似非洲雞、葡式炒雜菜、馬介休薯蓉都係必食料理,吃貨嚟充充電就最啱啦!
第32屆香港國際旅遊展 (澳門展館)
澳門套票售賣時間:6月16日(10am-6pm);6月17日(10am-4pm)
澳門旅遊講座時間︰演講廳A—6月16日(3pm-3:30pm);6月17日(1pm-1:30pm)
地址︰灣仔港灣道1號香港會展中心 (1B展館 G101)
Source: 澳門旅遊局
↓透過發佈帖文賺取收入!立即參加!↓
↓立即睇打卡熱點/地道隱世美食/必買手信等!↓