平時最鍾意去澳門住新酒店Hea下食下玩下,今次見到美獅美高梅成間酒店設計成個「珠寶盒」咁勁注目,聽聞仲有成300件價值連城嘅藝術品睇添。我哋當然唔執輸,急不及待訂位入去住!去過後果然有驚喜,究竟有咩咁特別?即同你去睇真啲!
驚喜1 標準足球場Size「視博廣場」!
一入到美獅美高梅嘅視博廣場,大人細路都已經嘩嘩聲,因為四層高嘅視博廣場,玻璃天幕設計,重點係視博廣場有多個特大合共1000米嘅高清LED屏幕,每日輪流loop住世界多位知名藝術家嘅數碼藝術作品,有風景有海底世界有動物咁,畫面都好逼真。而且無論早、午、晚經過視博廣場都各有特色:早上嘅視博廣場,陽光照入玻璃天幕,視覺望落光猛又開揚;而夜晚,視博廣場會特別配合唔同嘅燈光效果,好浪漫。
驚喜2 一次過試匀9間世界級食府!
Foodie注意喇~到美獅美高梅有成9間世界級食府,中西日環球美食樣樣齊,有4間仲特別請咗星級名廚。而最驚喜係,餐廳價錢有平有貴,晏晝想食平少少嘅選擇有!夜晚想同屋企人、情人食豪啲嘅選擇都有!
Janice Wong MGM
「甜品皇后」黃慧嫻掌舵嘅Janice Wong MGM位於視博廣場。全場小朋友同女士嚟到都非常興奮。首先係店內高達7.3米嘅黑白朱克力噴泉裝置已經夠晒吸引啦!入面仲擺放住各種蛋糕、法式泡芙、麻糬、撻、雪糕、巧克力,糖果等,靚到唔知揀邊樣,仲要好多口味都好好食。揀完甜品,仲可以坐喺open area慢慢歎,夠晒寫意。
盛焰
牛扒狂迷注意!星級主廚Mauro Colagreco主理嘅盛焰,由專人喺世界各地農場揀出上乘嘅肉類食材,仲有多種美酒完美配合唔同嘅餐單,絕對係嘆靚酒据靚扒必到之處!酒迷仲可以坐喺收藏四千枝陳年佳釀嘅酒窖,邊睇邊食;想體驗熱辣辣氣氛嘅仲有鐵板燒吧檯,任君選擇!
雅吉
日式美食就食得多,日式秘魯菜你又有無食過?雅吉由著名秘魯菜大廚津村光晴帶你體驗世界美食首府秘魯嘅料理奧秘,店內除咗有秘魯傳統酒釀Pisco同日本清酒,仲有別具風味嘅雞尾酒,仲可以即場睇住大廚泡製海鮮,有齊視覺味覺雙重享受!
濤岸
想嚟個輕輕鬆鬆嘅家庭聚會?大廚Graham Elliot就以現代加州菜為你準備早、午、晚嘅合家歡菜式,除咗有特色烤薄餅、新鮮出爐麵包、仲有各式沙律同烤肉,加州紅酒亦都係唔少得!邊食邊傾最緊要坐得舒服,濤岸就有特別間隔同分層座位佈局,又有特設於主廚旁嘅主廚餐桌,最啱宴請親朋!
百話廊
兼備古典同現代氣息嘅百話廊除咗係歇腳好地方,仲可以感受到澳門嘅多元文化。話就話係酒吧,但佢嘅設計十足走咗入小教堂咁,裝潢擺設都十分復古典雅。而調酒都非常有特色,例如招牌嘅招牌百話廊盤尼西林雞尾酒,便加入蘭姆酒、威士忌,檸檬配以香草等調配而成,並以特別的圓形器皿盛載,非常別致。叫杯嘢飲,再叫個葡式香腸或炸馬介休小食佐酒,等你可以喺旅途上飲返杯悠閒吓。
講咗咁多外國菜,如果想嘆下傳統粵菜一樣有得揀,淳就係高質粵菜嘅代表啦,而且有酒飲之餘重特設埋「茶吧」,食飽咗順便嘆下茶,消滯一流!
蜀道
如果敢自稱「辣妹」或者「辣仔」嘅,梗係要嚟巴蜀嘆下地道川菜啦,不過菜單上面又唔止辣椒同花椒嘅,佢地有提供好多款唔辣嘅地道菜式,改變一般人對川菜無辣不歡嘅形象。
好鍋
叫得好鍋,顧名思義就梗係一班人打甂爐嘅好地方啦!佢地將海鮮火鍋同中國菜結合,再加埋開放式嘅廚房,一邊滾滾下一邊欣賞大廚手藝,自然份外過癮!
面對麵
面對麵有精緻嘅手工麵食同各款餃子,而且價格相宜!特別推介坊間少見嘅陝西扯麵,扯麵比刀削麵更寬,而且即叫即製,更有口感!另外多款北方水餃,都係必食之選!而且面對麵係24小時年中無休,咩日子咩時間都食得到!
驚喜3 頂級水療健身設施養生養心
住新酒店有得食有得睇,都重要有配套設施先係真正嘆世界。美獅美高梅嘅禪潺水療同健身中心,融合「養生」、「魅力」同「活力」三大概念,加埋啲最新嘅器材,咁先可以真正養生又養心!喺禪潺水療區就可以一次過做Spa、修甲、就連剪頭髮都有,入面仲有一個派對房Party Room,一班姊妹可以Book嚟慶祝生日,甚至為準新娘舉辦Bridal Shower,一邊浸住按摩池,一邊飲嘢,諗起都開心!另外,酒店設有特大健身室,入面有齊OMNIA等嘅健身儀器,仲有駐場教練指導新手,有無做開Gym都可以放心試玩。如果想玩得Pro啲,可以先預約瑜伽等運動課程,咁就玩得最放心啦!
驚喜4 坐擁全球最大LED Mon-多元化動感劇院
講到出名嘅劇院最多人第一時間諗起意大利、悉尼、倫敦、莫斯科呢幾個國家啦!而亞洲首個多元化動感劇院就位於美獅美高梅!佢最大嘅賣點之一就係配備一個相當於三個網球場咁大嘅LED Mon,除咗係全球最大,現場直播嗰時仲可將觀眾即時反應按比例咁投射去個mon度,好似照緊鏡咁,睇live氣氛一流。唔止個mon,劇院每個細節都做到足,座位有超過十種配置,每個位都計好晒最佳視線,帶俾觀眾超越4D嘅體驗!
↓ 請您免費飛轉日/韓/泰!↓
↓立即睇打卡熱點/地道美食/住宿指南等!↓