2018澳門美食年係年初啟動,關於美食嘅盛事一籮籮!早前全亞洲頂尖大廚們齊齊聚首澳門,梗係有啲緊要事啦!因為世界知名嘅餐飲業界奬項2018年度「亞洲50最佳餐廳」(Asia's 50 Best Restaurants)出咗世啦!呢個業界人士極度重視嘅奬項,分別由餐廳東主、主廚、食評家及備受推崇嘅美食家等三百多位來自唔同國家嘅專業人士,齊齊投票而得出結果,而且當中評審標準非常嚴謹,亦唔牽涉任何贊助,所以選舉响業界中嘅認受性十分高,好值得大家參考㗎!
表揚業界精英 提升後輩水評
今次2018「亞洲50最佳餐廳」除咗揭曉50位家最具影力嘅餐廳外,大會仲頒發咗主廚之選奬、可持續發展餐廳奬、亞洲最佳糕點師奬、最值得關注奬及終身成就奬等十項特別奬項,大會設置咗論壇,畀各界精英舉行演說同示範環節,藉着呢個機會進行交流,啟發大家對烹飪嘅思維外,一班嚟自日本、新加坡同台灣等地區嘅廚師,仲會以「探索味道根源」為主題,由亞洲菜式出發,分享自身歷程同業內新趨勢。佢哋更特別參加陸軍俱樂部嘅廚師盛宴,與本地同業交流吓心得~亦會到旅遊學院與學生進行學交流等活動。所以「亞洲50最佳餐廳」可以話係帶有濃厚書卷味,絕對係專業認真、認受性高嘅飲食界選擇。想睇返當日頒奬禮直播,可以Click入:https://www.facebook.com/Asias50BestRestaurants,睇吓各位大師嘅訪問同當時現場直播㗎!
2018「亞洲50最佳餐廳」得奬名單包括:
去年11月「亞洲50最佳餐廳」主辦單位與澳門特區政府旅遊局,宣佈澳門成為2018及2019年度主辦目的地,呼應澳門去年獲聯合國教科文組織評定為創意城市美食之都嘅美譽。
始創於2002年嘅「亞洲50最佳餐廳」由300名委員組成嘅評審委員會投票選出,各委員會根據過去18個月到訪過唔同餐廳嘅用餐體驗,揀出佢哋嘅心水,所以响業界中嘅認受性相常之高。
於3月27日澳門永利皇宮舉行嘅「亞洲50最佳餐廳」,精英雲集齊齊交流,成為業界最矚目嘅年度盛事之一。
要响全亞洲嘅餐廳中獲取「亞洲50最佳餐廳」名銜,絕對唔係易事!今年澳門嘅譽瓏軒餐廳能夠獲得此奬,必定有其過人之處,值得表揚!
近幾年都由日本及新加坡包辦嘅「最佳糕點師奬」,今年由香港Caprice嘅Nicolas Lambert獲得,為甜品界創建出新一頁。
今年嘅「終身成就奬」則由新加坡的江振誠(Andre Chiang)奪得,現時主力培育年輕新一代,以表揚佢响餐飲業界嘅貢獻。
elit®伏特加亞洲最佳女廚師2018(elit® Vodka Asia's Best Female Chef 2018)則由泰國曼谷的Satongun奪得,她致力於重拾傳統泰國菜嘅正宗風味,重塑出逐漸失傳嘅古老食譜及烹調方法,令佢成為今年焦點得主!
Source︰澳門特別行政區政府旅遊局
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓