每年一度嘅工展會又嚟喇~不過今次會係澳門舉行!而且仲要係免費入場㗎!工展會往年都係澳門舉辦過,仲吸引咗25萬人次入場參觀,遊客同澳門市民唔單止可以係呢度「食好西」,仲可以瘋狂掃平貨,一齊感受吓香港工展會嘅開心氣氛!
人氣爆燈嘅鼎爺李家鼎擔任今年「2018香港工展會․澳門」推廣大使之餘,仲會親身示範佢嘅李家私房菜,當然唔可以錯過啦~
商戶都趁工展會推出大量優惠,記得把握掃平貨嘅好時機!
四大主題區 生活美容照顧周到
「2018香港工展會․澳門」將會喺3月30日至4月2日、於澳門漁人碼頭會議展覽中心舉行,環境舒適行得更爽唔在講,展會仲邀請咗250個展商齊齊參與一年一度嘅盛事,貨品種類非常豐富!將會劃分成四個主題區,包括服飾美容區、休閒食品區、生活家品區同新增設嘅健康養生區,隨時執到寶,簡直一家大細照顧周到,無論你有乜喜好,都一樣可以係度搵到你嘅所愛!
台上仲有唔少表演,大人細路都啱玩!
廠商會第二副會長兼展覽服務有限公司主席徐晉暉(左三)與一眾出席嘉賓、「推廣大使」李家鼎(左四)及「第52屆工展會」工展小姐合照。
徐晉暉主席於「2018香港工展會․澳門」發佈上表示,今年乘勝追擊,第三度舉行香港工展會,期望藉此促進港澳經貿合作,以此作為經貿交流平台,向世界各地人士宣傳香港優質品牌。
集合食、玩、娛樂於其中
要買得開心,梗係唔少得工展會招牌吸誘力 — $1震撼大優惠啦~好似潤唇膏、黑豆茶等都以1蚊發售,亦有好多低至一折嘅產品等緊你,一定掃到價廉物美嘅香港產品。除此之外,大會今年仲特別請嚟人氣爆燈嘅鼎爺李家鼎親身大展廚藝,亦安排咗第52屆工展會「工展小姐」到現場表演~有小朋友嘅家庭就梗係要參加埋「BB瘋狂大掃貨」啦,大會仲準備咗好多唔同嘅抽奬同問答遊戲,快啲讚好佢哋嘅Facebook專頁,就可以睇到更多節目同遊戲,齊齊贏取名貴家電、家品及浴室等豐富奬品啦~
「2018香港工展會․澳門」
日期:3月30日至4月2日
時間:11am-9pm (4月2日7pm結束)
地點:澳門漁人碼頭會議展覽中心
費用:免費入場
交通:免費泊車優惠及免費穿梭巴士於澳門
*5個不同地點接送遊客及市民往返會場包括:羅保博士街(近澳門廣場)、馬場海邊馬路(近萬利樓)、氹仔基馬斯大馬路上落客貨區(近中央公園、濠珀對面)、筷子基南街(近聯薪廣場第一座)、荷蘭園大馬路(近荷蘭園柏蕙巴士站)
Facebook︰https://www.facebook.com/hkbpe
Source︰香港中華廠商聯合會
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓