去澳門,就搵得返屬於你生活嘅根源啦~因為澳門文化局嚟緊會舉行第二十九屆澳門藝術節,將會以「根源」做主題,由生活中取材,透過唔同嘅藝術方式呈現,引領觀眾回溯生活最根本嘅意義。除咗有本地藝術家參與外,亦邀得歐亞藝術家聯手共同創作。節目會由四月二十七日至五月三十一日中舉行,大會希望透過藝術節今次展出,可以拓展觀眾對生活嘅思考,等家搵返生活嘅泉源,好有意義呀~
七大焦點 雲集本地及國際藝術精英
今年嘅藝術節一共有二十六套目及藝術展覽,分別有七大焦點,包括咗「專題聚焦:根源」、「新銳先鋒:連結」、「跨界創作:劇場」、「闔府統請」、「傳統精萃」、「樂韻悠揚」以及「視覺藝術」;除咗呢七大焦點節目分類外,仲會有多場係社區推廣藝術的延伸活動,包括:講座、工作坊、藝人談、藝評計劃及影片放映等,澳門當地嘅朋友可以盡情參與其中啦~
今次「專題聚焦:根源」帶來開幕鉅獻舞臺劇《資本.論》,由上海話劇藝術中心以馬克思著作為靈感、配合澳門本地元素,以爆笑黑色幽默呈現資本嘅雙面性,呢套重新製作嘅劇目,仲係特別為紀念馬克思二百周年誕辰而製作㗎!
「新銳先鋒:連結」就由卓劇場聯同愛爾蘭導演及國際創演團隊,共同改編法國殿堂級劇作家戈爾德思嘅《叢前黑夜》,仲有講述本土造船歷史的《匠木浮城》、小城實驗劇團與印尼移工合作的紀錄劇場《洄游》、以及由澳門與新加坡兩地演員共同改篇瑞典劇作家斯特林堡名作《茱莉小姐》,反諷演譯作品《茱莉小解》等,非常精彩!
鐘意獨特風格嘅朋友,就要留意「跨界創作:劇場」喇!今年有比利時知名藝團“偷窺狂劇團”的肢體劇場《慾望孤荒》、本地編舞黃翠絲亦再次參與,呈獻融合舞蹈、視覺及裝置藝術的《洞穴爆發:奇異毛球》等節目,畀到你另一番體驗!
小朋友一樣可以同大人一齊欣賞藝術!「闔府統請」就係特別為唔同年齡層嘅觀眾而設,當中有小朋友同家長們可以於海綿樂園互動嘅親子節目《海綿寶寶》、有綜合文藝表演《百藝看館》、以及融合物件偶、現場演奏及兒歌唱聽故事嘅《找記憶》,提升小朋友對藝術嘅概念。
講到藝術,梗係唔少得傳統經典啦!澳門資深粵劇名家朱振華聯同一眾本地粵劇精英及新秀,上演撼動人心的經典粵劇《紅樓夢》等,澳門中樂團亦會舉行《醉迷法多》音樂會等,鍾情傳統藝術嘅朋友唔可以錯過喇!
第二十九屆澳門藝術節
訂票詳情:門票現正於澳門售票網公開發售
節目查詢:8399 6699
24小時訂票熱線:2855 5555(澳門) / 23805093(香港) / 13926911111 (內地)
網上訂票:www.macauticket.com
備註:
以指定信用咭購買指定節目,可享不同折扣優惠,詳情可參閱:www.icm.gov.mo/fam
Source︰澳門特別行政區政府文化局
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓