帶埋老人家或一堆「小魔怪」去自由行,少啲體力同耐性都唔得,分分鐘仲辛苦過返工,其實只要你揀得啱就無有怕!好似近年旅遊熱點新加坡同民丹島,就有好多親子活動適合一家大細齊齊玩,當中梗係唔少得水上活動、ATV越野車呢類玩到癲嘅戶外活動啦!另外亦仲有好多特色酒店選擇,有大玩非洲野外帳篷嘅Glamping、亦有嘆世界嘅Villa!所以話,只要識得揀,帶埋爹娘孩子一齊自由行,完全無有怕!
玩盡兩地 穿梭都市與大自然之間
即使係一家人,對旅行都會有唔同期望:有熱愛Shopping嘅太太、有想嘆世界嘅老公、當然少不得一對想盡情放電嘅小魔怪細路。對於呢種組合,揀地方千萬不能掉以輕心!而新加坡同相隔1小時船程嘅民丹島就最適合你哋喇!專業旅運新推出《新加坡x民丹島 復活節5天自由行》就幫大家pack好咗個完美行程,能夠一次滿足晒大人同小朋友嘅願望,太太們既可於第一天到埗新加坡後大舉掃貨,而老公同小朋友們就可以响嚟緊嘅3晚喺民丹島大玩特玩,試想一下能夠喺復活節期間,同小朋友們响充滿熱帶風情嘅民丹島上,喺個銀白色嘅沙灘享受一下日光浴、玩盡各樣水上活動,係咪即刻有股心曠神怡嘅感覺呢~唔好諗咁多,繼續Loop落樓下睇吓揀邊間酒店最實際!
瘋玩民丹島3大酒店
No.1大玩豪華露營風-Canopi Bintan
想感受吓露營原野樂趣,但又怕麻煩又擔心家人辛苦,Canopi Bintan就係你最佳選擇!以非洲野外大型帳篷設計成每間獨立房間,可以最多入住4位客人,而房間設備更係應有盡有,LCD電視、私人淋浴間、冷氣、Wifi上網統統有齊,仲畀埋個私人庭院等你可以喺享受吓日光浴,小朋友們又可以响渡假區內玩盡Sedway、水上樂園、ATV越野車等,女士又可以嚟一個輕鬆靚靚水療按摩Spa,咁豐富嘅活動,依個自由行旅程點會唔係大人瘋玩細路放電嘅最佳選擇呢~
極具原野氣息嘅Canopi Bintan,可以話係現代與野外嘅結晶,有齊現代化設備之餘,亦可以畀到你大自然嘅氣息,係民丹島極具特色嘅酒店之一。
房間內環境舒適優雅、乾淨俐落,亦帶有當地民族色彩,畀家人感受與香港完全不一樣的環境。
難得嚟到民丹島,就梗係唔可以放過任何一個水上活動啦!特別係呢個攞滿Fun嘅波波,好玩程度絕對係大人細路都大愛!
無論男仔定女仔,都逃不過卡車嘅誘惑!小朋友們可以盡情响渡假區內奔馳,父母放心、仔女自然玩得更盡興!
No.2私家派對-Cassia Bintan
一睇到由Banyan Tree主理嘅背景,已經對Cassia Bintan投放無限信心,再睇埋佢哋附設嘅私人沙灘,就梗加無須多講!今次Banyan Tree以年輕酒店式住宅作為Cassia Bintan的定位,無論設計或裝潢,都充滿時尚年輕風格,部分更設有閣樓,成班Fd嚟到chill out吓、煮吓嘢食,咪就已經係青春咯~呢度仲有好多活動畀你選擇,好似浮潛、高爾夫球、獨木舟等,都啱晒後生仔玩㗎~
Cassia Bintan每個房間都帶出極具生活品味色彩嘅元素,整個設計可以比大家暫別擠迫嘅香港生活,响呢度享受3晚寬敞舒適嘅環境,絕對令人樂而忘返!
每日晨光乍現、由海浪聲陪伴入睡,呢種先叫做感受生活!
No.3最新!隱世奢華之選-The Residence Bintan
剛於2月開幕嘅The Residence Bintan,尤如人間天堂一樣,坐落响園林環繞之中,遠離喧鬧。共有127所villas及房間,優雅中卻而展現出毫無拘束的感覺,部份房間設有露台、私人游泳池及管家服務,女士們更必要享受來自英國著名品牌SPA by ila水療按摩,為身心靈盡情加油!呢度亦有專為小朋友而設嘅Kids Clud,齊齊學吓煮嘢食、响沙灘與陽光一齊玩遊戲,完全畀到你一個Quality Family Time!
嚟到The Residence Bintan,就好似走入另一個國度嘅世外桃源一樣,你可以完全感受到大自然嘅呼喚聲音、亦可以同時享受優雅尊貴嘅酒店服務,呢份體驗絕對值得一試!
呢度部份房間設有露台,你更可以安坐於此,欣賞夕陽之美。
能夠被樹林環抱,就好似與大自然融為一體,給腦袋完全放鬆一下。
復活節「營」遊民丹島5天
出發日:3月31日 或 4月1日(每位加港幣$200起)
套票包括:
1晚新加坡Hotel Boss(不包早) + 3晚The Canopi Bintan(包早) $5,190起
1晚新加坡Hotel Boss(不包早) + 3晚Cassia Hotel Bintan(包早) $5,790起
1晚新加坡Hotel Boss(不包早) + 3晚The Residence Bintan(包早) $6,590起
查詢:專業旅運 3700 2665
以上資料由 專業旅運 提供。
↓透過發佈帖文賺取收入!立即參加!↓
↓立即睇打卡熱點/地道隱世美食/必買手信等!↓