講到2018農曆新年,又點少得花車巡遊!年初一睇完香港花車未夠喉,就要年初三(2月18日)或者年初九(2月24日)過澳門走一轉啦。因為今年澳門邀請咗嚟自法國、葡萄牙、德國、俄羅斯、西班牙、日本等世界各地嘅花車齊齊嚟表演,當然唔少得我哋香港同澳門嘅代表啦!巡遊隊伍會同大家一齊行大運、拜個年,兩日都會沿途派發紀念品㗎!
澳門唔少地方已經有新春佈置,充滿新年氣氛,係時候去一轉影相打卡行大運啦!
今次活動主題會以靈犬旺財送福隊為主角,將過去12年收集到嘅福氣、健康同財富,帶到畀在場嘅每位旅客,而且沿途仲會派禮物畀大家㗎!
今年巡遊路線增設咗有蓋座位俾遊人,咁一家大細都可以舒舒服服坐低欣賞啦~
巡遊沿途仲有好多文藝表演隊伍,夠晒氣氛!
旺財招福 展開好運新一年
澳門賀年重頭戲「華麗盛宴旺財年狗年花車巡遊匯演」將會喺(2月18日)同年初九(2月24日)舉行!匯演當日大家可以沿途欣賞到花車巡遊之外,仲有表演隊伍巡遊、舞台文藝表演同煙花匯演添!初三當晚嘅起步儀式將會喺晚上8點旅遊塔前嘅西灣湖廣場舉行,15部設計別出心裁嘅花車仲會聯同超過1,000位分別來自8個國家同地區嘅表演隊伍,其中包括9支外隊同25支澳門表演隊,一齊參與呢次盛事。而表演隊伍亦會分成兩批,無論你想留喺西灣湖廣場睇表演、抑或同花車隊一齊由孫逸仙大馬路到澳門科學館,都一樣咁精彩!而初九晚嘅花車巡遊,將會喺晚上8點於沙梨頭北街舉行起步儀式,15部花車會巡遊到終點祐漢街市公園,薜家燕同一眾港澳藝人歌手仲會參與壓軸文藝表演添。今次主辦單位仲好貼心,沿途增設2,300幾個座位,觀眾席仲有帳蓬上蓋,市民同旅客就可以安坐現場欣賞節目啦!
除咗花車巡遊,年初三嘅煙花匯演亦係重點之一,記得準時到達啦~
跟住巡遊睇煙花
同巡遊隊伍一齊睇完花車表演之後,當晚9點45分就可以嚟到澳門旅遊塔外面,同屋企人一齊睇埋煙花先至走啦~今年有關單位特別用咗狗年同2018嚟做主題,已經諗到煙花設計一定好生動,超期待呀~加埋圍繞四周嘅璀璨燈光,要影靚相就梗係唔可以錯過呢個moment啦~澳門政府仲批出咗旅遊塔附近位置可以畀大家玩吓煙火放吓炮竹,未試過嘅朋友係時候感受吓咩叫新年氣氛!
大金龍及醒獅巡遊都吸引到大批途中欣賞,為新一年帶來好運。
仲有好得意小朋友參與表演,祝大家新年快樂!
玩微信遊戲贏獎品
想新年過得更開心﹖只要用微信掃描QR code就可以參加遊戲,有機會贏取豐富獎品啦。Share俾朋友仔一齊玩,share次數越多,中獎機會越大添!有關詳請可進入“澳門特區旅遊局”或“MGTOweixin”微信賬號。
華麗盛宴旺財年狗年花車巡遊匯演
日期及時間︰2月18日晚上8時至10時
巡遊路線︰西灣湖廣場→孫逸仙大馬路→澳門科學館
日期及時間:2月24日晚上8時至9時30分
巡遊路線:沙梨頭北街→青洲大馬路→拱形馬路→黒沙環馬路→慕拉士大馬路→黑沙環第四街→長壽大馬路→市場街→祐漢街市公園
點睛儀式,龍獅表演
日期及時間:2月16日上午11時至中午11時20分
地點:大三巴牌坊
大金龍巡遊
日期及時間:2月16日上午11時45分至下午1時15分
巡遊路線:議事亭前地→東方斜巷→崗頂→龍嵩街→擺華巷→政府總部→卑第巷→聖老楞佐教堂→亞婆井→媽閣街→媽閣廟→聖地牙哥酒店→西灣湖大馬路→南灣湖圓形地→西灣湖廣場
煙花表演
日期及時間:2月18日晚上9時45分
地點:澳門旅遊塔對出海面
Source: 澳門特別行政區政府旅遊局
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓