POCKY X 午後の紅茶 2月與情人分享Sweet！ | U Travel 旅遊資訊網站

郵輪公海遊

其他目的地

正在閱讀
POCKY X 午後の紅茶 2月與情人分享Sweet！

文: U Travel 小編兔奴蛙

2018.01.26

記得去年日本的「POCKY」跟「午後の紅茶」合作推出草莓紅茶跟香草味百力滋，吃的時候一口茶一口百力滋令味道變成草莓蛋糕後，即時引來極大迴響，事隔一年，兩大日本零食巨頭再度合作，下月推出同樣飲、吃要一起的巴西莓碗（Acai Bowl）口味，而且包裝上更有情侶餵食圖案，超 Sweet！

今次 POCKY 及午後の紅茶兩間公司，分別推出「香蕉朱古力味」百力滋，以及「巴西莓酸奶味」飲品，而兩者若一齊食的話（官方亦建議同食），就會變成好受歡迎的早餐－－ Acai Bowl 巴西莓碗口味

巴西莓碗（Acai bowl）其實係用上巴西莓（acai berries），呢種嚟自南美洲的深紫色水果，將之製成雪葩，再配搭熱帶水果，淋上龍舌蘭糖漿而成。

有咁熱帶的口味，當然包裝亦會襯返，今次兩件產品的包裝就比較有夏威夷 feel，而且更設計成情侶，當兩者合併時會變成餵對方食 Acai Bowl 或其他超 sweet 圖案，好有心思！

【延伸閱讀】日本Ministop、 LAWSON、7-11、FamilyMart 22 種必食新口味（不斷更新）

POCKY 今次推 3 款包裝，至於「午後の紅茶」則推 4 款，等大家可自由組合。

除此之外，今次更加了新玩法，只要掃包裝上的 QR Code，電話中就會顯示的 360°全景視頻

視頻中，各位女士就可以模擬同日本男演員平岡佑太齊齊去夏威夷拍拖，對女仔嚟講係就係好正，但似乎冇諗過佢哋男朋友感受 XD

【同場加映】世界首枝「桃味可樂」試飲報告

日本可口可樂時時都有新產品，今次唔係又出新包裝，而係推出全世界首創的「桃味可樂」！

話係桃味汽水，原來 0% 果汁！

試味報告：「我覺得這枝桃味可樂，比平常的可樂沒那麼多氣泡，沒有很濃的可樂味，反而桃味十足，飲落就有啲似桃味波子汽水。」

點解揀桃？日本可口可樂指，桃在日本神話中有去邪氣的功效，而且在日本女兒節（3 月 3 日）中，又會用桃來祈求女生們健康成長，留意到桃味飲品在新年 1 至 3 月特別好賣，所以有了首創桃味可樂的念頭。

今次推出 500ml 樽裝桃味可樂，另外有 280ml 樽裝桃味可樂限定於自動販賣機發售，包裝上就有大大個帶有氣泡的桃！去日本的朋友要把握機會，因為又是期間限定發售！

桃味可樂
發售點：全日本，包括自動販賣機
發售日期：2018 年 1 月 22 日起，期間限定
售價：140 日圓

圖片來源：網上圖片

↓必收藏！香港咖啡地圖2023！↓
↓精選50間咖啡店（附評分）！即睇詳細介紹↓

↓ 【送禮】送DJI OM4 磁吸固定手機雲台！↓
↓ 立即分享影片贏走拍片神器！↓

即 like & follow 我哋，緊貼世界各地最新旅遊情報！

UTravel Facebook

UTravel Instagram

發表回應

芬蘭推出90日免費移居計劃

團長UU熊

在線上