2018.01.19
香港首次成為 VOLVO OCEAN RACE 環球帆船賽的停靠港之一，7 支參賽船隊將靠岸停泊，大家除可有機會睇到代表香港「新鴻基 Scallywag」衝線、其他環島賽及港內賽的比賽情況，1 月17 日至 31 日更於啟德跑道公園，舉行免費入場的帆船嘉年華，多項免費活動適合一家大小參加。
比賽帆船體驗
未上過帆船又真係好難感受參賽者的情況，所以你一定要參觀這艘 Volvo Ocean 65 帆船，船身中軸線左右剖開，大家可陸上登上賽船，親身體驗船員狹窄的居住空間，甚至登上甲板，一嚐掌舵的滋味。
Volvo VR 試車體驗
場內最長時間排隊免費玩，應該是 Volvo VR 試車體驗！大家可坐上車，做乘客體驗品牌汽車的性能。車子將繞幾圈，於最高斜度有30 度交叉雙環車道行駛，第二次更可戴上 VR 裝置，再次體驗不同路段反應及觀看北歐景色。留意，每日有 15 個section，每個 section 有 4 段時間，每次最多可 3 人上車。
兒童專區
小朋友來到會場唔會悶，大會吉祥物 Wisdom 不時出現同大家打招呼，又可以玩駕駛體驗，或者填色及砌小木船模型。
美食專區
肚餓點算好﹖場內有美食車提供美食醫肚，最值得一讚大會鼓勵大家減少用即棄餐具，場內提供可重用餐具，購買食物前可索取可重用膠杯裝飲品，用完餐具後可退回用重用餐具清潔。提提你，場內設飲水機，記得自備膠樽。
U Lifestyle自家節目登錄《TV專區》！
↓↓試玩、試食、試用影片任您睇↓↓![]()
↓↓試玩、試食、試用影片任您睇↓↓
utravel
發表回應