2017.12.22
好快就到農曆新年，又係親朋聚會時間，再不願意都要執屋大掃除呀! 在 日本 ，打掃係唔少家庭主婦的課題，原來主婦間有非常推介的清潔神器，唔貴，100 円店就買到，去開 日本 要入手喇!
#1 多用途清潔膏
在 100 円店 Seria 有售的「多目的クレンザー」，據稱可以有效清潔油漬、煮食器具燶底或者燒焦漬、水漬等。
有日本網市民分享，常用於廚房洗碗盤、浴室浴缸、水喉等，只需要用海棉或百潔布等沾上這款清潔膏，無需特別用力捽，就可輕易抹走水漬污垢，令洗碗盤等回復亮麗。
YouTuber 鈴蘭 suzuran 就教大家同保鮮紙，挖出少量清潔膏去捽爐頭：
不過要留意，為了不讓清潔膏殘留，官方建議用完清潔膏清潔後，要再用清水徹底洗淨。
多目的クレンザー
售賣點：Seria
#2 去油小布
只需加少量的水在「油汚れクロス」的去油布上，就可輕鬆去油污。
據說對付抽油煙機的扇葉、煮食爐頭、微波爐、焗爐等的陳年油漬都非常有效咁話。有日本網民分享 Seria 有售，但比較搶手，日本網店如樂天亦有出售。
油汚れクロス
售賣點：Seria
#3 玻璃杯抹布
玻璃杯用得耐，就算洗完都無新買回來時「閃令」的感覺了。日本網民就推介，在 DAISO 就買到的「まっしろなグラス磨き」抹布。
只要好像平日一樣洗玻璃杯，然後用這抹布抹拭，可以把玻璃上的塵粒都抹走，回復新嘅一樣!
まっしろなグラス磨き
售賣點：DAISO
#4 隔塵網小掃把
日本人家多數在窗戶再安裝隔塵網，在香港，住村屋的朋友亦多會安裝隔塵網 / 防蚊網，或者會與日本網民一樣感同身受：好難完全清潔好…
DAISO 有售的「網戸ワイパー」蚊網小掃把，有小棍作手柄，方便大家伸手再抹多啲範圍。只要把有專用除塵紙，夾於蚊網掃把上，可輕輕鬆鬆伸手就清潔好蚊網喇。
網戸ワイパー
售賣點：DAISO
#5 捽走鏡漬小幫手
浴室的鏡容易污糟，也有難以清潔的角位。DAISO 有售的「ダイヤモンドウロコとり」小幫手，只需在鏡面有水的情況下捽塊鏡，不需用任何清潔劑都已經可以把鏡漬清除。用來捽水龍頭等有水垢的地方也可以，仲即時見到重新擦亮的效果。
YouTuber のりごとー 親試另一家 100 円店 Cando 的「ダイヤモンドパフ」去水漬小幫手得唔得：
不過使用時力度太的話，有可能會刮花鏡面等，建議先揀一個小範圍試用就力。
ダイヤモンドウロコとり
售賣點：DAISO
售賣點：cando
#6 水樽擦頭
大月掃除前，水樽可以先不要回收，把水 / 清潔劑倒到水樽去，並換上水樽擦頭「ペットボトルに付けるブラシ」，倒轉用時，水 / 清潔劑就可配合擦頭來清潔，變身為打掃好幫手!
水樽擦頭選擇多，有不同長度、粗度，也有海綿頭，用來清楚門窗罅隙就最方便。
ペットボトルに付けるブラシ
售賣點：DAISO
↓【限時搶】八蠔吧 Raw Bar No.8 「蠔情夜宴套餐」！ ↓↓
↓ 生蠔 (廚師發辦) + Prosecco氣泡酒！ ↓![]()
↓ 生蠔 (廚師發辦) + Prosecco氣泡酒！ ↓
↓必收藏！香港咖啡地圖2023！↓
↓精選50間咖啡店（附評分）！即睇詳細介紹↓![]()
↓精選50間咖啡店（附評分）！即睇詳細介紹↓
utravel
發表回應