2017.12.20
【KKday】 分享：
京都係日本政治同文化嘅中心，匯集過千年歷史足迹，無論係傳統文化、藝術、寺院、神宮，以至每個景點相信你都唔想錯過！但無奈香港人嘅旅行時間有限，點樣安排行程先可以最少時間輕鬆去到最多地方？跟住 KKday 啦！【延伸閱讀】京都必食抹茶甜品 5 選
京都及周邊五日四夜行程總覽
Day 1：機場→京都塔→京都車站
是日重點：京都塔
關西機場→京都塔（從關西機場坐 Haruka 號，或直接坐巴士前往京都車站）
第一站：京都塔
京都塔高 131 米，頂樓有展望台，可以 360 度眺望成個京都。另外，塔內有自助餐廳，一落機就要醫肚的話，呢度絕對帶畀你超越果腹嘅享受！
京都塔（京都タワー）
地址：京都市下京區烏丸通七条
交通：「京都車站」烏丸口出來徒步 1 分鐘
電話：+81 (0)75-361-3215
營業時間：9am - 9pm（最後入場時間 20:40pm）
建議停留時間：2.5 小時
第二站：京都車站
車站都要排入行程？無錯！京都車站條大型嘅複合式車站，唔只有餐廳、百貨，仲有高級酒店，之所以停留咁耐，係因為超多嘢買！購物狂絕對會深陷其中～
京都車站
地址：京都市下京區冬塩小路町 901
建議停留時間：3 小時
Day 2：比叡山延歷寺→三千院
是日重點：比叡山延歷寺賞楓一日遊
第一站：比叡山延歷寺
比叡山位於滋賀縣，係日本佛教嘅發源地，至今已經有 1,200 年歷史，出現過唔少德高望重嘅僧侶。世界遺產延歷寺位於比叡山山頂，秋天可以欣賞到滿山紅葉。有趣嘅地方在於，你唔會搵一座叫做「延歷寺」因為延歷寺就代表住比叡山嘅自然景觀、寺廟同僧侶，比叡山就等於延歷寺，咁玄大家明唔明呢？
比叡山延歷寺
地址：日本滋賀県大津市坂本本町 4220 延暦寺
交通：自行前往交通比較費時，建議參加一日遊。
建議停留時間：2 小時
第二站：三千院
午餐之後大家可以去到大原最有名嘅觀光勝地方——三千院，以櫻花、紫陽花、紅葉同雪景而聞名。喺群山嘅包圍之下，景色會隨住季節同氣候而轉變。
三千院
地址：日本京都府京都市左京區大原來迎院町
交通：自行前往交通比較費時，建議參加一日遊。
建議停留時間：2.5 小時
Day 3: 和服體驗→清水寺、地主神社→二年坂、三年坂、清水坂→河原町
是日重點：和服體驗、清水寺，建議可使用巴士一日券
第一站：和服體驗
去到京都呢個咁古色古香嘅地方，有咩可能唔著和服？無可能！第一站就去著和服，係因為京都實在太多打卡位，同和服襯到絕，一早著定就可以影足全日啦！
四季櫻花（レンタル着物四季さくら）
地址：京都府京都市東大路通松原上る辰巳町 110-9
電話：+81 (0)75 533 6666
交通：從 JR 京都站搭乘 206 路線公車，或阪急河原町、京阪祇園四条站搭乘 207 路線公車至巴士「清水道」站
營業時間：9am - 8pm（體驗至 5pm 止)
建議體驗時間：5 小時
櫻京和服
地址：下京区醍醐町290番烏丸五条ビル2階, Daigochō, Shimogyō-ku, 京都市, Kyoto 6008106日本（座標：34.996553, 135.759415）
電話：+81(0) 75 285 2313
交通：① JR 烏丸線五條站，2號出口 ② 京都站搭乘 5 / 26 / 101 號市巴士，烏丸五條巴士站下車，吉野家旁二樓
營業時間：全年無休 9am-8pm (體驗至 7pm 止)
建議體驗時間：5 小時
第二站：清水寺、地主神社
清水寺可以話係京都人氣最高嘅寺院，除了知名嘅清水舞台，舞台下方嘅音羽瀑布都係遊客必到嘅景點，聽聞飲完山泉水，就可以實現健康、學業或者姻緣其中一樣願望！許願切忌貪心啊～
身為一個妙齡少女（永遠都係妙齡），去到日本當然唔少得參拜神社求姻緣。去到大受歡迎嘅地主神社，聽聞合埋眼由第一粒戀愛石成功行到去另一粒的話，戀愛運就會順順利利～想順利就記得保持頭腦清醒！
溫馨提示：清水寺由 2017 年初開始，進行為期三年嘅大規模整修，正殿同舞台會搭上支架同覆蓋臨時外罩，不過旅客仍然可以參拜。
清水寺
地址：京都市東山区清水 1 丁目 294
電話：+81 (0)75 551 1234
營業時間：6am - 6pm（8、9 月延長至 6:30pm）
交通：市巴士46、100、201、202、203、206、207系統在『清水道』或『五条坂』下車，徒步 5 分鐘
建議停留時間：2.5 小時
第三站：二年坂、三年坂、清水坂
清水五條嘅感覺有啲似九份老街嘅概念，建議大家可以參觀完清水寺之後，沿住清水坂、二年坂一路行到三年坂，影相嘅話，晏晝接近黃昏時分，配上古色古香嘅老街就最 perfect！另外，沿路有超級多手信鋪，亦有小食買，回程行吓買吓手信就最啱！
建議停留時間：2.5 小時
喺京都想搵番啲現代感？嚟到四條河原町，各大百貨公司應有盡有！無錯，連京都亦有地方可以血拼架！
購物集中地：高島屋、O1O1、河原町OPA、大丸、藤井大丸、Loft、新京極
河原町
交通：搭乘地鐵至河原町，或是搭乘公車 4、5、10、11、12、17、32、46、59、104、106、201、203、205、207至四條河原町
建議停留時間：3 小時
Day 4：奈良→伏見稻荷大社→錦市場
是日重點：奈良、伏見稻荷大社
第一站：奈良
奈良距離京都大約 40 公里，想去可以安排由京都出發嘅一日遊。你以為去奈良除咗餵鹿仔無其他嘢做？錯錯錯！奈良擁有全世界最古老嘅木造建築群，包括東大寺、春日大社等你望落無咩特別但好厲害嘅建築物。低頭餵鹿之餘，都抬頭望下木啦～
奈良
交通：從京都車站坐 JR 或近鐵急行列車皆可以抵達奈良，時間皆約一小時，搭乘JR價錢約 690 日圓，搭乘近鐵約 610 日圓。
建議停留時間：3.5 小時
第二站：伏見稻荷大社
伏見稻荷大社最出名相信係「千本鳥居」呢個打卡位，咁你又知唔知呢個神社係求咩架呢？嚴格嚟講，係做生意嘅人祈求生意興隆，籠統啲講，就類似財神爺嘅概念啦！下次去到唔好掛住排隊影相啦～
伏見稻荷大社
地址：京都市伏見區深草薮之内町 68
交通：JR 奈良線稻荷站下車徒步 2 分鐘，或京阪電車伏見稻荷站下車徒步 5 分鐘
營業時間：8:30am - 4:30pm
網址：inari.jp
建議停留時間：2 小時
溫馨提示：若從京阪電車伏見稻荷站出，會有一條小街可以行，而 JR 奈良線稻荷站出就係稻荷神社嘅大門，大家可以去程、回程嘗試唔同嘅交通工具。
第三站：錦市場
去到京都如果想了解當地人嘅日常生活，就一定要去錦市場！由日本漬物去到和菓子，應有盡有，想品嘗到最道地嘅小吃就唔好錯過啦！空肚嚟都唔怕，因為有啲店家會提供試食試飲㗎！
錦市場
地址：富小路通四条上る西大文字町 609
交通：地下鐵烏丸線四条站、阪急電車四条或河原町徒步 5 分鐘
營業時間：視店家而定，一般 10am-6pm
建議停留時間：2 小時
Day 5：八阪神社、花見小路→金閣寺
是日重點：八阪神社、金閣寺，可使用巴士一日券
第一站：八阪神社、花見小路
求姻緣同財運嘅神社都介紹咗，咁另一樣女士嘅終身事業呢？想變靚啲的話，記得要去八阪神社！神社祀奉咗三位美人女神，專門保佑藝能同美貌，所以好多藝妓同舞妓都好鐘意嚟到八阪神社參拜。另外，美御前社旁有一道「美容水」，聽聞滴幾滴喺面就會變靚！（仲神奇過神仙水啊！試下無壞啊！）
溫馨提示：無留喺京都咁多日，但又想去八坂神社的話，可以去完清水寺直接再去八坂神社，會攰啲但時間有限的話都無辦法啦～
八阪神社
地址：京都府京都市東山區清水 1 丁目
參拜時間：不限
入場費用：免費
交通：若清水寺前往，可以選擇沿著二年坂、三年坂、寧寧之道散步到八坂神社（可以沿路逛逛商店和古意盎然嘅街道）；也可以選擇搭乘公車（46、100、201、202、203、206、207）到達「祗園站」。
建議停留時間：1 小時
第二站：金閣寺
金閣寺呢個名你可能細細個就聽過，但其實佢本名係「鹿苑寺」，只係因為寺中嘅舍利殿貼滿咗金光閃閃嘅金箔，所以大家先叫佢做金閣寺。寺內嘅四季都有唔同嘅風景，秋天嘅楓葉同冬天嘅白雪，都同金色嘅寺壁非常合襯，影相一流！
金閣寺
開放時間：9am - 5pm
入場費：400 日圓
地址：京都市北區金閣寺町 1
交通：市巴士 12、59 系統至「金閣寺」徒步 1 分鐘或搭乘市巴士 101、102、204、205 至「金閣寺道」徒步 3 分鐘。
建議停留時間：2小時
原文獲 KKday 授權轉載，原文：KKday-日本京都5日4夜自由行攻略
整理：tonton
↓全新旅遊主題登場↓
↓立即睇打卡熱點／地道隱世美食／必買手信等！↓![]()
↓立即睇打卡熱點／地道隱世美食／必買手信等！↓
↓必收藏！香港咖啡地圖2023！↓
↓精選50間咖啡店（附評分）！即睇詳細介紹↓![]()
↓精選50間咖啡店（附評分）！即睇詳細介紹↓
utravel
發表回應