【旅遊小貼士】 冬天點保暖?穿衣防寒有方法

2018.01.15

【1月15日更新】

大家使用洋蔥式穿衣法時,底層往往會選擇「保暖防寒內衣」吧。而保暖內衣品牌選擇多,質料也各有不同,部分就指有吸汗、速乾等功能。香港消費者委員會就找來了市面 20 款保暖防寒內衣(其中 5 款為運動或戶外活動底層衣)進行測試,樣本間的保溫值(clo)相差竟然超過 2 倍!


20 款內衣的售價由約 99 港元至 559 港元不等,測試結果發現售價最貴的某款「Columbia」運動或戶外活動底層衣,其保溫值只有 0.1 clo,表現竟然最差。而性價比最高的一款日常內衣,不是港人熟悉的日本品牌,而是:


                                                                   保暖防寒內衣保溫值測試結果

【日常內衣】
品 牌     款 式               洗前保溫值                      洗濯 30次後保溫值                    大約零售價  
 Gunze  Hotmagic 柔らか溫か/MH1609                0.12              0.18(上升)             $209
 Topvalu  Peace Fit 瞬間溫感男裝V領袖/TV158SA2347H                0.12              0.19(上升)             $144
 Bossini  Ztay Warm 男裝圓領T恤/11-21100-20                0.14              0.18(上升)             $130
 Martini  Heat On UXT7104                 0.14              0.14              $99
 音樂肌着
 B minor  
 無極超薄保暖內衣 Warm Infinity                0.15               0.06             $159
 Giordano G-Warmer 男裝針織上衣                 0.17              0.17             $160
 破無素足 
 Masami
 生姜力の肌著KUG-21A(9-sleeve)                 0.17              0.20 (上升)             $479
 Uniqlo  極暖 Heattech Extra Warm Crew Neck Long Sleeve T-Shirt
(Men's)
                0.17               0.22 (上升)             $149
 Jockey 暖自延女裝保暖衣Viloft Blend                 0.18              0.19 (上升)             $349
 B.V.D. Heat-Biz / GR058PS                 0.19              0.21 (上升)             $179
 雞仔嘜 
Chicks
 心膚吸女裝圓領/JAL 1201                 0.19              0.23 (上升)             $258
 莎娜美    Satami 保暖衣低領UW-00925SP                0.20              0.21 (上升)             $118
 馬莎
Marks & Spencer
 Everyday Warmth Thermal Heatgen Long Sleeve/T61/9100                0.21              0.22 (上升)             $199
 Heat Hot D5130B                 0.22              0.23 (上升)             $179
 Baleno  Thermal Extra男裝圓領長袖超暖內衣                0.23              0.26 (上升)              $99

【運動或戶外活動底層衣】  
 
品牌  款式                                                                                                 洗前保溫值                                 洗濯 30次後保溫值                    大約零售價                
 Thermowave Originals Active Base Layer (Men's)  0.10  0.28(上升) $299
 Columbia Omni-Heat Midweight Stretch Baselayer (Men's)/AE6323 0.10  0.11(上升) $559
 The North Face  Flashdry Baselayer Warm L/S Crew Neck (Men's)/NF00CL72KX7 0.14 0.14 $490
 mont-bell Zeo-Line Middle Weight Round Neck Tee Women's/1107577 0.26  0.27 (上升) $360
 Wed'ze  FreshWarm Women's/2128806 0.32 0.32 $119

Baleno Thermal Extra 超暖內衣系列,原產自中國,於今次消委會測試結果中,是保溫值(洗前)最高、性格比最高的日常內衣。(相:Baleno.HK@fb)
Baleno Thermal Extra 女裝內衣。(相:Baleno.HK@fb)

消委會測試結果指,樣本中絕大部分保暖防寒內衣,在洗濯 30 次後儘管外觀上變舊、變鬆,卻沒有影響內衣的保溫值,有的甚至有「愈洗愈暖」的傾向。

其中,「Thermowave」的保溫值由未洗濯前的 0.1 clo,上升至洗後的 0.28 clo,相差約 1.8倍!估計是樣本經洗濯多次後,布料的蓬鬆度增加,令纖維間可以保存更多空氣以防止熱量流失所致。但同時亦有樣本在 30 次洗濯後,保溫值下跌 6 成。


消委會請來周國賢講解保暖內衣測試:

消委會提醒大家,應按個人特定需要,選擇適合自己的保暖衣。例如怕冷、較少運動的人士,可選購保暖程度較高的日常保暖內衣;至於好動、出汗較多,或長時間在戶外大風或寒冷環境下工作或運動的人士,宜選擇透水氣度高、排汗快乾表現較佳的運動底層衣,其耐用度一般較高,但價格亦普遍較貴。

(留意,本文只抽取消委會就內衣保溫度的測試結果報導,其他有關了各樣本的透水氣及排汗快乾的能力、水分蒸發速度、耐用程度測試結果,請參考消委會出版最新第 495 期《選擇》)

消費者委員會
官方網址:www.consumer.org.hk

文:小窮維琪
相:消委會官方網站、YouTube 截圖、部分網上圖片

香港都好凍!實試港式洋蔥穿衣法



大家覺唔覺得,當香港氣溫降至 12、13 度,嗰種「濕凍」都真係好寒吓!今次請來 ViuTV 藝員黃奕晨Dixon)及岑樂怡阿妹)分享他們的洋蔥穿衣法及保暖 tips,啱晒怕凍又貪靚嘅朋友參考:
Dixon 的洋蔥穿衣組合共有 5 層,包括底層的「背心底衫」、「恤衫」,中層的「冷衫」、「背心外套」及面層的「短褸」。

Dixon 話,佢本身並不怕凍,而且比較貪靚,所以鍾意穿背心外套,平時不怎麼穿大褸,「因為着咗褸之後就會變得擁腫,我本身已經大份,再大份啲嘅話就變 XL、XXL……着背心外套就可以顯得個人瘦返少少。」

Columbia 日版背心,採搖粒絨面料設計及大地配色,保暖又易襯衫,售 999 港元/ from Go Wild


保暖Tips:2 招戴 Headphone


戴 Headphone 除了可以聽歌,戴上耳仔都有保暖效果,而且唔聽歌時,掛在頸上都可以保暖。貪靚 Dixon 又話,因為戴頸巾會令人睇落「無頸」,但戴 Headphone 就可以見返頸形兼保暖,perfect!


阿妹就相反,非常怕凍,她的洋蔥穿衣組合共有 6 層,包括底層的「保暖底衫」、「長袖衫」、「背心裙」,中層的「高領冷衫」、「冷外套」及面層的「長褸」。

阿妹話,怕凍如她,在香港都會着 Uniqlo 招牌保暖底衫。手上為出差常客旅遊記者推介的高性能羊毛打底衫,速乾兼透氣,又薄又有彈性,都只係貴少少咋。
Thermowave 保暖底衫,由 merino wool 羊毛製成,可更有效吸濕排汗,保持透氣乾爽,仲有抗菌功能,售 299 港元 / from Go Wild

保暖Tips:出國帶定防水擋風褸

當飛到外國拍節目,又凍又落雪,而阿妹又因為要上鏡而不能着得太擁腫,就會帶備防水擋風褸,「未埋位時就會着呢類擋風褸,可以保暖,無咁容易病。」
Columbia 日系 3 合 1 外套組合,外層具 Omni-Tech 防水透氣效能,內層具熱能反射科技,仲有可拆式抓絨內層,可以單穿防水外層、或者單穿保暖內層、或者兩層一齊着又得,售 2,799 港元 / from Columbia

保暖Tips:用螢幕觸碰保暖手套


阿妹必備螢幕觸碰保暖手套,除咗保暖之外,仲可以撳到電話,「咁大家就唔使在寒風下除手套玩電話,好方便呀!」

採訪:小窮維琪
拍攝:The Chow
嘉賓:黃奕晨、岑樂怡@ViuTV
特別鳴謝:5cm、:CHOCOOLATE、b+ab、tout ā coup、Columbia、Go Wild



韓國人愛洋蔥式穿搭


Well~講到保暖,韓國人堅係有心得!踏入 12 月,韓國就進入寒冬,落大雪之餘,日間氣溫喺零度以下,到夜晚更會跌至零下 10 度!比較之下香港較為和暖,出埠遊韓一定要汪意保暖,但到底點先可以抵抗「韓」冷天氣呢?「洋蔥式穿搭」係唔係真係咁 work 呢?不如一齊參考下當地人冬天衣着!

(韓劇《當你沉睡時 당신이 잠든 사이에》 劇照)

相信大家都會有個疑問「韓國人係唔係唔怕凍㗎?」,留韓一年嘅小編表示韓國人其實好怕凍!韓國人比較着重外表,所有不太美觀嘅保暖衣物都只會着喺入面,然後加一件較鬆身嘅衛衣或毛衣遮掩,再加長版大衣作保暖、擋風用,亦即係大家常講嘅「洋蔥式穿搭」!洋蔥式穿搭法分底層、中層和外層,每層都有其作用,主要防止體溫流失而達到保暖嘅效果。

底層
要應付韓國近日嘅寒冷氣溫,遊韓達人金鈴就趁特價買入了 Uniqlo 2.25 倍嘅 Ultra Warm HEATTECH 保暖衣。
最底層擔任防止體溫流失最重要嘅角色,所以愈貼身愈好!而且水分是會使身體感到寒冷嘅一大元素,亦係南方城市如香港、台灣氣溫雖然不及北方地方低,但體感溫度跟北方相近或更低嘅原因,即大家常講嘅「濕凍」,因此保持身體乾爽係保暖嘅第二步。

中層

睇韓劇可以參考主角嘅衣着,如《當你沉睡時 당신이 잠든 사이에》 中,主角南洪珠 남홍주(裴秀智飾演)穿嘅白色高領毛衣正正就係韓妹最愛嘅搭配單品。(韓劇《當你沉睡時 당신이 잠든 사이에》劇照)
演員丁海寅 정해인 都是同樣穿搭法。(圖:서경 Star)
要牢牢地防止體溫流失,就需要毛衣打造一個隔絕層。對韓國人而言,中層亦係美化整體造型嘅一環。

外層

(韓劇《舉重妖精金福珠 역도요정 김복주》劇照)
冬天「韓」風不停吹,大衣一定要擋風!所以韓國人多會選長版外套,務必要隔絕所有寒風嘅侵略,而喺初秋、深秋、初冬、寒冬都有唔同嘅選擇。

#Level 1

1. 長款外套

(韓劇《當你沉睡時 당신이 잠든 사이에》劇照)

當踏入秋天至初冬時間,就會發現韓國街頭行人都係着住長款外套,場景同韓劇相同。長款外套不但保暖,仲可擋風,但最重要係可以令身型比例睇落更修長,特別係冬天、容易着得臃腫嘅時候。(韓劇《孤單又燦爛的神-鬼怪 도깨비》劇照)

曾留韓一年嘅小編不得不讚歎當地嘅衣服質素,普通街頭售賣嘅長款外套一般由 25,000 韓圜(約 175 港元)起,但保暖程度足以媲美香港標價 300 港元的嘅外套!加上有韓系設計,顏色、款式非常多,如果秋天至初冬時間(9-10 月)到韓國旅行,可以先入手一兩件,預備喺香港 11 月穿着。

#Level 2
2. 棒球外套

(韓劇《孤單又燦爛的神-鬼怪 도깨비》劇照)

講緊嘅棒球外套唔係日本系,而係韓國大學生必備嘅 item!韓國大學有一個文化,每一個學系、每一個學會都會設計個別嘅棒球外套,胸口、手袖、背後都會寫上大學名稱、學系或學會名稱、入學年份和學生名字,彷彿係大學生嘅標誌。(韓劇《舉重妖精金福珠 역도요정 김복주》劇照)

大學生對自己學系、學會都有好強嘅歸屬感,所以返學多數會着個人化棒球外套!另外棒球外套普遍都較厚,都會有夾棉,售價由 45,000 韓圜(約 315 港元)起,坊間都有類同嘅設計。(韓劇《舉重妖精金福珠 역도요정 김복주》劇照)

#Level 3
3. 黑色長版羽絨

有部分大學會為學生訂製個人化嘅黑色長版羽絨。(韓劇《舉重妖精金福珠 역도요정 김복주》劇照)
每個韓國偶像都會有件黑色長版羽絨,穿着造型服裝時,最需要一件長版外套保暖。

正式踏入冬天後,街上嘅韓國人大多會換上黑色長版羽絨。羽絨對佢地嚟講,唔係一件普通嘅禦寒衣物,亦都係時尚單品!但為甚麼是黑色呢?其實當地人不太會着鮮艷顏色嘅衫,以黑、白、灰、裸色、大地色為主,而佔整體衣着非常大面積嘅外套,更加會避開大紅大紫嘅顏色。如果你係經常出走韓國嘅旅人,建議喺當地買一件羽絨備用,要揀邊一個價位,就要視乎冬天遊韓嘅次數和逗留日數。

A. 普通街舖‧網購‧無牌子
價錢:60,000 韓圜(約 420 港元)起
羽絨都講求款式、潮流,邊款多人買,韓國人就揀邊款。遊韓達人 金鈴 分享今季打算從一韓網店買一件價值 100,000 韓圜(約 700 港元),該網店係韓國中學生追捧的款式。

B. 平價潮牌
價錢:120,000 韓圜(約 840 港元)起
韓國人稱羽絨為 Padding。
只要到明洞、弘大、新沙洞等遊客區,就會見到多個連鎖經營的品牌,如 8 Seconds、Who.A.U、Topten 10 等等,都會有各類羽絨款式。但金鈴表示,始終一分錢一分貨。

C. 運動品牌
價錢:390,000 韓圜(約 2,730 港元)起

運動品牌亦係信心保證,買專業品牌當然需要用更多金錢,而金鈴指韓國人覺得最暖係 Descente。


除了以上所述嘅外套款式外,韓妹仲會選擇短版反領嘅羊羔毛外套。(韓劇《舉重妖精金福珠 역도요정 김복주》劇照)

文:PRISCILLA
圖:韓劇劇照、韓國服飾品牌官方網站、網站圖片

即 like & follow U Travel Facebook / U Travel IG / 旅遊快搜 Facebook 專頁,緊貼世界各地最新旅遊情報!用WeChat掃一掃下面QR Code,follow埋U Travel精選內容!

相關情報