好快到聖誕節喇!係時候去揾靚景影相兼玩返全日!大家不妨跟住「愉景灣 再‧發現」小冊子所介紹嘅40個景點,一邊影靚相,一邊重新探索愉景灣之餘,記得投入「冬日幻彩派對」聖誕活動!大家只要跟住以下推介,就知愉景灣聖誕有幾精采!
製造浪漫!探索40景點 免費換即影即有
記住拎本「愉景灣再‧發現」小冊子,只要跟住入面40個景點,就可以認識愉景灣不同面貌,其中20個特定景點仲可以收集印章,只要喺其中5個地點集齊5個印章,就可以免費換領D'Deck幻彩照相館活動,拍攝聖誕即影即有照片乙張,為 大家紀念浪漫又難忘的時刻!
「愉景灣 再‧發現」小冊子可以在碼頭對出位置免費拎取。
特製嘅印章為凹凸設計,蓋印下會留下立體凹凸圖案,設計別具心裁。
幻彩照相館
換領日期: 即日至1月1日
活動詳情:
a. 於「愉景灣 再‧發現」小冊子集齊5個印章或以上,即可免費拍攝聖誕即影即有照片乙張
b. 於D'Deck及愉景北商場之指定餐廳即日消費滿港幣$300或以上,即可免費拍攝聖誕即影即有照片乙張
換領時間: 2pm至11:30pm (星期一至五)
12:45pm 至 11:30pm (星期六、日及公眾假期)
換領地點: 愉景灣碼頭對面
換領詳情: http://bit.ly/2zNjfEp
享受聖誕!走進巨型琉璃裝置
除咗小冊子介紹嘅40個景點外,今年聖誕仲特設4大巨型琉璃裝置景點,令節日氣氛升到最高!愉景灣特別以「冬日幻彩派對」為主題,將大型拼貼藝術(Collage Art)聖誕裝置帶畀大家。無論喺日光照射,抑或夜晚燈光下,巨型琉璃裝置都會綻放璀璨光芒,令人著迷,係打卡影相嘅好選擇。
經典夢幻聖誕火車@愉景北商場
坐上由拼貼藝術同光影裝置製成嘅火車,你不但可以喺車上自拍,車頭位置仲設置了好玩嘅萬花筒。最鬼馬喺車尾有一塊特製全身鏡,當走到鏡前,就好似進入咗奇幻嘅魔法世界,變出無限個分身。記得唔好錯過呢個感受聖誕奇妙魔法嘅機會!
漫步冬日幻彩隧道@D'Deck海濱長廊
足足長20米嘅冬日幻彩隧道,俾你可以同另一半漫步於璃光之中,感受夢幻氣氛,兼同七彩光影玩遊戲。真係點影都咁靚呀!
璃光聖誕祝願裝置@愉景北商場
想得到滿滿嘅聖誕祝福?喺聖誕祝願裝置前自拍,被大大小小得意聖誕樹包圍,就可以感受到無限嘅節日溫暖,過一個窩心聖誕!
巨型七彩璃光聖誕樹@愉景廣場
一出碼頭就已經感受到愉景灣嘅節日氣氛,因為由拼貼藝術製成嘅巨型璃光聖誕樹相當搶眼!樹身光芒四射,為你今個夢幻聖誕展開甜蜜序幕!
日期及時間:即日至1月1日(10am至11pm)
*(12月23-26日將延長開放至12mn)
地點:
D'Deck:「巨型璃光聖誕樹」及「冬日幻彩隧道」
愉景北商場:「經典聖誕火車」及「幻彩聖誕祈願佈置」
Let’s Party!懷舊閃耀派對
精彩活動又點止咁少,一眾專業舞蹈員穿上懷舊及現代經典服飾,大跳不同年代嘅派對舞蹈。今個聖誕,你仲可以喺愉景灣睇到佢哋嘅精彩表演!想睇?就要留意以下表演日期同時間啦!
懷舊閃耀派對
表演日期及時間: 12月23日至26日 @ 6:30pm 及 8:30pm(每天共2場)
表演地點: D'Deck
活動費用:免費
資料由愉景灣提供。
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓