11 月 22 日開幕的逸之彩酒店,為香港東瀛遊旅行社首間自家酒店,通天閣、黑門市場、動漫街就在隔籬,地理位置極之方便外,裝修、餐飲、設施等,每樣都一絲不苟又顯心思。
#01 貴氣 Lobby
Lobby 櫃檯的裝飾,是日本國寶級傳統工藝京都西陣織,以綠、灰兩色織出林深處人家意境。旁邊的餐廳,木紋天花、彩雲燈籠,配上和式紙門,還以為住進了溫泉旅館,點睇都唔似市中心酒店。
#02 和風客房、體貼床上用品
客房設計同樣走和風,354 間客房分別以不同顏色的牆紙裝飾。特別位是,地板不是普通榻榻米,而是以纖維物料模仿而成的琉球榻榻米,易打理亦更耐用。
要一覺好眠,怎會少了得體的床上用品?逸之彩酒店在枕頭及被鋪上亦花了不少心思。除了舒適又軟綿綿的羽絨被,亦特地採用品牌 Hush home 的神奇枕頭,一面軟一面硬,想瞓哪一面都得。床方面仲特地做了調查,發覺香港人偏好的床褥硬度為 6-8,因此特別選了 7 號硬度的床褥。從來都覺得賣床上用品的廣告聲稱一撻落床即瞓著實在太誇張,試瞓完發覺,原來酒店有上盛的床上用品很重要,一撻落床即瞓著,其實唔難,休息過後第 2 日繼續玩。
#04 免費宵夜
有咩好得過玩完成日,返到酒店就有免費宵夜?酒店每晚 10 點,為住客提供免費夜食放題。對於精打細算的香港人來講,「免費」令人雙眼發光,難怪未到 10pm 已人頭湧湧排隊等食。飲品方面有啤酒、sake、梅酒,仲可自製 cocktail。食方面雖然獨沽一味只有拉麵,但即叫即整,湯底仲每日不同,天寒地凍,返到酒店仲有熱辣辣拉麵,即時暖在心頭。
#05 免費單車、Wi-Fi 蛋任用
另外,酒店亦有唔少免費服務。餐廳旁有熱水機、咖啡、茶及各款果汁全天候供應;想出去打個轉,有免費單車出租,去難波站、心齋橋等都係 10 分鐘車程;冇買 sim card 都唔緊要,酒店連 Wi-Fi 蛋都係免費任用,到 check-out 先歸還。
文:company_man 相:Jay
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓