澳門一年一度慶祝回歸嘅大型巡遊活動《澳門國際幻彩大巡遊》,由文化局主辦,多個部門和單位合辦加上民間團體鼎力支持,將會係12月17日舉行。今次巡遊陣容龐大,49個本地巡遊隊伍、15個來自世界各地嘅表演團體,都會齊集澳門,絕對係不容錯過嘅盛事!
全城參與《澳門國際幻彩大巡遊》,氣氛熾熱。
文化局早前舉行新聞發佈會,為《2017澳門國際幻彩大巡遊》揭開序幕。
今次嘅大巡遊會以大三巴牌坊作起點。
巡遊隊伍穿梭澳門大街小巷,帶來不一樣嘅周日。
嘩!係高蹺達人呀!
充滿澳門特色的巡遊路線
今年嘅《澳門國際幻彩大巡遊》,表演隊伍更帶大家走進嶄新嘅巡遊路線,3點係大三巴牌坊舉行開幕儀式,巡遊隊伍正式出發,途經充滿澳門特色嘅板樟堂前地、議事亭前地同大堂前地;嚟到平時車水馬龍嘅南灣湖景大馬路,當日會變身成活力舞池,一眾高蹺達人、趣緻木偶陪你齊齊玩齊齊跳;最後大巡遊會喺晚上6點半去到西灣湖廣場,帶來「愛・和平・文化共融」嘅回歸派對,之後仲可以去埋2017澳門光影節嘅景點欣賞唔同光雕表演、燈飾裝置,咁就完美啦!
表演者仲會同現場觀眾互動。
表演者悉心打扮,你睇吓呢個鬼馬造型,一定要同佢地影相呀!
大小朋友都可以參與其中。
勁歌熱舞 炒熱氣氛
今次大巡遊由49隊本地團隊參與,涵蓋粵劇、戲劇、音樂、武術、高蹺、東西方現代舞及傳統舞等範疇,包括澳門青年交響樂團協會、心在澳門葡萄牙土風舞蹈協會、澳門敲擊樂協會等,以勁歌舞蹈、藝術表演,帶來歡樂無限嘅巡遊派對。而15個來自世界各地嘅藝團都會參加巡遊表演,包括香港嘅La P en V優之舞、奧地利嘅省鏡夢中人、法國嘅飛行異人藝術汽球隊等,最適合一家大細齊齊嚟感受大巡遊嘅熱鬧氣氛!
除咗同巡遊隊伍影相打卡外,今年仲新增咗定點表演,表演單位會跟著巡遊隊伍步伐,係板樟堂前地、議事亭前地同南灣湖景大馬路,為觀眾帶來精彩嘅音樂演出。
大巡遊集結咗來自唔同國家嘅表演者。
日期:12月17日
時間:3pm
地點:大三巴牌坊出發
立即follow「感受澳門 Experience Macao」Facebook及Instagram專頁: https://www.facebook.com/ExperienceMacao
Source: 澳門特別行政區政府旅遊局
【搶先送❗】Rollink可摺疊行李箱🧳!↓
↓ 全球最薄!免費成為全港首批用家 ↓
↓ 全球最薄!免費成為全港首批用家 ↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓