【紐紐樂】新西蘭急流樂園玩刺激衝浪水上活動

2017.11.30

有無人好似小編咁，唔識游水，但好想玩刺激水上遊戲？現在可以去新西蘭奧克蘭，或許可實現你的願望！因在奧克蘭一條公路旁邊，有個開業未夠一年嘅人工激流樂園，令又要驚又要玩嘅膽小鬼，可以穿上救生衣同安全帽玩刺激嘅激流活動，最平 $300 港元可以玩到，大可挑戰一下！

玩激流好似要好大體力同勇氣，如果去戶外的真．激流玩橡皮艇或獨木舟，對於新手嚟講都怕應付唔到。但這個位於新西蘭奧克蘭的一個人工激流樂園 Vector Wero Whitewater Park，就算唔識游水都可以玩盡各種水上活動，難度低嘅有水上直立板舟；如果想堅持玩難度高嘅激流划艇，有成 9 千平方米大嘅儲水池，仲分有兩條人工河流，一條係難度較低約 200 米長 Tamariki River，另一條係難度稍高嘅 River Rush，當中要挑戰一個大瀑布、直插落水，想刺激又有膽識的話，必玩無誤！

Tamariki River

一般來說，如果不諳水性或者是划艇初哥，都會揀呢隻多人橡皮艇嘗試挑戰 Tamariki River，駐場教練會指引划艇渡過激流，沿途會經歷 1至 2 個急流位，水流相對無咁急，難度較低，參加費亦相對較平，最平只需 55 紐元（即約 295 港元）。

River Rush

要玩難度高的可以揀 River Rush，河流長度約 300 米，沿途有 3 至 4 個急流位，其他障礙物及傾斜俯衝設計都令難度及刺激度 level up。其中的重點體驗是要跨過 4.5米高（即高過一層樓）、90 度斜人工瀑布，直插落水的感覺相信非常刺激好玩！而費用最平是 85 紐元（約 455 港元）。