自拍相機出完一部接一部,最大特色都係自拍影人靚、自動美肌仲內置一堆 filter 及美顏設定等你「素顏」變「美顏」。對於本身唔係用專業相機及無乜攝影技巧嘅朋友仔,自拍相機嘅出現真係打救咗呢班影相時手殘嘅朋友仔。咁如果去旅行要影靚相,就緊係靠同行朋友仔喇,萬一大家都係一影相就手殘嘅,咁就睇下邊款多功能又適合旅行用嘅自拍相機,啱你心水喇!
而 CASIO 早前就推出咗新一代自拍相機 TR-M11,外型十足粉餅盒咁,一推出討論度就極高。而今次我哋就搵埋 CASIO 之前推出嘅另外 2 款自拍相機做一個比拼,睇吓邊款先最稱得上自拍神器先。
比拼前先介紹一吓最新推出嘅 TR-M11 先:
外型:粉盒外型,小巧便攜
呢部最新推出嘅自拍相機,配有全新「自拍打燈」功能,配備獨特嘅環形補光燈設計,內置9 盞 LED 燈,營造出唔同嘅打燈效果,影出 [嫩膚]、[立體度]、[瘦臉]、[陰影] 等唔同效果嘅自拍靚相。
揀有[瘦臉]效果嘅打燈後拍攝,效果都算明顯。
內置 Filter 亦都新增至7種 包括:HDR、Vivid、少女風NEW、優雅、唯美、仙境、懷舊
除咗有 4:3 格式嘅相外,仲可以影 1:1方形自拍照,唔洗再裁剪就可以直接上載至 Instagram
介紹完新相機嘅部份新功能外,以下我哋就比較下 3 款「自拍相機」相片質素及廣角效果,睇下邊款真係最適合「自拍控」入手嘅「自拍神器」!
測試(一):相片質素
-相片以基本設定下拍攝
-沒有使用濾鏡
-於同一光線環境下拍攝
結果見到 TR-M11 嘅自動調色效果較明顯,但另外兩外款相機就較接近原本事物嘅顏色。
測試(二):廣角效果
-相片在同一距離、同一背景前拍攝
結果見到 EX-TR80 所拍攝嘅人像較細,而見到嘅背景都較多。
總結:
TR-M11 - 啱曬鍾意自拍嘅自戀狂
呢部嘅美肌效果及臉容修飾就最明顯,即使係零設定下,就咁影嘅相已經美化咗好多。但因為佢嘅外型設計,大大限制咗鏡頭活動空間,所以唔太適合一大班人合照,因為會影唔曬,就只適合自拍或人少嘅合照。
EX-TR80 - 啱一班人自拍!個個都咁靚
佢有 360°旋轉外框可以手持、吊掛或者當支架放係地上、枱上自拍,另外佢嘅自拍效果較自然,係零設定下影出嚟嘅相唔會有太強嘅美化及美肌效果。而且佢鏡頭較另外兩部相機 wide ,所以除咗啱一人自拍外都較適合一大班朋友自拍合照等。
EX-FR100L - 適合戶外及出遊拍攝
呢部自拍相機最大賣點就係相機置有 [長腿效果指導 ]:螢幕上有 remark 教你點樣擺隻腳,以拍攝出有長腿效果嘅全身相。另外佢有防水濺、塵寒及防撞設計好適合戶外及水上拍攝。加上佢嘅分體式鏡頭,無論自拍定連接自拍棍、腳架或隨意擺放都得。
【搶先送❗】Rollink可摺疊行李箱🧳!↓
↓ 全球最薄!免費成為全港首批用家 ↓
↓ 全球最薄!免費成為全港首批用家 ↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓