一連五集的《 Do 姐再 Shopping》，Do 姐帶住農夫同黃翠如去日本食、買、玩，若然想知佢哋呢 5 日到底去咗日本邊度歎世界？即睇！
第五集
嚟到日本篇最後一集，Do 姐帶住大家買正嘢之餘，更食有 400 年歷史的烏龍麵，真係睇見到流口水。
第一站：清水屋 食日本三大之一烏龍麵
群馬縣的水澤烏龍麵，被稱為日本三大烏龍麵之一，因為只以山泉水、優質小麥及嚴選細鹽所製作，而擁有 400 年歷史的清水屋，就是水澤烏龍的始祖不得不提的是，清水屋一開始其實是專門供給宮內的天皇家族，所以味道方面，唔使講都知係極品。店內的烏龍麵到現時仍堅持以人手制做，品質絕對有保證。 涼麵是水澤烏龍麵最基本的食法，至於麵的特色在於具透明、較粗身及其煙韌的口感，而清水屋只提供冷食，就連沾醬都係凍的。 清水屋
地址：日本 群馬縣澀川市伊香保町水澤204
電話：+81 (0)279 72 3020
營業時間：星期一至三及五、六 11am-5pm、星期日及公眾假期 11am-5：30pm、逢星期四休息（若星期四為公眾假期則照常營業）
第二站 虎屋 歎皇室御用甜品
以高級羊羹為招牌的百年和菓子店虎屋，已創立超過 500 年的虎屋，在 16 世紀時已是皇室御用品牌。店內的和菓子都是由虎屋的師傅以高超的手工製造，而且更會搭配季節及食材做出最合時的菓子。
虎屋
地址：日本 東京都港區赤坂 9-7-4 Ｄ-Ｂ117 東京ミッドタウン ガレリア 地下 1 樓
電話：+81 (0)3 5413 3541
營業時間：11am-9pm（元旦休息）
第三站 今治 タオル 高級毛巾
有 120 年製造毛巾經驗、位於日本中南部瀨戶內海以南、四國島上愛媛縣的今治市出產的今治毛巾，係全球毛巾界數一數二，而得到認證的金治毛巾，獨特之處就係佢哋紡織技術，令毛巾有超強吸水力，只要放落水 5 秒，毛巾就一定會沉落底，超吸水！ 今治的專門店中，都會有一名毛巾的專業顧客坐陣，咁就可以隨時隨地幫顧客揀選一條最適合的毛巾。 一條金治認證的白毛巾，分分鐘賣過千港元，而呢個就係得到認證的標記，買時記得睇清楚有冇。
今治タオル 南青山店
地址：日本 東京都港區南青山 5-3-10 FROM-1st 2F 203號
電話：+81 (0)3 6427 2941
營業時間：11am-7：30pm
（每月第二個星期二、8 月第二個星期日、2 月第三個星期日及新年假期休息。）
第四站 #FFFFFFT 簡單卻不平凡的白 Tee
因為鍾意白 Tee，故日本的夏目夫婦係東京開設了第一間只賣白 Tee 的服裝店，就連店名#FFFFFF 亦是以色卡中的白色代碼命名，可以佢哋對白色有幾瘋狂。店內共有 30 個品牌以上的的白 Tee 都是店主在世界各地搜集回來的，當中包括 1860 年創立的英國品牌 SUNSPEL、對品質極為講究的日本 SMOOTHDAY 以及堅持傳統製作的美國品牌 VELVA SHEEN 等等，可見雖然店中只係白 Tee，但並非大家想像中簡單。 白 Tee 的顏色分純白、象牙白、茶白及月白等，而裁剪分面則有 V 領、圓領及 U 領等等，非常多選擇。 就連日本男星中村獅童都係佢哋客仔。
#FFFFFFT SENDAGYA（シロティ千駄ヶ谷）
地址：日本 東京都涉谷區千駄ヶ谷 2-3-5 1F
電話：+81 (0)3 6804 5746
營業時間：逢星期六 12nm-7pm （正確營業時間需在 Facebook 確認）
交通：JR 原宿站步行約 10 分鐘
第五站 澀谷 MEGA 驚安の殿堂 狂掃藥妝
好多人去日本都鍾意去藥妝店買手信，咁要去就當然去最大最齊、位於澀谷的「澀谷 MEGA 驚安の殿堂」旗艦店，除咗因為呢度連埋地庫有 7 層咁多外，更係 24 小時營業，真係想幾點嚟掃貨都冇問題。 澀谷 MEGA 驚安の殿堂
地址：日本 東京都澀谷區宇田川町 28 - 6
營業時間：24 小時
交通：澀谷站「ハチ公口」出口，步行約 5 分鐘
第六站 東京站 扭最新扭蛋
位於東京站的一番街、今年 3 月先開的扭蛋街，而且街更係 BANDAI 首條官方扭蛋機街，呢度有 100 部最新的扭蛋機可以畀你狂扭，鍾意動漫或扭蛋的大人同小朋友嚟到，一定扭到失心瘋。
BANDAI官方 Tokyo Gashapon Street
地址：日本 東京都千代田區丸之內 1 - 9 - 1 東京站一番街地下一樓東京 Character Street 內
營業時間：10am - 8:30pm
第四集
Do 姐尋日帶隊食完蜜瓜後，今日又拉隊去掃海產返香港兼飲斷市威士忌，正呀！
第一站：札幌場外市場喪買海產
每日朝早，均有從北海道各地新採摘的蔬菜、水果以及剛捕撈的魚貝等被運到札幌市中央批發市場，而場外市場則在批發市場毗鄰，當市場的拍賣結束後，商品就被擺放出來。 呢度除咗有海鮮店、蔬菜水果店、乾貨店等外，更有壽司店、套餐店等飲食店，全部都使用最新鮮的食材，睇住 Do 姐佢哋呢頭買完蟹又再喪買海膽，而且價仲要平香港咁多，真心妒忌。
除咗可現場即買即食外，場內的商店亦可代客人郵寄海產返香港，加上價錢平香港一大截，難怪 Do 姐買到失控。
札幌市中央批發市場 場外市場
地址：日本 札幌市中央區北 11 條西 21 丁目
營業時間：6am - 5pm（食店則由 7am 開始營業）
交通：JR 桑園站落車後，約步行 10 分鐘。
第二站：Space1-15 大厦中隱藏的市集
原本係解決空房問題，提供畀年青人做創作的空間，至今已變成札幌市文青週末必到的新蒲點，同時亦被喻為「裏札幌文化發信地」。大厦內的 2 至 5 樓開設了不同類型的店舖如咖啡店、雜貨店、唱片店以及服務店等共 20 間，而每間均要撳鐘仔先可內進，頗有特色。 Do 姐同農夫等人走入大廈中的 Takechas Records，而且更搵到賈思樂及杜德偉媽媽（春）張露的黑膠碟。 Space1-15
地址：日本 札幌市中央區南 1 條西 15 丁目 1-319 Chateau le Reve
營業時間：逢星期一至三休息，至於店舖的營業時間及日期均不同。
網址：http://www.space1-15.com
第三站：余市蒸餾所歎炒價威士忌
無論有飲開日本威士忌，相信大部份人都識「余市」，呢個位於北海道的「余市蒸餾所」，就係以煤炭直火蒸餾法製成「 NIKKA WHISKY」，而呢度出產的威士忌品牌包括「竹鶴 21 年」及「余市 20 年」，嚟到呢度，除咗可以試飲威士忌外，更可參觀威士忌的生產過程、儲酒窖，以及由儲藏庫改建的威士忌博物館及已被註冊為「有形文化遺產」的蒸餾塔等，愛酒人士必到。 蒸餾棟。 難得去到余市蒸餾所，飲威士忌是常識吧，呢度連斷市的威士忌都有得飲，難怪 Do 姐就杯杯乾。 余市蒸餾所
地址：日本 余市郡余市町黑川町7-6
營業時間：9am - 5pm（須預約）
交通：JR 小樽車站乘 JR 電車至余市落車。
網址：http://www.nikka.com/distilleries/
第三集
一向健康的 Do 姐，今集就不斷帶人食蜜瓜，而且仲要由東京新宿食到去北海道富良野。
第一站 TAKANO 新宿高野 狂食回本蜜瓜
擁有 130 年歷史、位於東京新宿區的新宿高野本店，只要畀 2,700 日圓（約 190 港元），就可以任食最少 8 種高質的日本水果，而且水果中更有市價過千的網紋蜜瓜，真係食多兩件都回本，而除水果外，店內更有以水果為主的「主食」如沙律、蛋糕、雪糕等。另外，每個月的第二個星期二係「 Happiness fruit Day 」，咁開心，放題水果當然會加碼，而且全部都會係貴價的當造水果，不過價錢就要 3,240（約 227 港元）。
TAKANO 新宿高野本店
地址：日本 東京都新宿區新宿 3-26-11 5F
電話：+81 (0)3 5368 5147
營業時間：11am - 9pm
交通 : JR 新宿駅東口步行約 1 分鐘
預約可參閱官網
第二站 「TRAIN SUITE 四季島」 用百萬坐超豪列車
由 JR 東日本公司推出，在東京上野車站出發至青森站的「四季島」列車，屬頂級郵輪式臥鋪列車，今年 5 月才開始行駛，四季島由 10 節車廂編組，當中包括大廳車廂、餐車車廂、 2 節觀景車廂以及可容納 34 人的 6 節客房車廂，列車採用多項可抑制搖晃震動技術，等大家瞓同坐都可以舒舒服服。 車廂中亦有大型窗戶讓乘客欣賞沿途的風景，最最最不得了的就係套房內有檜木浴缸畀你邊睇風景邊浸浴，囂張到不得了！ 有得咁豪華，坐呢架列車當然唔會平，四季島分別有 2 日 1 夜 & 4 日 3 夜兩款行程可選擇，而單人去的話，價錢由 480,000 至 1,425,000 日圓（約 33,695 至 100,033 港元）。雖然貴，但就大把人爭住搭，如果而家排的話，就已經要等到 2018 年 8 月先搭到。 info
予約詳情請參閱官網
#第三站 夕張蜜瓜祭 競投貴價蜜瓜
北海道的夕張市出產的蜜瓜出名到不得了，去得北海道當然要去埋夕張食返夠本先過癮，而 Do 姐今次就去咗一年只得一次的夕張蜜瓜祭，喺度除咗大量蜜瓜任你試食外，更可以學 Do 姐、農夫咁玩蜜瓜拍賣，好開心。 睇下陸永投蜜瓜時緊張到捉實 Do 姐隻手，就連 Do 姐事後就笑言「緊張還緊張，陸永，請你唔好乘機掂我！」
夕張蜜瓜祭
地址：日本 夕張市公設地方卸売市場（夕張市南清水沢 4 丁目)
電話：+81 (0)3 3572 7123
舉辦日期：每年 6 月尾，確實日期待公佈
交通：JR「札幌站」到「夕張站」後轉乘至南清水站，步行約 10 分鐘。
# 第四站 Tomita Melon House 富良野食青、紅肉蜜瓜
好多人去北海道其中一個理由，一定係因為去睇薰衣草，咁去賞草，就冇理由唔去富良野，皆因呢度係北海道薰衣草的起源地，而當中最出名的，就一定係富田農場，而呢間蜜瓜屋，正正就係富田農場對面，嚟呢度可以食蜜瓜仲可以賞埋花，真係一舉兩得。
去到富田農場搵唔到的話，只要抬高頭見到呢個蜜瓜汽球，跟住行就搵到喇。 店內除咗有青、紅肉蜜瓜買外，更有非常多款以蜜瓜製成的食品如蜜瓜包、蜜瓜雪糕及各式甜品，非常多選擇，不過呢度冬季會休業，如果真係想去，記住事前到
官網 check 清楚，以免撲空。
Tomita Melon House
地址：日本 北海道中富良野町宮町 3-32
電話：+81 (0)1 6739 3333
營業時間：6 月至 10 月頭
交通：從旭川站前或旭川機場或富良野站前，乘坐往中富良野的巴士，抵達中富良野後步行約 250 分鐘或轉乘的士。
第二集
尋日首播嗰集，Do 姐就買、玩爆東京，到咗今日，Do 姐仍然係買，不過就「唔"精"唔買」。
第一站：Kakimori- 打造個人專屬
希望大家能花時間去享受書寫、位於東京銀座的 Kakimori，店內除了有優質日本製商品及高品質的鋼筆售賣外，最不得了的就是能為客人打造獨一無二的專屬筆記本，顧客嚟到，可隨自己的愛好選擇封面、內頁，而內頁亦分為適合鉛筆「漫畫紙(コミック紙)」及鋼筆書寫的「フールス紙」等，之後電選好書扣及線圈的用材後，就可以選擇釘裝方式，最後交給工作人員進行製作。 除筆記本可隨個人喜好設計外，就連鋼筆中的墨水亦可自行調配。在 Kakimori 旁的 inkstand by kakimori，大家只要從提供的顏色中，揀選自己喜愛的顏色然後試色，試啱心水後，就可擁有層於自己的個人顏色，正呀！ 翠如表示想喺度調返隻「藍得來又唔太藍的藍色」，點知就即時畀 C 君笑住串「嗰種藍係咪蕭正楠？」笑死 Do 姐。
Kakimori(カキモリ）/ inkstand by kakimori
地址：日本 東京台東區藏前 4-20-12
電話：+81 (0)3 5829 8848
營業時間：星期二至五 12nm-7pm、星期六、日及公眾假期 11am-7pm、逢星期一休息（若星期一為假日則照常營業）
交通：JR 藏前站步行約 8 分鐘、 JR 新御徒町站步行約 9 分鐘。
官網 ：http://kakimori.com
第二站：小津和紙-和紙的文化體驗
於江戶時代初期、1653 年創立的小津和紙，擁有 360 年以上歷史，直至今時今日，他們依然按照傳統手法造紙。而小津和紙亦是傳遞和紙魅力與日本傳統的文化據點，嚟到呢度，你除咗可以買和紙外，更可到二樓體驗手抄和紙的製作，而該店的三樓，就係紙的資料館，想認識和紙文化的人，必到。
小津和紙
地址：日本 東京都中央區日本橋本町 3-6-2 小津本館大樓
電話：+81 (0)3 3662 1184
營業時間：星期一至六：10am-6pm、星期日休息（新年假期休息）
交通： JR 總武線「新日本橋」站，5 號出口步行約 2 分鐘
官網：www.ozuwashi.net
第三站：GINZA TANAGOKORO---歎炭
1999 年開業，位於銀座的 GINZA TANAGOKORO，是世界第一間備長炭專門店，店內除了介紹備長備的優點、販賣用備長炭造出的產品如番梘、茶葉、日用品外，在同座的 3 樓及 B1F 更設有茶房及 Bar，而茶房更有備長炭造出來的食物及茶類供應。 GINZA TANAGOKORO
地址：日本 東京都中央区銀座1-8-15 4F
電話：+81 (0)3 3538 3339
營業時間：星期一至五 11am-8pm、星期六、日：11am-7pm
官網：www.tanagokoro.com
第四站：銀座夏野-連接「人與神」的筷子
開業約廿年、店中展售超過 3,000 雙筷子專門店，當中更有由日本全國各地職人精心打造的筷子，店內的筷子款式亦非常廣泛，除了有自用、收藏外，包括有招好運的運勢筷子、長壽筷子、結婚筷子等，總之幾乎講得出送禮理由的筷子都有，而價錢則由幾百到過百萬日圓，勁誇！ 由於筷子古時是被認為是連接「人與人、人與神」的吉祥物，故店家亦抱希望大家更懂得珍惜這種連接神與人的筷子的心願。 銀座夏野
地址：日本 東京都中央區銀座 6-7-4 銀座タカハシビル 1F
電話：+81 (0)3 3569 0952
營業時間：星期一至六 10am-8pm、星期日及公眾假期：10am-7pm
官網：www.e-ohashi.com
第五站：王子サーモン
1967 年創立，創立人因到英國出 trip 後食過來自日本的煙燻三文魚後，返回日本便成立「王子サーモン」，以及反覆研究煙燻三文魚，時至今日，店內除了有自家的三文魚產品外，亦會引入從世界各地嚴選的瓶裝三文魚及其他與三文魚有關的商品，鍾意三文魚的人必到。 王子サーモン
地址：日本 東京都中央區銀座 3-7-12
電話：+81 (0)3 3567 6759
營業時間：星期一至五：10:30am-8pm、星期六、日及公眾假期：10:30am-7pm（新年假期休息）
官網：www.oji-salmon.co.jp
第一集
等咗咁耐，《 Do 姐再去 Shopping》終於首播！
今次 Do 姐夥拍嘉賓主持農夫到日本、丹麥和意大利繼續 Shopping 享受世界。Do 姐在首五集－即是行程首站－與農夫及嘉賓之一的黃翠如遊走日本、爆買 shopping + 享受美食，更去到一年一度的北海道夕張蜜瓜祭、品嚐日本當造蜜瓜，仲有札幌場外市場品嚐北海道三大名蟹~除咗食，四人亦在日本大玩特玩，除了在東京街頭玩高卡車，更去跳蚤市場買和服、運動用品村掃貨兼玩攀石，行程好豐富呀！
即睇第 1 集精華！ 明明今次就冇去韓國，但開場就見到 Do 姐竟然找來佢好冧嘅韓星朴敍俊傾偈！ 勾手玩約定兼打埋印章之餘，仲要玩抱抱，哇，想葡萄死人咩！
【第 1 站：秋葉原扮 Mario】
Do 姐拍住 C 君及翠如，係秋葉原街頭玩當地勁 Hit 的街頭 Mario Kart～ C 君問 Do 姐點解要去，Do 姐答：「因為鍾意！」C 君即時笑住話:「鍾意最緊要，遲啲返明朝拉人力車添呀！」至於陸永？咪就因為冇車牌冇得玩。 好多人都會選擇著 Mario 衫玩高卡車，不過 Do 姐佢哋就選擇著浴袍及武士裝玩，而翠如就遇上人生第一次「死火」，仲要連自己死咗都唔知。
【第 2 站：銀座 Ginza Six 潮拜草間彌生】
位於東京銀座、松阪屋百貨舊址的新商場 Ginza Six，乃銀座地區最大規模商業設施，亦是銀座地區規模最大的商場，241 間舖跟據性質分為 Fashion Zone、Beauty Zone及 Lifestyle Zone 三部分，但一入去尚未開始逛商店，在中庭抬頭望，12 個草間彌生的招牌波點南瓜懸在空中，期間限定展示至 2018 年 2 月 25 日。 一入中庭，抬頭便見到草間彌生的作品，展期至 2018 年 2 月 25 日。（圖：sisi_beautifuldays@IG） 以全 100% 日本職人打造的皮具品牌 genten monococoro，是經過跨界合作或與獨自在各地尋找出的新世代職人、所共同打造的雜貨，每件皮具手工非常細緻，是皮具中的精品。 2010 年創立、位於商場 5 樓的 KURO，非常講究細節，標榜採用由古織布機製成「日本吉川織物製」13oz 單寧布，於岡山縣的兒島染色、宮城縣仙台市的工廠進行縫製，屬日本十大牛仔品牌之一。
Ginza Six
地址：日本 東京都中央区銀座 6 丁目 10-1
【第 3 站：行flea market 大江戶骨董市】
由 2003 年 9 月開始舉辦，市集約有 250 個攤位，除了有骨董商外，攤檔的種類非常多，從舊相、啤牌、洋裝、鍋碗、馬賽克磚等幾乎乜都有。 雖然話係二手，但仍然保存得非常好，難怪大家一向認為只會買「一手」嘢的 Do 姐，喺度都忍唔住手買到心頭好。 除咗古董、洋裝外，市場內亦有二手和服，而 Do 姐身上件和服只要 1,000 日圓（即約 70 港元），真係抵到爛！
大江戶骨董市
地址：日本 東京都千代區丸之內 3-5-1 東京國際會館 1 樓地面廣場
營業時間：9am - 4pm
營業日期：每月第 1 及第 3 個星期日（落雨則取消），確實舉辦日期請參閱
官網交通：JR 山手線有樂町駅，東京國際 Forum 出口步行約 1 分鐘
【第 4 站：東京最大運動用品村】
2015 年開幕，是東京最大的戶外運動用品購物村，喺度除咗有得大買特買外，更有戲院、酒店以及網球場等多種戶外設施，當然亦唔少得 Do 姐都玩、全關東最大規模的攀岩場。 MORIPARK Outdoor Village 內有好多戶外及行山品牌，包括 Snow Peak、A&F COUNTRY、Columbia，而呢度嘅露營用品品牌 Coleman，更係東京都最大的旗艦店。 Snow Peak 專門店內，更有全日本第一間的 Snow Peak Eat 餐廳。 場內的攀石場分室內及室外兩種。 見到現場有得玩攀石，Do 姐忍唔住走去露兩手。 場內亦有瑜伽室，就連 Do 姐亦喺度露兩手，不過就畀農夫笑佢《驅魔人》。
MORIPARK Outdoor Village
地址：日本 東京都昭島市田中町 610-4
營業時間：星期一至五 11am-8pm、星期六、日：10am-8pm、逢星期三休息
交通：「JR 中央線‧青梅線」昭島站，步行約 10 分鐘
utravel
發表回應